କେରଳରେ ବୁଲା କୁକୁରଙ୍କ ଆତଙ୍କ ବଢି ବଢି ଚାଲିଛି । ଲୋକେ ଭୟରେ ରାସ୍ତାରେ ଯିବା ଆସିବା କରୁଛନ୍ତି । ଜଣେ ଯୁବତୀ ମନ୍ଦିରରୁ ଘରକୁ ଫେରୁଥିବା ବେଳେ ବୁଲା କୁକୁରର କବଳରେ ପଡିଯାଇଥିଲେ । କୁକୁରଟି ସେଠାରେ ଥିବା ଅନ୍ୟ ଲୋକଙ୍କୁ ଛାଡି ଏକ ଲକ୍ଷ୍ୟରେ ଯୁବତୀ ପଛରେ ଗୋଡାଇଥିଲା । ଯୁବତୀ ଜଣଙ୍କ ଭୟରେ ପାଟି କରି ଜୀବନ ବଂଚାଇବାକୁ ଦୌଡିଥିଲେ । ଅନ୍ୟଲୋକମାନେ କୁକୁରଟିକୁ ଘଉଡାଇବାକୁ ଚେଷ୍ଟା କରିଥିଲେ । ଦୌଡି ଦୌଡି ଯୁବତୀ ଜଣକ ହାଲିଆ ହୋଇ ତଳେ ପଡିଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ଦୁଇ ଦିନ ତଳେ ଏମିତି ଏକ ଘଟଣା ଘଟିଥିଲା କେରଳରେ ରାଜଧାନୀ ନିକଟବର୍ତୀ କଂଜିରାମକୁଲମ୍ ତଟୀୟ ସହରରେ । ଜଣେ ୬୫ ବର୍ଷୀୟ ବୃଦ୍ଧାଙ୍କୁ ବୁଲା କୁକୁର ଆକ୍ରମଣ କରି ଝୁଣି ଖାଇଯାଇଥିଲା । ଅତ୍ୟନ୍ତ ସଂକଟାପନ୍ନ ଅବସ୍ଥାରେ ବୃଦ୍ଧାଙ୍କୁ ବୁଲା କୁକୁର କବଳରୁ ଉଦ୍ଧାର କରାଯାଇଥିଲା । ହେଲେ ଡାକ୍ତରଖାନା ନେବା ରାସ୍ତାରେ ବୃଦ୍ଧାଙ୍କ ମୃତ୍ୟୁ ଘଟିଥିଲା ।
ଏ ଘଟଣା ପରେ ସେଠାର ଲୋକମାନେ ଖୁବ୍ ଭୟଭୀତ ହୋଇଯାଇଛନ୍ତି । ପିଲାଛୁଆଙ୍କୁ ବାହାରକୁ ଛାଡିବାକୁ ବି ଡରୁଛନ୍ତି।