ଆଉ ଛପା ହେବନି ୨ହଜାର ଟଙ୍କିଆ ନୋଟ ! ଜାଣନ୍ତୁ କଣ ରହିଛି ଏହାର କାରଣ ।
ଭାରତ ସରକାର ଧିରେ ଧିରେ ୨ହଜାର ଟଙ୍କିଆ ନୋଟକୁ ବନ୍ଦ କରିବାର ନିଷ୍ପତି ଗ୍ରହଣ କରିଛନ୍ତି ।
ବନ୍ଦ ହେଲା ୨ହଜାର ଟଙ୍କିଆ ନୋଟ ଛପା । ଭାରତ ସରକାର ଧିରେ ଧିରେ ୨ହଜାର ଟଙ୍କିଆ ନୋଟକୁ ବନ୍ଦ କରିବାର ନିଷ୍ପତି ଗ୍ରହଣ କରିଛନ୍ତି । ଗତ ୨୦୧୬ ନଭେମ୍ବର ୮ରେ ସରକାର ବିମୁଦ୍ରିକରଣ ଘୋଷଣା କରିବା ପରେ ନୂଆକରି ୨ହାଜାର ଟଙ୍କିଆ ନୋଟର ପ୍ରଚଳନ କରିଥିଲେ । ସେତେବେଳର ପରିସ୍ଥିତିକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଥିଲା । ଗାଁ ଗହଳିରେ ଏହି ନୋଟକୁ ଭଙ୍ଗାଇବା ନେଇ ଅନେକ ଲୋକ ସମସ୍ୟାର ସମ୍ମୁଖୀନ ହେଉଥିବା ଅଭିଯୋଗ ଆସିଥିଲା । ତେଣୁ ଏହାକୁ ଦୃଷ୍ଟିରେ ରଖି ୨ହାଜାର ଟଙ୍କିଆ ନୋଟକୁ ସରକାର ବନ୍ଦ କରିବାକୁ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯୟୀ, ବଜାରକୁ ପ୍ରଥମେ ଯେତେବେଳେ ୨ହଜାର ଟଙ୍କିଆ ନୋଟ ବଜାରକୁ ଛାଡା ଯାଇଥିଲା ସେତେବେଳେ ସରକାର ଆଲୋଚନା କରିଥିଲେକି, ଯେଉଁମାନେ ଲୋନ ନେଉଛନ୍ତି ସେମାନଙ୍କ ପାଇଁ ଏହି ସୁବିଧା ଅତ୍ୟନ୍ତ ଉପଯେୀଗୀ ହୋଇ ପାରିବ । କାରଣ ୧ହଜାର ଟଙ୍କିଆ ନୋଟକୁ ସରକାର ସମ୍ପୁର୍ଣ୍ଣ ଭାବେ ବନ୍ଦ କରିଦେଇଥିଲେ । ତେଣୁ ଆଗକୁ ଯେପରି କୌଣସି ଅସୁବିଧା ନହୁଏ ସେନେଇ ୨ହଜାର ଟଙ୍କିଆ ନୋଟ ପ୍ରଚଳନ ଆରମ୍ଭ କରିଥିଲେ । କିନ୍ତୁ ଏବେ ଏହା ମଧ୍ୟ ଏକ ଅସୁବିଧାର କାରଣ ପଲଟିଯାଇଛି । ଏବେ ବଜାରରେ ଯଥେଷ୍ଟ ପରିମାଣରେ ଅନ୍ୟ ମୂଲ୍ୟର ନୋଟ ମହଜୁଦ ଥିବାରୁ ରିଜର୍ଭ ବ୍ୟାଙ୍କ ୨ ହଜାର ଟଙ୍କିଆ ନୋଟ ଛପା କମାଇଦେଇଛି । ଆହୁରି ମଧ୍ୟ ୨ ହଜାର ଟଙ୍କା ଆକାରରେ ଯେପରି ଅଧିକ କଳାଧନ ମହଜୁଦ ନ ହୁଏ, ସେଥିପାଇଁ ଏହି ପଦକ୍ଷେପ ନିଆଯାଇଛି । ତେବେ ଏହାର ଅର୍ଥ ନୁହେଁ ଯେ ୨ ହଜାର ଟଙ୍କାର ପ୍ରଚଳନ ବନ୍ଦ କରାଯିବ ବୋଲି ସେ ସ୍ପଷ୍ଟ କରିଦେଇଛନ୍ତି । ତେବେ ପୁଣି ଥରେ ୧ ହଜାର ଟଙ୍କିଆ ନୋଟ ପ୍ରଚଳନ ସଂପର୍କରେ ସରକାରଙ୍କ ତରଫରୁ କୌଣସି ନିଷ୍ପତ୍ତି ନିଆଯାଇନାହିଁ ।