ଦୀର୍ଘମିଆଦୀ କ୍ୟାପିଟାଲ୍ ଗେନ୍ ଉପରେ ଟିକସ ଘୋଷଣା : ଚିନ୍ତାରେ ପଡିଲେ ନିବେଶକ
କନକ ବ୍ୟୁରୋ : ସେୟାର ମାର୍କେଟରେ ନିବେଶ କରିଥିଲେ ଏକ କୋଟି ଟଙ୍କା । ହେଲେ ବଜେଟ ପରେ ସେନସେକ୍ସରେ ଯେଉଁ ଝଡ ଉଠିଲା, ସେଥିରେ ୧୫ ଲକ୍ଷ ଟଙ୍କା ହରାଇଛନ୍ତି ମାଥ୍ୟୁ । ଚାଟାର୍ଡ ଆକାଉଂଟାଟ ଛାତ୍ର ରୋହିତ ସେୟାର ମାର୍କେଟରେ ଦୁଇ ଲକ୍ଷ ଟଙ୍କା ନିବେଶ କରିଥିଲେ । ଆଉ ବଜେଟ ଝଡରେ ହରାଇଛନ୍ତି ୪୦ ହଜାର ଟଙ୍କା । ସେନସେକ୍ସର ଏହି ହାବଭାବ ଦେଖି ରୋହିତ୍ କହିଛନ୍ତି, ଏଣିକି ନିବେଶ କରିବା ଆଗରୁ ହଜାରେ ଥର ଚିନ୍ତା କରିବି ।
Kanak News is now on WhatsApp
Join and get latest news updates delivered to you via WhatsApp
ମ୍ୟୁଚୁଆଲ ଫଣ୍ଡ ବା ଦୀର୍ଘମିଆଦୀ କ୍ୟାପିଟାଲ ଗେନ ଉପରେ କେନ୍ଦ୍ର ସରକାର ୧୦ ପ୍ରତିଶତ ଟାକ୍ସ ଲଦିଦେବାରୁୁ ଷ୍ଟକ ଏକ୍ସଚେଂଜ୍ ଭୟଙ୍କର ଭାବେ ହଇଚଇ ସୃଷ୍ଟି ହୋଇଛି । ବଜେଟରେ ଏହି ପ୍ରାବଧାନ ଲୋକଙ୍କ ପକେଟରୁ ୫ ଲକ୍ଷ କୋଟି ନେଇଯାଇଛି । ଆଉ ଅନୁମାନ କରାଯାଉଛି ସୋମବାର ମଧ୍ୟ ଏହି ସ୍ଥିତି ଲାଗି ରହିପାରେ । ଯାହା ଏବେ ନିବେଶକଙ୍କ ପାଇଁ ଚିନ୍ତାର କାରଣ ପାଲଟିଛି ।
ଯଦି ଆପଣ ସେୟାର ମାର୍କେଟରେ ଦୁଇ ଲକ୍ଷ ଟଙ୍କା ନିବେଶ କରିଛନ୍ତି ଆଉ ବର୍ଷକ ପରେ ଏହା ତିନିଲକ୍ଷ ଟଙ୍କା ହୋଇଛି, ତେବେ କେନ୍ଦ୍ର ସରକାରଙ୍କ ନୁତନ ନିୟମ ଅନୁଯାୟୀ ଲାଭାଂଶ ଉପରେ ୧୦ ପ୍ରତିଶତ ଟିକସ ଦେବାକୁ ପଡିବ । ଶୁକ୍ରବାର ଷ୍ଟକ୍ ଏକ୍ସଚେଂଜର ମାଡ ସୋମବାର ଯଦି ଜାରି ରୁହେ, ତେବେ ନିବେଶକଙ୍କ ପାଇଁ ଅଡୁଆ ଆହୁରି ବଢିପାରେ ବୋଲି ଅନୁମାନ କରାଯାଉଛି ।