ବେରୋଜଗାରୀଙ୍କୁ ଷ୍ଟେଟ ବ୍ୟାଙ୍କ ଦେଉଛି ସୁବର୍ଣ୍ଣ ସୁଯୋଗ ! ଏସବିଆଇର ଏହି ଯୋଜନାରେ ପାଇପାରିବେ ମାସିକ ୧୫ ହଜାର ଟଙ୍କା , ଜାଣନ୍ତୁ କିଭଳି କରିବେ ଆବେଦନ
ଆପଣ ଏବେ ଦେଶର ସବୁଠୁ ବଡ଼ ବ୍ୟାଙ୍କ ଏସବିଆଇ (ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ) ସହ ମିଳିତ ସହଯୋଗରେ ଟଙ୍କା କମାଇ ପାରିବେ । ଆପଣ ବ୍ୟାଙ୍କ ସହ ମିଶି ପ୍ରତିମାସରେ ପ୍ରାୟ ୧୬ ହଜାର ଟଙ୍କା ଆୟ କରିପାରିବେ । ଏସବିଆଇ ଫାଉଣ୍ଡେସନ, ୟୁଥ ଅଫ ଇଣ୍ଡିଆ ଫେଲୋସିପ ପ୍ରୋଗ୍ରାମ ଆରମ୍ଭ କରିଛି । ଏହି ପ୍ରୋଗ୍ରାମରେ ପ୍ରବେଶ କରି ଆପଣ ଗ୍ରାମୀଣ ଅଞ୍ଚଳ ଗୁଡିକୁ ଯାଇ ପିଲାମାନଙ୍କୁ ପାଠ ପଢାଇବା ସହ ଅନ୍ୟ କାମ ମଧ୍ୟ କରିପାରିବେ । ଏହି କାମରେ ଯୋଗ ଦେବା ପରେ ଆପଣଙ୍କୁ ପ୍ରତି ମାସରେ ୧୫ ହଜାର ଟଙ୍କା ଷ୍ଟାଇପେଣ୍ଟ ମିଳିବା ସହ ଯାତାୟତରେ ଖର୍ଚ୍ଚ ହେଉଥିବା ଟଙ୍କା ବାବଦକୁ ଅଲଗା ୧ ହଜାର ଟଙ୍କା ମିଳିପାରିବ । ଏଥିରେ ଆବେଦନର ସମୟ ସୀମା ଜୁନ ୧ ତାରିଖରୁ ଆରମ୍ଭ କରି ଜୁନ ୫ ତାରିଖ ପର୍ୟ୍ୟନ୍ତ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏସବିଆଇର ଏହି ପ୍ରୋଗ୍ରାମ ଅନୁଯାୟୀ, ଆପଣଙ୍କୁ ପ୍ରାୟ ୧୩ ମାସ ଏକ ଏନଜିଓ ସହ ମିଶି ଗାଁ ଅଞ୍ଚଳ ଗୁଡିକରେ କାମ କରିବାକୁ ପଡିବ । ଏଥିରେ ଆପଣ ପିଲାଙ୍କୁ ପାଠ ପଢାଇବା ସହ ଅନ୍ୟାନ୍ୟ କାମ ମଧ୍ୟ କରିବାକୁ ପଡିବ । ଏହା ବଦଳରେ ଏସବିଆଇ ତରଫରୁ କର୍ମକର୍ତ୍ତା ମାନଙ୍କୁ ମାସିକ ୧୫ ହଜାର ଟଙ୍କା ମିଳିବା ସହ ବାଟ ଖର୍ଚ୍ଚ ବାବଦକୁ ଅଲଗା ୧ ହଜାର ଟଙ୍କା ମିଳିବ ।
ଯୋଗ୍ୟତା :
ଏଥିରେ ଯୋଗ ଦେବା ପାଇଁ ହେଲେ ଆପଣଙ୍କ ସର୍ବ ନିମ୍ନ ବୟସ ୨୧ ଏବଂ ସର୍ବାଧିକ ୩୧ ବର୍ଷ ହୋଇଥିବା ଆବଶ୍ୟକ । ଏସବିଆଇ ୟୁଥ ଫେଲୋସିପରେ ଯୋଡି ହେବାକୁ ହେଲେ ଆପଣ କୌଣସି ଏକ ମାନ୍ୟତା ପ୍ରାପ୍ତ ବିଶ୍ୱବିଦ୍ୟାଳୟରୁ ସ୍ନାତକ ପତ୍ର ହାସଲ କରିଥିବା ଜରୁରୀ ଅଟେ ।
କିପରି କରିବେ ଆବେଦନ :
ଏସବିଆଇ ୟୁଥ ଫେଲୋସିପରେ ଆବେଦନ କରିବା ପାଇଁ ପ୍ରଥମେ www.youthforindia.org କୁ ଯାଇ ସେଠାରେ ଏହି ପ୍ରୋଗ୍ରାମ ସମ୍ବନ୍ଧୀୟ ସମସ୍ତ ତଥ୍ୟକୁ ଭଲ ଭାବରେ ପଢି ଏଥିରେ ଆବେଦନ କରିପାରିବେ ।