ଖିମଜୀରେ ମହିଳାକର୍ମୀଙ୍କୁ ଛୁରା ମାଡ ଘଟଣା : ଅଭିଯୁକ୍ତକୁ ଗିରଫ କଲା କମିଶନରେଟ୍ ପୁଲିସ
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ଭୁବନେଶ୍ୱର ଖିମଜୀ ଜୁଏଲର୍ସରେ ମହିଳା କର୍ମଚାରୀଙ୍କୁ ଆକ୍ରମଣ ଘଟଣାରେ ମୁଖ୍ୟ ଅଭିଯୁକ୍ତ ନିଖିଲ ଜେନାକୁ ଗିରଫ ଜଗତସିଂହପୁରରୁ ଗିରଫ କରିଛି କମିଶନରେଟ୍ ପୁଲିସ । ଏନେଇ ସୂଚନା ଦେଇଛନ୍ତି ପୁଲିସ କମିଶନର ୱାଇ. ବି. ଖୁରାନିଆ । ଏକ ତରଫା ପ୍ରେମକୁ ନେଇ ଏହି ଆକ୍ରମଣ ହୋଇଥିବା ପୁଲିସ୍ ସୂଚନା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ମଧ୍ୟାହ୍ନରେ ଜଣେ ମହିଳା ସେଲ୍ସ ପର୍ସନଙ୍କ ପିଠିରେ ଛୁରି ଭୁଷି ଦେଇଥିଲେ ନିଖିଲ ଜେନା ନାମକ ଅନ୍ୟ ଜଣେ କର୍ମଚାରୀ । ଛୁରୀ ପିଠିରେ ପସିଥିବା ଅବସ୍ଥାରେ ତାଙ୍କୁ ଡାକ୍ତରଖାନାରେ ଭର୍ତି କରାଯାଇଥିଲା ଏବଂ ଦୀର୍ଘ ଅଢେଇ ଘଂଟାର ଅପରେସନ ପରେ ଡାକ୍ତର ତାଙ୍କ ପିଠିରୁ ଛୁରୀ ବାହାର କରିଥିଲେ । ମହିଳା ଜଣଙ୍କୁ ଆଇସିୟୁରେ ଭର୍ତି କରାଯାଇଥିବା ଡାକ୍ତରଖାନା ପକ୍ଷରୁ ସୂଚନା ଦିଆଯାଇଛି ।