କନକ ବ୍ୟୁରୋ : ବିଶାଖାପାଟଣାରେ ଓଡିଆ ଛାତ୍ର ଶ୍ରେୟସର ରାଗିଂରେ ମୃତ୍ୟୁ ଘଟଣାରେ ବିଶାଖାପାଟଣାରୁ ଆସିଥିବା ଟିମ୍ ଆଜି ମୃତ ଛାତ୍ରଙ୍କ ଗାଁ ଗଡପୋଷ ଯିବେ । ସେଠାକୁ ଟିମ ଯାଇ ପରିବାରଲୋକଙ୍କ ସହ ଆଲୋଚନା କରିବେ । ବିଶାଖାପାଟଣାର ୩ ଜଣିଆ ପୁଲିସ ଟିମ ଓଡିଶାରେ ଶ୍ରେୟସ ମୃତ୍ୟୁ ଘଟଣାର ଛାନଭିନ କରୁଛି । ଗତକାଲି ଶ୍ରେୟସର ପୋଷ୍ଟମର୍ଟମ ରିପୋର୍ଟ ଆସିଛି । ଇଂଟରନାଲ ଇଂଜୁରୀ ସହ ହୃତପିଣ୍ଡରେ ଆଘାତ, ଶ୍ରେୟସ ମୃତ୍ୟୁର କାରଣ ବୋଲି ପୋଷ୍ଟମର୍ଟମ ରିପୋର୍ଟରେ ଉଲ୍ଲେଖ ରହିଛି । ଫୁସଫୁସ ବନ୍ଦ ହେବା ପରେ ହାର୍ଟ କାମ କରିବା ବନ୍ଦ ହୋଇଯାଇଥିଲା । ଏହା ପରେ ଶ୍ରେୟସର ମୃତ୍ୟୁ ହୋଇଥିଲା । କ୍ୟାପିଟାଲ ହସ୍ପିଟାଲ କର୍ତ୍ତୃପକ୍ଷ ଏନେଇ ସ୍ପଷ୍ଟ କରିଛନ୍ତି । ଅଧିକ ତଦନ୍ତ ପାଇଁ ପୋଷ୍ଟମର୍ଟମ ରିପୋର୍ଟ ମାଗିଛି ବିଶାଖାପାଟଣାରୁ ଆସିଥିବା ଟିମ୍ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ସମ୍ବଲପୁର ଗୋବିନ୍ଦପୁର ଥାନା ଅଧୀନ ବରପୋଷର ଶ୍ରେୟସ ବିଶାଖାପାଟଣା ମଧୁରଓ୍ଵାଡ଼ା ଅଞ୍ଚଳରେ ଥିବା ଚୈତନ୍ୟ ସ୍କୁଲର ପ୍ରଥମ ବର୍ଷ ଇିଜିନିୟରିଂ ଛାତ୍ର ଥିଲେ । ତାଙ୍କୁ ଶିକ୍ଷାନୁଷ୍ଠାନର ସିନିଅର ଛାତ୍ରମାନେ ରାଗିଂ କରିଥିବା ଅଭିଯୋଗ ହୋଇଥିଲା । ସେମାନଙ୍କ ମାଡ଼ରେ ଗୁରୁତର ଆହତ ଶ୍ରେୟସଙ୍କୁ ପ୍ରଥମେ ତାଙ୍କୁ ବିଶାଖାପାଟଣା ଓ ପରେ ଭୁବନେଶ୍ୱର କେୟାର ହସ୍ପିଟାଲରେ ଭର୍ତ୍ତି କରାଯାଇଥିଲା । ତେବେ ଏଠାରେ ତାଙ୍କର ଚିକିତ୍ସା ଚାଲୁଥିବାବେଳେ ୫ ଦିନ ତଳେ ଶ୍ରେୟସଙ୍କ ମୃତ୍ୟୁ ଘଟିଥିଲା । ଏହାକୁ ନେଇ ବିଭିନ୍ନ ମହଲରେ ତୀବ୍ର ଆଲୋଡ଼ନ ସୃଷ୍ଟି ହୋଇଥିବାବେଳେ ଚନ୍ଦ୍ରଶେଖରପୁର ଥାନା ପୁଲିସ ପ୍ରଥମେ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା ।