ମନ୍ତ୍ରୀ ହେବ ତ ଏମିତି ! ଟୋଲ ପ୍ଲାଜାରେ ଲୋକଙ୍କୁ ଠକୁଥିବା ପୋଲିସ ଅଧିକାରୀଙ୍କୁ କଲେ ତାଗିଦ୍, ଚାକିରିରୁ ବହିଷ୍କାର ନେଇ ଦେଲେ ଧମକ ।
ରାସ୍ତା ମଝିରେ ମନ୍ତ୍ରୀଙ୍କ ଆକ୍ସନ ମୁଡ୍ ଦେଖି ଅଟକିଯାଉଥିଲେ ଯାତ୍ରୀ । ରାଜସ୍ଥାନର କ୍ରୀଡାମନ୍ତ୍ରୀ ଅଶୋକ ଚାନ୍ଦନା ବୁନ୍ଦି ଜିଲ୍ଲା ଗସ୍ତ ସମୟରେ ପୋଲିସ ଅଧିକାରୀଙ୍କୁ କଡା ତାଗିଦ୍ କରିଛନ୍ତି । ଯେଉଁ ପୋଲିସ କର୍ମୀଙ୍କ ଉପରେ ଉକ୍ତ ଅଞ୍ଚଳର ଗ୍ରାମବାସୀମାନେ ଟୋଲ୍ ପ୍ଲାଜାରେ ଚାନ୍ଦା ଆଦାୟ କରୁଥିବାର ଅଭିଯୋଗ କରିଥିଲେ, ସେହି ପୋଲିସ କର୍ମୀଙ୍କୁ ଗ୍ରାମବାସୀଙ୍କ ସାମ୍ନାକୁ ଡାକି କଡା ଚେତାବନୀ ଦେଇଛନ୍ତି ମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ପୋଲିସ କନେଷ୍ଟବଳ ଓମପ୍ରକାଶଙ୍କୁ ଚେତାବନୀ ଦେବା ସହ ମନ୍ତ୍ରୀ ଅଶୋକ ଚାନ୍ଦନା କହିଥିଲେ, ଗ୍ରାମବାସୀଙ୍କ ଠାରୁ ଚାନ୍ଦା ଆଦାୟ ବନ୍ଦ ନକଲେ ପୋଲିସ ଚାକିରିରୁ ବାହାର କରି ଟୋଲ୍ ପ୍ଲାଜାରେ ଡ୍ୟୁଟିରେ ଲଗାଇବେ । ସାରା ଜୀବନ ୫୦ ଟଙ୍କା କିମ୍ବା ୧୦୦ ଟଙ୍କାର ଲାଞ୍ଚ ନେଉଥିବ ଏବଂ ତମ ଚାକିରି ମୁଁ ବରବାଦ କରିଦେବି ବୋଲି ମନ୍ତ୍ରୀ ଉକ୍ତ କନେଷ୍ଟବଳଙ୍କୁ କହିଥିଲେ ।
ମନ୍ତ୍ରୀଙ୍କ ସାମ୍ନାରେ ପୋଲିସ କର୍ମୀ ଜଣଙ୍କ ନିରବ ରହିଥିଲେ । ଏହା ସହ ମନ୍ତ୍ରୀ ଅଶୋକ ଚାନ୍ଦନା ଓମପ୍ରକାଶଙ୍କୁ ଶେଷ ଚେତାବନୀ ଦେଇଛନ୍ତି । ସୂଚନା ଅନୁଯାୟୀ, ରାଜ୍ୟ କ୍ରୀଡାମନ୍ତ୍ରୀ ଅଶୋକ ଚାନ୍ଦନା ଦିନିକିଆ ଗସ୍ତରେ ହିନ୍ଦୋଳ ବିଧାନସଭା ଏବଂ ବୁନ୍ଦି ଯାଇଥିଲେ । ହିନ୍ଦୋଳ ବାଟରେ ଗ୍ରାମବାସୀମାନେ ମନ୍ତ୍ରୀ ଅଟକାଇଥିଲେ । ଏବଂ ପୋଲିସ ଅଧିକାରୀଙ୍କ ବାବଦରେ ମନ୍ତ୍ରୀଙ୍କ ନିକଟରେ ଅଭିଯୋଗ କରିଥିଲେ । ଗ୍ରାମବାସୀମାନେ କହିଥିଲେ ଯେ, ସନ୍ଧ୍ୟା ହେଲେ ପୋଲିସ କର୍ମୀମାନେ କେଶବପୁରା ଟୋଲ୍ ପ୍ଲାଜାରେ ନାକାବନ୍ଦୀ ନାମରେ ଗ୍ରାମବାସୀଙ୍କ ଠାରୁ ୧୦୦ ଟଙ୍କାରୁ ୨୦୦ ଟଙ୍କା ପର୍ଯ୍ୟନ୍ତ ଚାନ୍ଦା ଆକାରରେ ଆଦାୟ କରୁଛନ୍ତି । ଏହା ଶୁଣିବା ପରେ ମନ୍ତ୍ରୀ ପୋଲିସ ଉପରେ ରାଗୁ ଉଠିଥିଲେ ଏବଂ ଘଟଣାସ୍ଥଳକୁ ପୋଲିସ କର୍ମୀଙ୍କୁ ଡାକି ଚେତାବନୀ ଦେଇଥିଲେ ।