ମୃତ୍ୟୁର ୪୫୦ ବର୍ଷ ପରେ ବି ମରି ନାହିଁ ରକ୍ତ !
ପଂଚଭୂତରେ ଗଢା ମଣିଷ ଜୀବନ ଆଉ ମୃତ୍ୟୁ ପରେ ମଧ୍ୟ ଏହି ଶରୀର ସେହି ପଂଚଭୂତରେ ଲୀନ ହୋଇଯାଏ । କୁହାଯାଏ, ମଣିଷର ମୃତ୍ୟୁ ପରେ ତାର ଶରୀର ପାଲଟିଯାଇଥାଏ କାଠ ସଦୃଶ୍ୟ । ଅର୍ଥାତ୍ ଗୋଟେ ମଣିଷ ମରିଗଲା ପରେ ତା ଦେହର ସବୁ ଅଙ୍ଗ ମଧ୍ୟ ମରିଯାଇଥାଏ ଓ ଶରୀରଟି ସଂପୂର୍ଣ୍ଣ ରୂପେ ଥଣ୍ଡା ହୋଇ ଯାଇ ରକ୍ତ ସବୁ ଶୁଖି ଯାଇଯାଏ । କିନ୍ତୁ ଶୁଣିଲେ ଆଶ୍ଚର୍ଯ୍ୟ ହେବେ ବିଶ୍ୱରେ ଏଭଳି ଏକ ବିସ୍ମୟ ମୃତଦେହଟିଏ ଅଛି ଯାହା ଏବେବି ରହିଛି ସତେଜ । ଆଉ ଯାହା ମଧ୍ୟରୁ ଏବେବି ନିର୍ଗତ ହେଉଛି ରକ୍ତ ।
Kanak News is now on WhatsApp
Join and get latest news updates delivered to you via WhatsApp
ଗୋଆର ପଣଜୀ ନିକଟସ୍ଥ ‘ବେସିଲିକା ଅଫ୍ ବମ୍ ଜିସସ୍‘ଚର୍ଚ୍ଚରେ ରହିଛି ପାଖାପାଖି ୪୫୦ ବର୍ଷ ପୁରୁଣାର ଜଣେ ସନ୍ଥ ସେଂଟ୍ ଫ୍ରାନ୍ସିସ୍ ଜାଭିୟରଙ୍କ ମରଶରୀର । କୁହାଯାଏ, ଏହି ମୃତଦେହଟିରେ ଏଭଳି ଏକ ଦୈବିକ ଶକ୍ତି ରହିଛି ଯେଉଁଥିପାଇଁ ମୃତ୍ୟୁର ଏତେ ବର୍ଷ ବିତିଯାଇଥିଲେ ମଧ୍ୟ ଶରୀରଟି ସତେଜ ରହିଛି ।
ସେଂଟ୍ ଫ୍ରାନ୍ସିସ୍ ଜାଭିୟର ସନ୍ଥ ହେବା ପୂର୍ବରୁ ଜଣେ ସିପାହୀ ଥିଲେ । ସେ ଇଗ୍ନାଟିୟସ ନାମକ ଏକ ଧାର୍ମିକ ସଙ୍ଗଠନର ମୁଖ୍ୟ ଥିଲେ । ତେବେ କୁହାଯାଏ ସେ ତାଙ୍କର ମୃତ୍ୟୁ କଥା ପୂର୍ବରୁ ହିଁ ଜାଣିପାରିଥିଲେ ଓ ସେଥିପାଇଁ ସେ ନିଜର ଶରୀରକୁ ଗୋଆରେ ସମାଧି ଦେବାପାଇଁ ତାଙ୍କ ଶିଷ୍ୟଙ୍କୁ ନିର୍ଦ୍ଦେଶ ଦେଇଥିଲେ ।
ତେବେ ସମାଧି ଦେବାର କିଛି ବର୍ଷପରେ ରୋମର କିଛି ଧର୍ମଯାଜକମାନେ ତାଙ୍କ ଶବକୁ ଖୋଳି ବାହାର କରି ଫ୍ରାନ୍ସିସ୍ ଜାଭିୟର ଚର୍ଚ୍ଚରେ ପୁନର୍ବାର ପୋତି ଦେଇଥିଲେ । ସବୁଠାରୁ ବଡକଥା ହେଲା ଯେ,ତାଙ୍କ ଶରୀରକୁ ତିନିତିନି ଥର ଖୋଳା ଯାଇ ପୋତା ଯାଇଥିଲା ଆଉ ସେତେବେଳେ ମଧ୍ୟ ତାଙ୍କ ମୃତ ଶରୀରଟି ଥିଲା ସତେଜ । ଖାଲି ସେତିକି ନୁହେଁ ତାଙ୍କ ସେହି ମୃତଦେହରେ କଂଟା ଫୁଟାଇବା କ୍ଷଣି ସେଥିମଧ୍ୟରୁ ନିର୍ଗତ ହୋଇଥିଲା ରକ୍ତ ।
ଆଜି ମଧ୍ୟ ବେସିଲିକା ଅଫ୍ ବମ୍ ଜିସସ୍ ଚର୍ଚ୍ଚରେ ସେଂଟ୍ ଜାଭିୟରଙ୍କ ମରଶରୀରକୁ ଏକ କାଚଘର ମଧ୍ୟରେ ରଖାଯାଇଛି । ପ୍ରତି ୧୦ ବର୍ଷରେ ଥରେ ତାଙ୍କର ସେହି ମରଶରୀରକୁ ବାହାରକୁ ବାହାର କରାଯାଇଥାଏ । ତେବେ ଶେଷ ଥର ପାଇଁ ୨୦୧୪ ମସିହାରେ ତାଙ୍କର ଶରୀରକୁ ବାହାର କରାଯାଇଥିଲା ।