ଜଣେ ଭାରତୀୟଙ୍କ ପାଇଁ ଲଢିଲେ । ଦୁଇ ବର୍ଷ କାଳ ନିଖୋଜ ରହିଲେ । ପଢନ୍ତୁ ଜଣେ ପାକିସ୍ତାନୀ ସାମ୍ବାଦିକାଙ୍କ ସଂଘର୍ଷମୟ କାହାଣୀ
ନିଖୋଜ ପାକିସ୍ଥାନୀ ମହିଳା ସାମ୍ବାଦିକା ଜିନାତ ଶାହାଜାଦି ଉଦ୍ଧାର ହୋଇଛନ୍ତିି । ତାଙ୍କୁ ଆଫଗାନିସ୍ତାନ ସୀମା ନିକଟ ପାକିସ୍ଥାନର ପାହାଡିଆ ଅଂଚଳରୁ ଉଦ୍ଧାର କରାଯାଇଛି । ପାକିସ୍ତାନରେ ବନ୍ଦୀ ଥିବା ଜଣେ ଭାରତୀୟ ଇଂଜିନିୟରଙ୍କ ମୁକ୍ତିରେ ସହଯୋଗ କରୁଥିବା ଜିନାତଙ୍କୁ ଅଫିସ ଯିବା ବେଳେ ଅଟୋରୁ ଅପହରଣ କରାଯାଇଥିଲା । ଜିନାତ ଏକ ଫ୍ରିଲାନ୍ସର ଭାବେ ସାମ୍ବାଦିକତା କରୁଥିଲେ । ଭାରତୀୟ କଏଦୀଙ୍କୁ ପାକିସ୍ତାନରେ ନିର୍ଯ୍ୟାତନା ବାବଦରେ ରିପୋର୍ଟିଂ କରି ଚର୍ଚ୍ଚାକୁ ଆସିଥିବା ଜିନାତ ଆତଙ୍କବାଦୀ କୋପ ଦୃଷ୍ଟିରେ ପଡିଥିଲେ । ପରେ ତାଙ୍କୁ ଆତଙ୍କବାଦୀମାନେ ଅପହରଣ କରିନେଇଥିବା ଖବର ଆସିଥିଲା । ତେବେ ଏଭଳି ପରିସ୍ଥିତିରେ ଆମେ ଆପଣଙ୍କୁ ଜଣାଇବୁ ଏହି ପାକିସ୍ତାନୀ ସାମ୍ବାଦିକାଙ୍କ ସଘଂର୍ଷମୟ କାହାଣୀ ।
Kanak News is now on WhatsApp
Join and get latest news updates delivered to you via WhatsApp
ଜିନାତ ଏକ ଘରୋଇ ଚ୍ୟାନେଲ ପାଇଁ ଫ୍ରିଲାନ୍ସର ଏବଂ ସେ ନିଜକୁ ମାନବ ଅଧିକାର କାର୍ଯ୍ୟକର୍ତ୍ତା ବୋଲି ମଧ୍ୟ କହୁଥିଲେ । ସେ ନିଜ ପରିବାରରେ ଏକମାତ୍ର ସାହା ଭରଷା ଥିଲେ । ଜିନତ ଏକ ଏଭଳି ଭାରତୀୟ ନାଗରିକଙ୍କ ସହାୟତା ପାଇଁ ନିଜ ଜୀବନକୁ ବାଜି ଲଗାଇଦେଇଥିଲେ ଯାହାକୁ ସେ କେବେ ଦେଖି ନଥିଲେ । ସେହି ବ୍ୟକ୍ତି ଜଣକ ହେଉଛନ୍ତି ମୁମ୍ବାଇରେ ରହୁଥିବା ହାମିଦ ଅନସାରୀ । ହାମିଦଙ୍କୁ ୨୦୧୨ରେ ବେଆଇନ ଭାବେ ଆଫଗାନୀସ୍ତାନ ରାସ୍ତା ଦେଇ ପାକିସ୍ତାନ ସୀମାରେ ପ୍ରବେଶ କରିବା ଅଭିଯୋଗରେ ଗିରଫ କରାଯାଇଥିଲା ।
ଅନଲାଇନ ଜରିଆରେ ଜଣେ ଯୁବତୀଙ୍କ ସହ ବନ୍ଧୁତା ସ୍ଥାପନ କରିବା ପରେ ତାଙ୍କୁ ଭେଟିବାକୁ ପାକିସ୍ତାନ ଯାଇଥିଲେ ହାମିଦ । ଏଥିପାଇଁ ହାମିଦ ନଭେମ୍ବର ୫, ୨୦୧୨ରେ କାବୁଲ ଅଭିମୁଖେ ଯାତ୍ରା କରିଥିଲେ । ଏବଂ ଘର ଲୋକଙ୍କୁ କହିଥିଲେ କି ସେ ଚାକିରୀ ପାଇଁ ଏକ ଇଂଟରଭିୟୁ ଦେବାକୁ ଯାଉଛନ୍ତି ବୋଲି । ଏମବିଏ ଡିଗ୍ରୀ ହାସଲ କରିଥିବା ହାମିଦଙ୍କ ବୟସ ଥିଲା ୨୭ ବର୍ଷ । ହାମିଦଙ୍କ ବାପା ନେହାଲ ଅନସାରୀ ପେସାରେ ଜଣେ ବ୍ୟାଙ୍କ କର୍ମଚାରୀ । ଏବଂ ମାଆ ଫୌଜିୟା ଜଣେ ଶିକ୍ଷୟତ୍ରୀ । ହାମିଦ ନିଖୋଜ ହେବାର ୫ ଦିନ ପରେ ତାଙ୍କ ଘର ଲୋକେ ଜାଣିବାକୁ ପାଇଥିଲେ କି ହାମିଦ ଜଣେ ପାକିସ୍ତାନି ଝିଅକୁ ଭେଟିବା ପାଇଁ ପାକିସ୍ତାନ ଯାଇଛନ୍ତି ଆଉ ସେଠାରେ ତାଙ୍କୁ ବନ୍ଦୀ କରିଦିଆଯାଇଛି । ଏହାପରେ ହାମିଦଙ୍କ ସହଯୋଗ ପାଇଁ ଆଗେଇ ଆସିଥିଲେ ଜିନାତ ଶାହାଜାଦି । ଜିନାତ ସୋସିଆଲ ମିଡିଆ ଜରିଆରେ ହାମିଦଙ୍କ ମାଆଙ୍କ ସହ ଯୋଗାଯୋଗ କରିଥିଲେ ଏବଂ ତାଙ୍କ ତରଫରୁ ହାମିଦ ନିଖୋଜ ହେବା ନେଇ ଏକ ଅଭିଯୋଗ ପତ୍ର କୋର୍ଟରେ ଦାଖଲ କରିଥିଲେ ।
ଏଥିସହିତ ଜିନାତ ପେଶୱାର କୋର୍ଟରେ ବନ୍ଦୀ ପ୍ରତ୍ୟେକ୍ଷୀକରଣର ଯାଚିକା ମଧ୍ୟ ଦାଖଲ କରିଥିଲେ । ହାମିଦ ମାମଲାରେ ଜିନାତଙ୍କର ଗୁରୁତ୍ୱପୂର୍ଣ୍ଣ ଭୂମିକା ହେଲା, ତାଙ୍କର ଏହି ଚେଷ୍ଟା ସରକାରଙ୍କୁ ଏହି ମାମଲାର ଯାଂଚ କରିବାକୁ ବାଧ୍ୟ କରିଥିଲା । ଏହାପରେ ସୁରକ୍ଷା ଏଜେନ୍ସି ସ୍ୱୀକାର କରିଥିଲେ ହାମିଦ ତାଙ୍କ ହେପାଜତରେ ଅଛନ୍ତି । ଏହାପରେ ସେନାର ଏକ କୋର୍ଟ ହାମିଦଙ୍କୁ ବେଆଇନ ରୂପରେ ପାକିସ୍ତାନରେ ପ୍ରବେଶ କରିବା ଏବଂ ଜାସୁସ୍ କରିବା ଅପରାଧରେ ୩ ବର୍ଷ କାଳ ଜେଲ ଦଣ୍ଡାଦେଶ ଶୁଣାଣି କରିଛନ୍ତି ।
ପରବତ୍ତି ସମୟରେ ତଥା ଚଳିତ ବର୍ଷ ଜିନତ ମଧ୍ୟ ନିଖୋଜ ହୋଇଯାଇଥିଲେ । ୧୯ ଅଗଷ୍ଟ ୨୦୧୫ରେ ଜିନାତ ଅଟୋ ଯୋଗେ ନିଜ ଅଫିସକୁ ଯାଉଥିବା ବେଳେ କିଛି ଦୁବୃର୍ତ୍ତ ତାଙ୍କୁ ଅପହରଣ କରି ନେଇଥିଲେ । ଶୁଣିବାକୁ ମିଳିଥିଲା କି, ହାମିଦ ଅନସାରୀ ମାମଲାରେ ଜିନାତଙ୍କୁ କିଛି ଦିନ ପରେ କମିଶନ ଅଫ ଇନକ୍ୱାରୀ ଅଫ ଇନଫୋର୍ସଡ ଡିସାପିଅରେନ୍ସ ସାମ୍ନାରେ ବୟାନ ଦେବାକୁ ଥିଲା । ଜିନାତ ୨ବର୍ଷ କାଳ ନିଖୋଜ ଥିଲେ । ତାଙ୍କର କୌଣସି ବି ପତ୍ତା ମିଳିନଥିଲା । ଏପରିକି ଜିନାତଙ୍କ ଅପହରଣ ହେବା ପରେ ତାଙ୍କର ଛୋଟ ଭାଇ ଆତ୍ମହତ୍ୟା କରି ଦେଇଥିଲେ ।
ସୌଜନ୍ୟ: ଜନସତ୍ତା