ଯୋଗୀ କଲେ ଘୋଷଣା ! କନ୍ୟା ଭ୍ରୁଣ ହତ୍ୟା ସଂପର୍କରେ ସୂଚନା ଦେଲେ ମିଳିବ ୨ ଲକ୍ଷ ଟଙ୍କା
ଉତ୍ତରପ୍ରେଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶନିବାରକୁ ରାଜ୍ୟରେ ଏକ ଯୋଜନାର ଶୁଭାରମ୍ଭ କରିଛନ୍ତି । ଯାହାର ନାଁ ରହିଛି ‘ମୁଖବୀର’ ଯୋଜନା । ଏହି ଯୋଜନା ଆଧାରରେ ଏବେ କନ୍ୟା ଭ୍ରୁଣ ହତ୍ୟା ଜନିତ ସୂଚନା ଦେବା ବ୍ୟକ୍ତିବିଶେଷଙ୍କୁ ସରକାରଙ୍କ ପକ୍ଷରୁ ଦୁଇ ଲକ୍ଷ ଟଙ୍କାର ଅର୍ଥ ରାଶି ପୁରସ୍କାର ସ୍ୱରୂପ ପ୍ରଦାନ କରାଯିବ । ଖାଲି ସେତିକି ନୁହେଁ ଏହି ଯୋଜନାରେ ଜିଲ୍ଲାରେ ପାଖାପାଖି ୬୪ଟି ରେସକ୍ୟୁ ଭ୍ୟାନ୍ ଗଡିିବ । ଯାହା ମହିଳାଙ୍କୁ ସୁରକ୍ଷା ଯୋଗାଇ ଦେବ । ତେବେ ଏହି ଯୋଜନାର ଶୁଭାରମ୍ଭ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଲକ୍ଷ୍ନୌରେ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
‘ମୁଖବୀର’ ଯୋଜନାର ଅର୍ଥ
ୟୁପି ସରକାର କନ୍ୟା ଭ୍ରୁଣ ହତ୍ୟାକୁ ରୋକିବା ଉଦ୍ଦେଶ୍ୟରେ ମୁଖବୀର ଯୋଜନାର ଶୁଭାରମ୍ଭ କରିଛନ୍ତି । ଏହି ଯୋଜନା ଆଧାରରେ ଭ୍ରୁଣ ତଥା ଲିଙ୍ଗ ଚିହ୍ନଟ କରୁଥିବା ନସିଂ ହୋମ୍ କିମ୍ବା ଅଲଟ୍ରାସାଉଣ୍ଡ ସେଂଟରମାନଙ୍କରେ ନିଶାଣ ଲଗାଯିବ । ଏସଂପର୍କରେ ସୂଚନା ଦେବା କିମ୍ବା ଧରାଇ ଦେବା ବ୍ୟକ୍ତିବିଶେଷ ତଥା ସୂଚନାଦାତାଙ୍କୁ ସରକାରଙ୍କ ପକ୍ଷରୁ ମିଳିବ ପାଖିପାଖି ଦୁଇ ଲକ୍ଷ ଟଙ୍କାର ପୁରସ୍କାର । ତେବେ ଏହି ଯୋଜନାଟି ପିସିସିଏନଡିଟି ଆକ୍ଟ ଆଧାରରେ ଆରମ୍ଭ କରାଯାଇଛି ।
ତେବେ ଏହି ଅବସରରେ ଯୋଗୀ କହିଛନ୍ତି, ‘ସମାଜରେ ଅନେକ ବାଧାବିଘ୍ନ ଥିବା ସତ୍ୱେ ଆଜିକା ଦିନରେ ଝିଅମାନେ ବିଭିନ୍ନ କ୍ଷେତ୍ରରେ ସଫଳତା ହାସଲ କରିବାରେ ସକ୍ଷମ ହୋଇପାରିଛନ୍ତି । ଆମେ ପରିବାରରେ ଝିଅମାନଙ୍କୁ ସମାନ ଅଧିକାର ଦେବା ଉଚିତ’ ।
ସୌଜନ୍ୟ: ଅମର ଉଜାଲା
ଏହାସହ ମଧ୍ୟ ପଢନ୍ତୁ- ରେଳ ଯାତ୍ରୀଙ୍କ ପାଇଁ ବିଶେଷ ସୂଚନା ! ଜାଣି ରଖନ୍ତୁ ସରକାରଙ୍କ ୫ଟି ବଡ ନିଷ୍ପତି