ଇପିଏଫଓ ଆଧାରରେ ଖୁବ ଶୀଘ୍ର ଆପଣ ଆପଣଙ୍କର ସଂପୂର୍ଣ୍ଣ ଜମା ରାଶିରୁ ମାତ୍ର ୬୦ ପ୍ରତିଶତର ଟଙ୍କା ହିଁ ଉଠାଇ ପାରିବେ । ତେବେ ଯେଉଁ କର୍ମଚାରୀଙ୍କ ଚାକିରି ଚାଲିଯାଇଥିବ ତାଙ୍କ ଉପରେ ବି ଏହି ଏହି ନିୟମ ଲାଗୁ କରାଯିବ । ଅର୍ଥାତ୍ ଚାକିରି ଯିବା ପରେ ମଧ୍ୟ ଆପଣ ଆପଣଙ୍କର ପିଏଫ ଆକାଉଂଟରୁ ସଂପୂର୍ଣ୍ଣ ଟଙ୍କା ଉଠାଇପାରିବେ ନାହିଁ । ଏହାଦ୍ୱାରା ଲୋକଙ୍କର ସମସ୍ୟା ବେଶି ବଢିପାରେ ।
Kanak News is now on WhatsApp
Join and get latest news updates delivered to you via WhatsApp
ସରକାରଙ୍କର ଏହି ନିୟମ ସେହି ସମସ୍ତ ବ୍ୟକ୍ତିଙ୍କ ପାଇଁ ଖରାପ ଖବର ହେବ, ଯେଉଁମାନେ କି ପିଏଫର ସବୁଯାକ ଟଙ୍କା ଉଠାଇ ଘର, ଗାଡି କିଣିବା ସମେତ ଅନ୍ୟାନ୍ୟ ବଡ କାମରେ ନିବେଶ କରିବାକୁ ଚିନ୍ତା କରିଛନ୍ତି । ଇପିଏଫଓ ଲାଗୁହେଲେ ଖୁବ୍ ଶୀଘ୍ର ଆପଣ ଆପଣଙ୍କର ମୋଟ ଜମା ରାଶିରୁ ମାତ୍ର ୬୦ ପ୍ରତିଶତର ରକମ ହିଁ ଉଠାଇପାରିବେ । ଏହି ନିୟମ ଯେଉଁମାନଙ୍କର ଚାକିରି ଚାଲି ଯାଇଥିବ, ତାଙ୍କ ଉପରେ ବି ଲାଗୁ ହେବ । ଅର୍ଥାତ୍ ଚାକିରି ଚାଲିଗଲା ପରେ ବି ଆପଣ ଆପଣଙ୍କର ପିଏଫ ଆକାଉଂଟରୁ ପୂରା ଟଙ୍କା ଉଠାଇପାରିବେ ନାହିଁ ।
କାରଣ
ନିକଟରେ ଅଧିକ ସଂଖ୍ୟାରେ ଇପିଏଫଓ ସବ୍ସକ୍ରାଇବର୍ସଙ୍କ ଦ୍ୱାରା ଖୋଲା ଯାଇଥିବା ପିଏଫ ଆକାଉଂଟର ପୂରା ରକମ ଉଠାଇବା କାରଣରୁ ସଂଗଠନର ଚିନ୍ତା ବଢି ଯାଇଥିଲା । ଏଥିପାଇଁ ଇପିଏଫଓ ପ୍ରସ୍ତାବ ଦେଇଥିଲା କି, ଯେଉଁ ଲୋକ ପ୍ରାଇଭେଟ ସେକ୍ଟରରେ କାମ କରୁଛନ୍ତି ଏବଂ ଫର୍ମାଲ ସେକ୍ଟରରେ ଅଂଶଦାର ଅଟନ୍ତି । ତାଙ୍କୁ ତାଙ୍କର ମୋଟ ଜମାରାଶିରୁ ମାତ୍ର ୬୦ ପ୍ରତିଶତ ଟଙ୍କା ଉଠାଇବାର ଅନୁମତି ଦିଆଯାଉ ବୋଲି । ଏହି ପ୍ରସ୍ତାବର ଉଦ୍ଦେଶ୍ୟ ହେଲା, ପିଏଫ ସବ୍ସକ୍ରାଇବର୍ସଙ୍କ ସଦସ୍ୟତା ବଜାୟ ରଖିବା ଏବଂ ବେରୋଜଗାରୀ ସମୟରେ ସୋସିଆଲ ସିକ୍ୟୁରିଟି ସହ ଜଡିତ ତାଙ୍କର ଆବଶ୍ୟକତାତୁ ପୂରଣ କରିବା ।
ଏକ୍ସପର୍ଟଙ୍କ ରାୟ
ଆଇନ ଏକ୍ସପର୍ଟସଙ୍କ କଥା ଅନୁସାରେ, ଇପିଏଇଓର ଏହି ପ୍ରସ୍ତାବ ଉପରେ ଆଇନଗତ ବିବାଦ ଉପୁଜିପାରେ, କାହିଁକି ନା ବଡ ସଂଖ୍ୟାରେ ଲୋକେ ସେମାନଙ୍କର ପୂରା ଟଙ୍କାକୁ ଉଠାଇବାକୁ ଚାହୁଁଛନ୍ତି । କିଛି ମାମଲାରେ କର୍ମଚାରୀଙ୍କୁ ଗତ ସଂଗଠନର ତିନି ମାସର ଦରମାର ବରାବର ରକମ ହିଁ ପିଏଫ ଆକାଉଂଟରୁ ଉଠାଇବାର ଅନୁମତି ଦିଆଯାଇପାରେ । ନିକଟରେ ଏଥିପାଇଁ ଆବେଦନ ସେମାନେ ଚାକିରି ଯିବାର ପାଖାପାଖି ମାସକ ପରେ ହିଁ କରିପାରିବେ । ଏହି ଅବସରରେ ଇପିଏଫଓ ସବ୍ସକ୍ରାଇବର୍ସଙ୍କୁ ନିଜ ଚାକିରି ଛାଡିବାର ୨ ମାସ ପରେ ପିଏଫ ସେଭିଂର ପୂରା ରକମ ଉଠାଇବାର ଅନୁମତି ରହିଛି । ତେବେ କଂପାନୀ ବନ୍ଦ ହୋଇଗଲେ, ବିବାହ, ପିଲାଙ୍କ ପାଠପଢା କିମ୍ବା ମେଡିକାଲ ଖର୍ଚ୍ଚ ପାଇଁ ମଧ୍ୟ ସବ୍ସକ୍ରାଇବର୍ସଙ୍କୁ ନିଜ ପିଏଫ ସେଭିଂର ଏକ ଭାଗ ଅଂଶ ଉଠାଇବାର ଅନୁମତି ରହିଛି ।