ଖୁବ୍ ଶୀଘ୍ର ଆସୁଛି ହ୍ୱାଟସଆପର ‘ବିଜନେସ୍ ଆପ୍’ ! ଜାଣନ୍ତୁ କଣ ରହିଛି ବିଶେଷତ୍ୱ
ସୋସିଆଲ୍ ମିଡିଆର ଲୋକପ୍ରିୟ ମେସେନଜର ତଥା ହ୍ୱାଟସଆପ୍ ତା’ର ୟୁଜର୍ସଙ୍କୁ ଭେଟି ଦେଉଛି ପୁଣି ଏକ ନୁଆ ଫିଚର । ସୂଚନା ମୁତାବକ, ହ୍ୱାଟସଆପ୍ ବ୍ୟବସାୟ ପାଇଁ ଖୁବ୍ ଶୀଘ୍ର ଏକ ଫିଚର ଭେଟିଦେବାକୁ ଯାଉଛି । ଯାହାର ସହାୟତାରେ ବ୍ୟବସାୟୀଙ୍କୁ ନିଜର ଗ୍ରାହକମାନଙ୍କ ସହିତ ସଂଯୋଗ ତଥା ଯୋଗାଯୋଗ କରିବାରେ ସହାୟତା କରିବ ।
Kanak News is now on WhatsApp
Join and get latest news updates delivered to you via WhatsApp
ଏହି ଫିଚରଟିର ବିଶେଷତ୍ୱ ହେଲା ଏଥିରେ ଆକାଉଂଟ ଭେରିଫାଇଡ୍ ହେବ ଅର୍ଥାତ୍ ଆକାଉଂଟ ଆଗରେ ଗ୍ରୀନ ଟିକ୍ ହେବ । ଏଠାରେ ଆମେ କହି ରଖୁଛୁ କି, ଫେସବୁକ୍ ଏବଂ ଟୁଇଟରରେ ଭେରିଫାଇଡ୍ ଆକାଉଂଟ୍ ପାଇଁ ବ୍ଲୁ ରଙ୍ଗର ଟିକ୍ ମାର୍କ ବ୍ୟବହୃତ ହୋଇଥାଏ ।
ତେବେ ହ୍ୱାଟସଆପ ଏହି ଫିଚରଟିର ଟେଷ୍ଟିଂ ୱିଣ୍ଡୋଜ୍ ଫୋନର ବିଟା ଭର୍ସନରେ କରୁଛି । ଏହାର ପୃଷ୍ଠି ‘ୱାବିଟାଇନଫୋ’ ନିଜର ବ୍ଲଗରେ ପୋଷ୍ଟ କରିଛି । ‘ୱାବିଟାଇନଫୋ’ ହ୍ୱାଟସଆପ ସଂପର୍କରେ ରିପୋର୍ଟ ଦେଇଥାଏ । ହ୍ୱାଟସଆପ୍ ବ୍ୟବସାୟ ପାଇଁ ଅଗଲା ରୂପେ ‘ସ୍ମଲ୍ ଆଣ୍ଡ୍ ମିଡିୟମ ବିଜନେସ୍’ ନାଁରେ ଆପ ଆଣିବାକୁ ଯାଉଛି ଯାହାକି କେବଳ ଆଣ୍ଡ୍ରଏଡ୍, ଆଇଓଏସ୍ ଏବଂ ୱିଣ୍ଡୋଜ୍ ସ୍ମାର୍ଟଫୋନ୍ ପାଇଁ ଉଦ୍ଦିଷ୍ଟ ।
ଯଦିଓ ‘ସ୍ମଲ୍ ଆଣ୍ଡ୍ ମିଡିୟମ ବିଜନେସ୍’ ଆପଟି କେବଳ ସେହିମାନେ ଇନଷ୍ଟଲ୍ କରିପାରିବେ ଯେଉଁମାନେ କି ବ୍ୟବସାୟ କରୁଛନ୍ତି । ୟୁଜର୍ସଙ୍କୁ ସାଧାରଣ ଭାବେ ହ୍ୱାଟସଆପରେ ମେସେଜ ମିଳିବ । ଏଥିରେ ‘ସ୍ମଲ୍ ଆଣ୍ଡ୍ ମିଡିୟମ ବିଜନେସ’ ଆପ୍ ଜରିଆରେ ୟୁଜର୍ସ ନିଜର ଆକାଉଂଟକୁ ଭେରିଫାଏ କରାଇ ପାରିବେ ।
ସୌଜନ୍ୟ: ଅମର ଉଜାଲା