ଟାଟା ସ୍କାଏ ହେଉ ଅବା ଡିସ୍ ଆଂଟିଣା…କୌଣସି ବି କଂପାନୀର ଗୋଟିଏ ହିଁ କନେକ୍ସନରେ ଚଲାନ୍ତୁ ଦୁଇ ଦୁଇଟି ଟିଭି-ଜାଣନ୍ତୁ ପୂରା ପ୍ରକ୍ରିୟା
ଆଜିର ଦିନରେ ପ୍ରତ୍ୟେକଙ୍କ ଘରେ ଗୋଟିଏ କିମ୍ବା ଏହାଠୁ ଅଧିକ ଟିଭି ନିଶ୍ଚୟ ରହିଥିବ । ହେଲେ ଏସବୁ ଟିଭି ପାଇଁ ପୃଥକ ପୃଥକ ଛତା କିମ୍ବା ଅଲଗା ଅଲଗା କନେକ୍ସନ ବ୍ୟବହାର କରିବାକୁ ପଡିଥାଏ । ହେଲେ ଏବେ ଆପଣଙ୍କୁ ଆଉ ଏଭଳି କରିବାକୁ ଆଉ ଦରକାର ପଡିବ ନାହିଁ । କାହିଁକି ନା, ଆପଣ ଗୋଟିଏ ହିଁ ଡିସରୁ ଘରେ ଥିବା ଦୁଇଟି ଟିଭି ଚଲାଇପାରିବେ । ଖାଲି ଏତିକି ନୁହେଁ, ଦୁଇଟି ଯାକ ଟିଭିରେ ଚ୍ୟାନେଲ ଗୁଡିକ ବି ଅଲଗା ଅଲଗା ଆସିବ । ସବୁଠାରୁ ବଡ କଥା ହେଲା କି, ଏଥିପାଇଁ ଆପଣଙ୍କୁ କୌଣସି ଅତିରିକ୍ତ ଟଙ୍କା ବା ଅଧିକ ଟଙ୍କା ଦେବାକୁ ପଡିବ ନାହିଁ । ଅର୍ଥାତ୍ ଗୋଟିଏ ଟିଭିର ପଇସାରେ ଆପଣ ଦୁଇ ଦୁଇଟି ଟିଭି ଦେଖିପାରିବେ । ତେବେ ଏହା କିପରି ସମ୍ଭବ? ଆସନ୍ତୁ ଜାଣିବା …
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ ଗୋଟିଏ ଡିଟିଏଚରୁ ଦୁଇଟି ଟିଭିରେ ଅଲଗା ଅଲଗା ଚ୍ୟାଲେନ ଦେଖିବାକୁ ଚାହୁଁଛନ୍ତି, ତେବେ ଏଥିପାଇଁ ଆପଣଙ୍କୁ ଆଉ ଗୋଟିଏ ଏକ୍ସଟ୍ରା ସେଟଅପ ବକ୍ସର ଆବଶ୍ୟକତା ପଡିପାରେ । କାରଣ, ଗୋଟିଏ ସେଟଅପ ବକ୍ସରେ କେବଳ ଗୋଟିଏ ଟିଭିର ଚ୍ୟାନେଲଗୁଡିକୁ ହିଁ ଚେଂଜ କରିପାରିବେ । ଏଭଳି ପରିସ୍ଥିତିରେ ଦୁଇଟି ଟିଭି ପାଇଁ ଦୁଇଟି ସେଟଅପ୍ ଆବଶ୍ୟକ । ଧ୍ୟାନ ରଖିବେ କି , ଆପଣଙ୍କୁ ଏଭଳି ଏକ ସେଟଅପ ବକ୍ସ କିଣିବାକୁ ହେବ, ଯେଉଁଥିରେ କି ଉଭୟ ଏନଏଲବି-ଇନ ଆଉ ଆଉଟ୍ ପୋର୍ଟ ରହିଥିବ । ଯଦି ବକ୍ସରେ ଏହି ପୋର୍ଟ ନଥିବ ତେବେ ଆପଣଙ୍କ ଟିଭି ଚାଲିବ ନାହିଁ ।
ତେଣୁ ଆପଣଙ୍କ ନିକଟରେ ଦୁଇଟି ସେଟଅପ ବକ୍ସ ରହିବା ନିହାତି ଦରକାର । ଯେଉଁଥିରେ ଗୋଟିଏ ଏମପିଇଜି-୪ ଏବଂ ଅନ୍ୟଟି ଏମପିଇଜି-୨ ସେଟଅପ ବକ୍ସ ଥିବ । ଏମପିଜି୨ ସେଟଅପ ବକ୍ସରେ ଉଭୟ ଏଲଏନବି ଇନ ଏବଂ ଏଲଏନବି ଆଉଟ୍ ପୋର୍ଟ ରହିଥାଏ । ଡିଟିଏଚର ମେନ କେବୁଲ ଏହି ସେଟଅପ ବକ୍ସର ଇନ ପୋର୍ଟରେ ଲଗାଇବାକୁ ହେବ । ସେହିପରି, ଏହାର ଏଲଏନବି ଆଉଟ ପୋର୍ଟ ଅନ୍ୟ କେବୁଲ କନେକ୍ସନଏମପିଇଜି-୪ର ଏଲଏନବି ଇନରେ ଦେବାକୁ ହେବ । ଏମପିଇଜି-୪ ବକ୍ସ ଆପଣଙ୍କୁ ଅନ୍ୟ ରୁମରେ ରଖିବାକୁ ହେବ । ଏବେ ଆପଣ ଦୁଇଟି ବକ୍ସରେ ଅଲଗା ଅଲଗା ଚ୍ୟାନେଲ ଦେଖି ପାରିବେ ।