ବିରାଟଙ୍କ ବିରାଟ ସତ୍ୟ ! ଜାଣନ୍ତୁ କାହିଁକି ୧୮ ନମ୍ବର ଥିବା ପୋଷାକ ପିନ୍ଧନ୍ତି କୋହଲି
ସାଧାରଣତଃ ୱାନଡେ କ୍ରିକେଟ୍ ମ୍ୟାଚରେ ଖେଳାଳିମାନେ ପିନ୍ଧୁଥିବା ଟି-ସାର୍ଟ ପଛରେ ନମ୍ବର ଲେଖାଯାଇଥାଏ । ତେବେ ଏହି ପ୍ରଥାଟି ବିଶ୍ୱ କପ୍ ୧୯୯୯ ମସିହାରୁ ଆରମ୍ଭ କରାଯାଇଥିଲା । ଯେଉଁଥିରେ କି ଦଳର ଅଧିନାୟକଙ୍କ ୧ ନମ୍ବର ରହିଥିବାବେଳେ ବାକି ଖେଳାଳିମାନେ କୌଣସି ବି ନମ୍ବର ନିଜ ପାଇଁ ଚୟନ କରିଥାନ୍ତି । ତେବେ କିଛି ଖେଳାଳି ଏହି ନମ୍ବରକୁ ଏବେବି ଜାରି ରଖିଥିବାବେଳେ କିଛି ଖେଳାଳିଙ୍କୁ ଏହି ନମ୍ବର ଉପରେ କୌଣସି ରୁଚି ନଥାଏ । ଏହାଛଡା କିଛି ଖେଳାଳି ତ ଏହି ନମ୍ବରକୁ ଏମିତିରେ ବାଛିଥାନ୍ତି ମାତ୍ର ଆଉ କିଛି ଖେଳାଳି ଏହି ନମ୍ବରକୁ କୌଣସି ଖାସ୍ ଉଦ୍ଦେଶ୍ୟରେ ଚୟନ କରିଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ଦଳରେ ଏଭଳି ଅନେକ ଖେଳାଳି ଅଛନ୍ତି ଯିଏ କି କୌଣସି ନା କୌଣସି କାରଣ ଯୋଗୁଁ ଏକ ନିଦ୍ଦିଷ୍ଟ ନମ୍ବରର ପୋଷାକ ସବୁବେଳେ ପିନ୍ଧିଥାନ୍ତି । ତେବେ ବର୍ତ୍ତମାନ ସମୟରେ କ୍ରିକେଟ୍ ଜଗତରେ ନିଜର ଦମଦାର ପ୍ରଦର୍ଶନ କରି ସାରା ବିଶ୍ୱରେ ହଇଚଇ ସୃଷ୍ଟି କରିଥିବା ବିରାଟ କୋହଲି ୧୮ ନମ୍ବର ଲେଖା ଥିବା ପୋଷାକ ସବୁବେଳେ ପିନ୍ଧୁଥିବାବେଳେ ମହେନ୍ଦ୍ର ସିଂହ ଧୋନି ୭ ନମ୍ବର ଲେଖା ଥିବା ପୋଷାକ ପିନ୍ଧି ମଇଦାନକୁ ଓହ୍ଲାନ୍ତି । ତେବେ ଆଜି ଆମେ ଆପଣଙ୍କୁ ଜଣାଇବୁ କି ବିରାଟଙ୍କ ଏହି ୧୮ ନମ୍ବର ପଛରେ କଣ ରହିଛି ଉଦ୍ଦେଶ୍ୟ ।
ବିରାଟ କୋହଲି ଅତ୍ୟନ୍ତ ଭାବପ୍ରବଣ ହୋଇ ଏହି ୧୮ ନମ୍ବରଟିକୁ ହିଁ ଚୟନ କରିଛନ୍ତି । ଆଉ ଯାହାକୁ ପିନ୍ଧି ସେ ସବୁବେଳେ କ୍ରିକେଟ୍ ମଇଦାନକୁ ଓହ୍ଲାଇଥାନ୍ତି । ତେବେ ବିରାଟଙ୍କ ବାପା ପ୍ରେମ କୋହଲିଙ୍କର ଦେହାନ୍ତ ୧୮ ଡିସେମ୍ବର, ୨୦୦୬ରେ ଘଟିଥିଲା । ବିରାଟଙ୍କ ବାପାଙ୍କର ଏକ ବଡ ସ୍ୱପ୍ନ ଥିଲା କି ତାଙ୍କ ପୁଅ ଭାରତୀୟ ଟିମ୍ ପାଇଁ ଖେଳନ୍ତୁ ବୋଲି । ଯେଉଁଥିପାଇଁ ବିରାଟ ୧୮ ନମ୍ବରକୁ ଚୟନ କରିଥିଲେ । ଯାହାକୁ ସେ ଆଜି ପର୍ଯ୍ୟନ୍ତ ବି ଜାରି ରଖିଛନ୍ତି ।
ସେହିପରି ମହେନ୍ଦ୍ର ସିଂହ ଧୋନି କ୍ରିକେଟ୍ ଜଗତକୁ ଆସିବା ପୂର୍ବରୁ ଫୁଟବଲର ଗୋଲକିପର୍ ଭାବେ ରହିଆସୁଥିଲେ ଏବଂ ସେହିସମୟରେ ହିଁ ସେ ଏହି ୭ ନମ୍ବରକୁ ନିଜ ପସନ୍ଦିଆ ଫୁଟବଲ୍ କ୍ଲବ ମେନଚେଷ୍ଟର ଟୁର୍ଣ୍ଣାମେଂଟ ପାଇଁ ଚୟନ କରିଥିଲେ । ତେବେ ଧୋନିଙ୍କ ଜନ୍ମଦିନ ହେଉଛି ଜୁଲାଇ ୭ ତାରିଖ । ତେଣୁ ଧୋନି ୭ ନମ୍ବରକୁ ହିଁ ନିଜର ଲକି ନମ୍ବର ବୋଲି କହୁନ୍ତି । ଖାଲି ସେତିକି ନୁହେଁ ଆପଣ ଜାଣି ଆଶ୍ଚର୍ଯ୍ୟ ହେବେ କି ଧୋନି ବ୍ୟବହାର କରୁଥିବା ଗାଡିଗୁଡିକର ନମ୍ବର ମଧ୍ୟ ୭ରୁ ଆରମ୍ଭ ହୋଇଥାଏ ।
ଏହା ସହ ମଧ୍ୟ ପଢନ୍ତୁ-ସେନା ନିଯୁକ୍ତି ନେଇ ହେଲା ୪ଟି ବଡ଼ ପରିବର୍ତ୍ତନ ! ଏଣିକି ଏହି ନିୟମ ଅନୁସାରେ ହେବ ନିଯୁକ୍ତି