ଖେଳ ପଡିଆରେ ରାମ-ଭରତ ମିଳନ ! ୯ ବର୍ଷ ପରେ ଭୁଲ ସୁଧାରିଲେ ଭାରତୀୟ ଦଳର ପୂର୍ବତନ ଖେଳାଳୀ, ସର୍ବ ସମ୍ମୁଖରେ ମାଷ୍ଟର ବ୍ଲାଷ୍ଟରଙ୍କ ପାଦ ଛୁଇଁଲେ କାମ୍ବଲୀ

5

ଟିମ ଇଣ୍ଡିଆର ପୂର୍ବତନ ଖେଳାଳୀ ବିନୋଦ କାମ୍ବଲୀ ଏବଂ ମାଷ୍ଟର ବ୍ଲାଷ୍ଟର ସଚ୍ଚିନ ତେନ୍ଦୁଲକରଙ୍କ ଆପୋଷ ବିବାଦ ବିଷୟରେ କିଏ ନ ଜାଣେ । କିନ୍ତୁ ୯ ବର୍ଷ ପରେ ଦୁହିଁଙ୍କ ଭିତରେ ସବୁକିଛି ଠିକ ହେଲାଭଳି ପ୍ରତୀତ ହେଉଛି । ଏକ ଟି-୨୦ ମ୍ୟାଚ ଚାଲିଥିବାବେଳେ କାମ୍ବଲି ଅତିଥି ହୋଇ ଆସିଥିବା ନିଜ ପିଲାବେଳ ବନ୍ଧୁ ତଥା ସହ-ଖେଳାଳୀ ସଚ୍ଚିନ ତେନ୍ଦୁଲକରଙ୍କ ପାଦ ଛୁଇଁଥିଲେ । ଏହି ମ୍ୟାଚକୁ ଦେଖିବାକୁ ପୂର୍ବତନ ଖେଳାଳୀ ସୁନିଲ ଗାଭାଷ୍କର ମଧ୍ୟ ଆସିଥିଲେ । ଏହି ଲିଗରେ କାମ୍ବଲିଙ୍କ ଟିମ ଶିବାଜୀ ପାର୍କ ଲାୟନ୍ସ ଫାଇନାଲରେ ମୁମ୍ବାଇ ନର୍ଥ ଇଷ୍ଟକୁ ୩ ରନରେ ହରାଇଥିଲା । ଏହାପରେ ଷ୍ଟେଜକୁ ହାରିଥିବା ଟିମକୁ ଡାକିବାପରେ କାମ୍ବଲି ଷ୍ଟେଜ ଉପରକୁ ଯାଇ ତେନ୍ଦୁଲକରଙ୍କ ପାଦ ଛୁଇଁବା ସମୟରେ ସଚ୍ଚିନ ତାଙ୍କୁ ଆଲିଙ୍ଗନ କରିଥିଲେ ।

ସୁଚନା ମୁତାବକ, କାମ୍ବଲି ସଚ୍ଚିନଙ୍କ ବ୍ୟବହାରକୁ ନେଇ ପ୍ରଶ୍ନ ଉଠାଇଥିଲେ । ସଚ୍ଚିନ ତାଙ୍କର କୌଣସି ମେସେଜର ଉତ୍ତର ନଦେବା ଏବଂ କ୍ରିକେଟରୁ ଅବସର ନେବା ସମୟରେ ଫେରୱେଲ ପାର୍ଟିରେ ତାଙ୍କୁ ଆମନ୍ତ୍ରଣ ନ କରିବା ଇତ୍ୟାଦି ।

ଏହି ପୁରା ଘଟଣା ୨୦୦୯ ମସିହାରେ ଆସିଥିବା ଏକ ରିୟଲିଟି ଶୋ ‘ସଚ କେ ସାମନା’ରୁ ଆରମ୍ଭ ହୋଇଥିଲା । କାମ୍ବଲି ଏହି ଶୋ ରେ କହିଥିଲେ ସଚ୍ଚିନ ତାଙ୍କର ପିଲାବେଳର ସାଙ୍ଗ କିନ୍ତୁ କ୍ରିକେଟରେ ଯେତେବେଳେ ତାଙ୍କର ଖରାପ ସମୟ ଚାଲିଥିଲା ସେତେବେଳେ ସଚ୍ଚିନ ତାଙ୍କର କୌଣସି ସାହାର୍ଯ୍ୟ କରିନଥିଲେ । ସଫଳତା ପାଇବା ପରେ ସେ ପିଲାଦିନର ସାଙ୍ଗକୁ ଭୁଲିଯାଇଥିବା କଥା ସେ କହିଥିଲେ । ଏହି ଶୋ’କୁ ଯିବା ପାଇଁ କାମ୍ବଲିଙ୍କୁ ୧୦ ଲକ୍ଷ ଟଙ୍କା ମିଳିଥିଲା ।

କହିରଖୁଛୁ ଯେ କାମ୍ବଲି ଏବଂ ସଚ୍ଚିନ ଦୁହେଁ ଗୋଟିଏ ସ୍କୁଲରେ ପାଠ ପଢିବା ସହ ସ୍କୁଲରୁ ହିଁ କ୍ରିକେଟ ପାଇଁ ସିଲେକ୍ଟ ହୋଇଥିଲେ । କିନ୍ତୁ ଏହି ଦୌଡରେ କାମ୍ବଲିଙ୍କୁ ପଛରେ ପକାଇ ସଚ୍ଚିନ ଆଗକୁ ବଢିଥିଲେ ।

Comments are closed.