ଆଉ ଜନତାଙ୍କୁ ଲୁଟିପାରିବେନି ଟୋଲକର୍ମୀ । ଆପ ଜରିଆରେ ଘରେ ବସି ବି ଜାଣିପାରିବେ କେଉଁ ଗେଟରେ ଦେବାକୁ ହେବ କେତେ ଟୋଲ ଟ୍ୟାକ୍ସ
କେନ୍ଦ୍ର ସରକାରଙ୍କ ତରଫରୁ ଲଂଚ ହୋଇଥିବା ଉମଙ୍ଗ ଆପରେ ଏବେ ଆପଣ ଇ-ୱେ ମାଧ୍ୟମରେ ସାରା ଦେଶରେ ଥିବା ଟୋଲ ବୁଥଗୁଡିକର ତାଲିକା ଏବଂ ଟୋଲ ଶୁଳ୍କ ସଂପର୍କିତ ସମସ୍ତ ବିବରଣୀ ଅତି ସହଜରେ ଜାଣିପାରିବେ । ଉମଙ୍ଗ ଆପ ଜରିଆରେ ସରକାର ସାଧାରଣ ଜନତାଙ୍କୁ ବିଭିନ୍ନ ଇ-ସର୍ଭିସଗୁଡିକୁ ଏକାସାଥିରେ ଉପଲବ୍ଧ କରାଉଛନ୍ତି । ବର୍ତ୍ତମାନ ୧୭ଟି ରାଜ୍ୟରେ ପାଖାପାଖି ୩୨୫ଟି ସେବା ଏହି ଉମଙ୍ଗ ଆପ ଜରିଆରେ ପ୍ରଦାନ କରାଯାଉଛି । ଉମଙ୍ଗ ଅର୍ଥାତ୍ ୟୁନିଫାଇଡ ମୋବାଇଲ ଆପ୍ଲିକେସନ ଫର ନ୍ୟୁ-ଏଜ୍ ଗର୍ଭନାନ୍ସ ଆପ ଜରିଆରେ ଆପଣ ଘରେ ବସି ଅନେକ ସରକାରୀ କାମ କରିପାରିବେ । ଏହି ଆପ ବହୁତ ଗୁଡିକ ସେବା ସହ ଜଡିତ । ଏହି ଆପ ଜରିଆରେ ଆପଣ ବିଭିନ୍ନ ସରକାରୀ ସେବାଗୁଡିକ ସଂପର୍କରେ ତଥ୍ୟ ସଂଗ୍ରହ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଗୁଗଲ ପ୍ଲେଷ୍ଟୋର, ଆଇଓଏସ ଷ୍ଟୋର ଏବଂ ୱିଣ୍ଡୋଜ୍ ଷ୍ଟୋରରେ ଉପଲବ୍ଧ ଏହି ଆପ
ମିନିଷ୍ଟ୍ରି ଅଫ୍ ଇଲେକ୍ଟ୍ରୋନିକ୍ସ ଇନଫର୍ମେସନ ଆଣ୍ଡ ଟେକ୍ନୋଲୋଜି ଦ୍ୱାରା ଡିଜାଇନ କରାଯାଇଥିବା ଏହି ଆପକୁ ଆପଣ ଗୁଗଲ ପ୍ଲେ ଷ୍ଟୋର , ଆଇଓଏସ ଷ୍ଟୋର ଏବଂ ୱିଣ୍ଡୋଜ୍ ଷ୍ଟୋରରେ ପାଇପାରିବେ । ଏହି ଆପଣ ୩୨୫ ସେଂଟ୍ରାଲ , ଷ୍ଟେଟ ଏବଂ ଲୋକାଲ ଲେବୁଲ ଆଡମିନିଷ୍ଟ୍ରେସନ ଲେବୁଲର ସର୍ଭିସଗୁଡିକ ସଂପର୍କରେ ତଥ୍ୟ ଦେଇଥାଏ । ଉମଙ୍ଗ ଆପ ଜରିଆରେ ମିଳୁଥିବା ସେବା ଏବଂ ସୁବିଧା ଗୁଡିକ ସଂପର୍କରେ ଯଦି କୁହାଯାଏ ତେବେ ଏହାର ତାଲିକା ବହୁତ ଲମ୍ବା ହେବ । ଏହି ଆପ ଜରିଆରେ ଆପଣ ନୂଆ ପାନ କାର୍ଡ ପାଇଁ ଆବେଦନ କରିପାରିବେ । ସେହିପରି ପାନ କାର୍ଡ ପାଇଁ ନିଆଯାଇଥିବା ଫିସକୁ ବି ଆପଣ ଏହି ଆପ ଜରିଆରେ ପେମେଂଟ କରିପାରିବେ ।
ଏହି ସବୁ ସେବା ଉମଙ୍ଗ ଆପରେ ଉପଲବ୍ଧ
ସେହିପରି, ଏହି ଆପ ଜରିଆରେ ଆପଣ , ଭାରତ, ଇଣ୍ଡିଆନ ଏବଂ ଏଚପି ସମେତ ସମସ୍ତ କଂପାନୀର ଗ୍ୟାସ ସିଲିଣ୍ଡର ବୁକ୍ କରିପାରିବେ । ଏହାବ୍ୟତୀତ ଆପଣ ଏହି ଆପ ସହାୟତାରେ ଘରେ ବସି ପାସପୋର୍ଟ ମଧ୍ୟ ବନାଇପାରିବେ । ଏଥିସହିତ ହିଁ ଡ୍ରାଇଭିଂ ଲାଇସେନ୍ସ ମଧ୍ୟ ବନାଇପାରିବେ । ଖାଲି ଏତିକି ନୁହେଁ , ଏହି ଆପ ଦ୍ୱାରା ଆପଣ ଆଧାର କାର୍ଡ, ଏଆଇସିଟିଇ, ଏକେପିଏସ, ଭାରତ ଗ୍ୟାସ, ସିବିଏସଇ, ସିପିଗ୍ରାନ୍ସ, କ୍ରପ୍ ଇନସ୍ୟୁରାନ୍ସ, ଡିଜି ସେବକ, ଇ-ମାଇଗ୍ରେଟ୍, ଇ-ପାଠଶାଳା, ଇପିଏଫଓ ଆଦି ଏହି ଆପ ସହ ଜଡିତ ରହିଛି ।