ନିଆରା ଜନଜାତି ! ଗରମରୁ ବଂଚିବା ପାଇଁ କରନ୍ତି ଗୋ-ମୂତ୍ରରେ ସ୍ନାନ ଓ ରୋଗରୁ ମୁକ୍ତି ପାଇଁ ଶରୀରରେ ଲେପ କରନ୍ତି ଗୋବର
ସଂପୂର୍ଣ୍ଣ ବିଶ୍ୱ ବିଭିନ୍ନ ଅଦ୍ଭୁତ ଆଶ୍ଚର୍ଯ୍ୟ ଲୋକମାନଙ୍କୁ ଓ ସେମାନଙ୍କ ନିଆରା ପରମ୍ଫରାକୁ ନେଇ ଗଠିତ । ତେବେ ଏଭଳି ଏକ ନିଆରା ସଂପ୍ରଦାୟ ଏବଂ ପରମ୍ପରାର ଲୋକଙ୍କୁ ଦେଖିବାକୁ ମିଳିଛି ଆଫ୍ରିକାର ସାଉଥ୍ ସୁଦାନ ନାମକ ଅଂଚଳରେ । ଯାହା ମୁଣ୍ଡାରି ଜନଜାତି ନାଁରେ ପରିଚିତ । ଆଉ ସାରା ବିଶ୍ୱରେ ନିଜର ଭିନ୍ନ ଚାଲିଚଳନ ପାଇଁ ମଧ୍ୟ ପ୍ରସିଦ୍ଧ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ଆମେ ଆପଣଙ୍କୁ ଏହି ଜନଜାତିର ଲୋକମାନଙ୍କ ସଂପର୍କରେ ଜଣାଇବୁ ଯେଉଁଥିପାଇଁ ସେ ସମସ୍ତଙ୍କଠାରୁ ସାଜିଛନ୍ତି ନିଆରା । ସାଧାରଣତଃ ହିନ୍ଦୁ ସଂପ୍ରଦାୟର ଲୋକମାନେ ଗାଈକୁ ଗୋମାତା ବୋଲି ସଂମ୍ବନ୍ଧନ କରିଥାନ୍ତି । ଆଉ ଏମାନଙ୍କ ମଳ ବା ଗୋବର ଏବଂ ମୂତ୍ରକୁ ଅନେକ ପୂଜା ପାଠରେ ଓ ମାଟି ଘର ଆଦି ଲିପାପୋଛାରେ ବ୍ୟବହାର କରିଥାନ୍ତି । ମାତ୍ର ଏହି ସଂପ୍ରଦାୟରେ ଗାଈଙ୍କୁ କିଛି ଏଭଳି ମାନନ୍ତି ଯାହାକୁ ଶୁଣିଲେ ଆପଣ ମଧ୍ୟ ବିଶ୍ୱାସ କରିପାରିବେ ନାହିଁ । ଅର୍ଥାତ୍ ଏମାନେ ଗରମରୁ ମୁକ୍ତି ପାଇବା ପାଇଁ ଗୋ-ମୂତ୍ରରେ ସ୍ନାନ କରିବା ରୋଗବ୍ୟାଧିରୁ ରକ୍ଷା ପାଇବା ପାଇଁ ନିଜ ଶରୀରରେ ଗୋବରର ଲେପ ଦେଇଥାନ୍ତି ।
ଏହି ସଂପ୍ରଦାୟର ଲୋକଙ୍କ ଜୀବନର ସବୁଠାରୁ ମହତ୍ୱପୂର୍ଣ୍ଣ ଅଂଶ ହେଲା ଗୋମାତା । ଆଉ ଏମାନଙ୍କ ଜୀବନରେଖା ସାଧାରଣତଃ ଜୀବଜନ୍ତୁଙ୍କ ଉପରେ ନିର୍ଭରଶୀଳ । ସେଥିମଧ୍ୟରୁ ଗାଈ ଏବଂ ବଳଦକୁ ଏହି ସଂପ୍ରଦାୟ ବେଶି ଗୁରୁତ୍ୱ ଦିଅନ୍ତି । ଖାଲି ସେତିକି ନୁହେ, ମଶାଙ୍କ କୋପରୁ ରକ୍ଷା ପାଇବା ପାଇଁ ଏମାନେ ଆହୁରୀ ମଧ୍ୟ ରୋମାଂଚକର ତରିକା ଆପଣେଇ ଥାନ୍ତି । ଗୋବରରେ ତିଆରି ଘସିକୁ ପୋଡି ତାହାର ପାଉଁଶକୁ ଦେହରେ ଲଗାଇ ଥାନ୍ତି । ତେବେ ଗାଈ ଓ ମଇଁଷି ଏହି ଲୋକଙ୍କ ରୋଜଗାର କରିବାର ମାଧ୍ୟମ ଅଟେ । ଆଉ ସବୁଠାରୁ ମଜା କଥା ହେଲା କାଳେ ସେମାନଙ୍କର ଗାଈ ଚୋରି ହୋଇଯିବ ଏହି ଭୟରେ ସେମାନେ ସବୁବେଳେ ନିଜ ଗାଈଙ୍କ ପାଖେପାଖେ ରୁହନ୍ତି । ଏଥିସହ ବିବାହ କାର୍ଯ୍ୟରେ ଗାଈକୁ ଯୌତୁକ ହିସାବରେ ମଧ୍ୟ ଦାନ ଦେଇଥାନ୍ତି ।