ଆଜିକା ଦିନରେ ଫ୍ୟାସନକୁ ନେଇ ଯୁବପୀଢି ମଧ୍ୟରେ ଅଧିକ ଉତ୍କଣ୍ଠା ଭରିରହିଛି । ପ୍ରତ୍ୟେକ ବ୍ୟକ୍ତି ନିଜକୁ ଅନ୍ୟଠାରୁ ଅଲଗା ତଥା ଭିନ୍ନ ଦେଖାଯିବାକୁ କିଛି ନା କିଛି ନୂଆ ପିନ୍ଧିବାକୁ ଏବଂ ନାଇବାକୁ ଚେଷ୍ଟା କରନ୍ତି । ଆଉ ଯୁବପୀଢିଙ୍କ ମଧ୍ୟରେ ଦେଖାଦେଇଥିବା ଏଭଳି ଉତ୍କଣ୍ଠାକୁ ଦୃଷ୍ଟିରେ ରଖି ବଜାରରେ ଅନେକ ପ୍ରକାରର ବ୍ରାଣ୍ଡେଡ କଂପାନୀମାନ ମୁଣ୍ଡ ଟେକିଛନ୍ତି । ହେଲେ ଅଧିକାଂଶ ସମୟରେ ଏମିତିବି ହୋଇଥାଏ କି ଆମେ ଯାହାକୁ ବ୍ରାଣ୍ଡ ଭାବି କିଣିପକାନ୍ତି ତାହା ବାସ୍ତବରେ ତାହା ହୋଇନଥାଏ ବରଂ ନକଲି ହୋଇଥାଏ । ବ୍ରାଣ୍ଡ ନାଁରେ ଆମେ ଠକାମୀର ଶିକାର ହୋଇଥାନ୍ତି । ଯଦି ଆପଣଙ୍କ ସହିତ ଏଭଳି କେବେ ଘଟିଛି ତେବେ ଆପଣ ଏଥିପାଇଁ ଆଦୌ ଚିନ୍ତିତ ହୁଅନ୍ତୁ ନାହିଁ, କାରଣ ଏଭଳି ଆପଣଙ୍କ ସହ ପୁଣି କେବେ ହୋଇନପାରେ । ଆଜି ଆମେ ଆପଣଙ୍କୁ ଏଭଳି କିଛି ତରିକା ସଂପର୍କରେ ଜଣାଇବୁ, ଯାହାକୁ ଆପଣ ସାଧାରଣତଃ ସପିଂ କରିବା ସମୟରେ ବ୍ୟବହାର କରି ଅସଲି ଓ ନକଲି ମଧ୍ୟରେ ଫରକ ଜାଣିପାରିବେ ଆଉ ନିଜକୁ ଠକାମୀର ଶିକାର ହେବାରୁ ରକ୍ଷା କରିପାରିବେ ।ତେବେ ଆସନ୍ତୁ ଜାଣିବା ଏସଂପର୍କରେ . . .
Kanak News is now on WhatsApp
Join and get latest news updates delivered to you via WhatsApp
ଷ୍ଟିଚିଂ
ଆପଣ ବ୍ରାଣ୍ଡେଡ କପଡା ବା ପୋଷାକର ଷ୍ଟିଚିଂ ଉପରେ ଧ୍ୟାନ ଦେଇ ତାହା ଅସଲି କି ନକଲି ସେନେଇ ଜାଣିପାରିବେ । ତେବେ ବ୍ରାଣ୍ଡେଡ କପଡା ବା ପୋଷାକର ଷ୍ଟିଚିଂ ସିଧା , ସ୍ପଷ୍ଟ ଏବଂ ସମାନ ଭଳି ହୋଇଥାଏ । ଷ୍ଟିଚିଂରେ ବ୍ୟବହାର କରାଯାଇଥିବା ସୁତା ମଧ୍ୟ ସମାନ ଧରଣର ହୋଇଥାଏ । ତେଣୁ ଏଥିପାଇଁ ଆପଣ ଫଟୋରେ ଦେଖାଯାଇଥିବା ବଟନ ଉପରେ ନଜର ପକାନ୍ତୁ । ବଟନର ତଳ ଭାଗରେ ତଥା ପେଂଚରେ ଯଦି ବ୍ରାଣ୍ଡର ନାଁ ଲେଖା ଯାଇଛି ତେବେ ଆପଣ ଜାଣିଯିବେ କି ତାହା କୌଣସି ସାଧାରଣ ପେଂଚ ନୁହେଁ । ଯାହାର ଅର୍ଥ ହେଲା କି ଏହା ଅସଲି ଅଟେ ।
ଜିପ
ବ୍ରାଣ୍ଡେଡ୍ କପଡା ବା ପୋଷାକରେ ବ୍ୟବହାର କରାଯାଇଥିବା ଜିପ୍ ବହୁତ ସ୍ମୁଥ ଏବଂ ଭଲ କ୍ୱାଲିଟିର ହୋଇଥାଏ । ଫେକ୍ କପଡା ବା ପୋଷାକରେ ଲାଗିଥିବା ଜିପକୁ ଚିହ୍ନଟ କରିବା ଅତି ସହଜ ଅଟେ । ଏହାକୁ ଜୋରରେ ଖୋଲନ୍ତୁ ଏବଂ ବନ୍ଦ କରନ୍ତୁ । ଏଭଳି କରିବା ଦ୍ୱାରା ଆପଣଙ୍କୁ ଜଣାପଡିଯିବ କି ଏହା ଅସଲି ନା ନକଲି । କାରଣ, ଅଧିକାଂଶ ବ୍ରାଣ୍ଡେଡ କପଡା ବା ପୋଷାକର ଜିପ୍ ଉପରେ ବ୍ରାଣ୍ଡର ନାଁ ଲେଖାଯାଇଥାଏ ।
ବଟନ
ବ୍ରାଣ୍ଡେଡ୍ କପଡା ବା ପୋଷାକର ଲାଗିଥିବା ବଟନ ଉପରେ ବ୍ରାଣ୍ଡ ତଥା କଂପାନୀର ନାଁ ଲେଖାଯାଇଥାଏ । ସେହିପରି ନକଲି କପଡା ବା ପୋଷାକରେ ସାଧାରଣ ବଟନ ବ୍ୟବହାର କରାଯାଇଥାଏ । ତେଣୁ ସପିଂ କରିବା ସମୟରେ ନିଶ୍ଚୟ ଏହା ଉପରେ ଧ୍ୟାନ ଦିଅନ୍ତୁ ।
ଲୋଗୋ
ଅଧିକାଂଶ ସମୟରେ ଲୋଗୋ ଦେଖି ବ୍ରାଣ୍ଡେଡ କପଡା ବା ପୋଷାକକୁ ଚିହ୍ନଟ କରାଯାଇଥାଏ । ହେଲେ ଆପଣ ଆପଣଙ୍କର ମୋବାଇଲ ଜରିଆରେ ବି ସେହି ବ୍ରାଣ୍ଡର ଲୋଗୋ ଖୋଲି ଆପଣ କିଣିଥିବା ପ୍ରଡକ୍ଟରେ ଥିବା ଲୋଗୋକୁ ମିଶାଇ ଦେଖିପାରିବେ । ଲୋଗୋର ଫଂଟ ସାଇଜରୁ ଏକଥା ଚିହ୍ନଟ କରାଯାଇପାରିବ କି ତାହା ବାସ୍ତବରେ ଅସଲି କି ନୁହେଁ ।
ଟ୍ୟାଗ
ସାଧାରଣତଃ ଆମେ ବ୍ରାଣ୍ଡେଡ କପଡା ବା ପୋଷାକ କିଣିବା ସମୟରେ ସେଥିରେ ଲାଗିଥିବା ଟ୍ୟାଗରୁ ଜାଣିଥାଉକି ତାହା ଅସଲି କି ନୁହେଁ । ମାତ୍ର ବଜାରରେ ଉପଲବ୍ଧ ତାର ନକଲି ତଥା କପିରେ ମଧ୍ୟ ଅବିକଳ ସେହିପରି ହିଁ ଟ୍ୟାଗ ଲଗାଯାଇ ବିକ୍ରି କରାଯାଇଥାଏ । ପରବର୍ତ୍ତି ସମୟରେ ଯେତେବଳେ ଆପଣ ବଜାର ଯାଉଛନ୍ତି ତେବେ ଆପଣ ଟ୍ୟାଗ ଦେଖିବା ବଦଳରେ ଟ୍ୟାଗକୁ ଚିହ୍ନଟ କରିବାକୁ ଚେଷ୍ଟା କରନ୍ତୁ । କାରଣ ଅନେକ ସାରା ବ୍ରାଣ୍ଡ ଏଭଳି ରହିଥାଏ କି ଯେଉଁ କପଡାର ଲିନିଂରେ ଟ୍ୟାଗ ଲଗାଯାଇଥାଏ, ଯାହାର ସହାୟତାରେ ତାହା ଅସଲି କି ନକଲି ତାର ଚିହ୍ନଟ କରାଯାଇପାରିବ ।