ମାତ୍ର ୪୫ ସେକେଣ୍ଡରେ ପାଇଯିବେ ଚାକିରିର ଠିକଣା । ଆପଣଙ୍କ ଘର ଆଖପାଖ ଅଂଚଳରେ ପ୍ରକାଶ ପାଇଥିବା ନିଯୁକ୍ତି ନେଇ ସୂଚନା ଦେବ ଏହି ଆପ

4

ଚାକିରି ଖୋଜୁଥିବା ଯୁବକ ଯୁବତୀମାନଙ୍କର ସୁବିଧା ପାଇଁ ଜୟପୁରର ଏଚଆର ଟେକ୍ ଷ୍ଟାର୍ଟଅପ କଂପାନୀ ତଥା ୱାର୍କଏନଆରବିୱାଇ ତରଫରୁ ଏକ ଆପ ଲଂଚ କରାଯାଇଛି । ଯାହାକି ମାତ୍ର ୪୫ ସେକେଣ୍ଡରେ ସୂଚିତ କରିଦେବ କି ଆପଣ ରହୁଥିବା ଆଖପାଖ ଅଂଚଳରେ କେଉଁଠି ନିଯୁକ୍ତି ନେଇ ବିଜ୍ଞପ୍ତି ପ୍ରକାଶ ପାଇଛି । ଯଦି ଆପଣଙ୍କ ଅଫିସ ଘର ପାଖରେ ରହିଛି ତେବେ ଆପଣଙ୍କୁ ଆଉ ଏଥିପାଇଁ ଏଣେତେଣେ ଦୌଡିବାକୁ ପଡିବ ନାହିଁ ।

ଆଜିର ଦିନରେ ଲୋକଙ୍କ ସାମ୍ନାରେ ବଡ ସମସ୍ୟା ଭାବରେ ମୁଣ୍ଡ ଟେକିଛି ବେକାରୀ ଜନିତ ସମସ୍ୟା । ଆଉ ତାଠାରୁ ବଡ ସମସ୍ୟା ହେଲା ଚାକିରି ଖୋଜିବା ପାଇଁ ଲୋକଙ୍କୁ ବାଧ୍ୟ ହୋଇ ନିଜ ଘର ଛାଡିବାକୁ ପଡୁଛି । ତେଣୁ ଏହି ସମସ୍ୟାକୁ ଦୃଷ୍ଟିରେ ରଖି ୱାର୍କଏନଆରବିୱାଇ ଏକ ନିଆରା ଏବଂ ଇନୋଭେଟିଭ “ଜବ ସର୍ଚ୍ଚ” ପୋଟାଲ ଡିଜାଇନ କରିଛି , ଯାହାଦ୍ୱାରା ଲୋକେ ନିଜ ଘର ନିକଟବର୍ତ୍ତୀ ଅଂଚଳମାନଙ୍କରେ ଚାକିରି ଖୋଜିପାରିବେ ।

ୱାର୍କଏନଆରବିୱାଇର ସଂସ୍ଥାପକ ଶ୍ରୀଯୁକ୍ତ ଆଶିଷ ଅଗ୍ରୱାଲଙ୍କ ସୂଚନା ମୁତାବକ, ଅଧିକାଂଶ ଜବ ସର୍ଚ୍ଚ କଂପାନୀମାନେ ସହରରେ ବଡ ବଡ କଂପାନୀମାନଙ୍କ ପାଇଁ କାମ କରିଥାନ୍ତି । କିନ୍ତୁ ଏମିତି କେଉଁ ଗୋଟିଏ ବି ୱେବସାଇଟ୍ ନାହିଁ , ଯିଏକି ହାଇପର ଲୋକାଲ କନସେପ୍ଟ ଉପରେ କାମ କରୁଥିବେ । ଏଥିରେ ଉଭୟ ସ୍ମଲ ମିଡିୟମ ଇଂଟରପ୍ରାଇଜେସ ତଥା ଏସଏମଇ ସେଗମେଂଟର କଂପାନୀମାନଙ୍କୁ ଫିକ୍ସ କରିବା ସହିତ ଏହି ପ୍ଲାର୍ଟଫର୍ମ ପ୍ରସ୍ତୁତ କରାଯାଇଛି । ଆମେ ସ୍କିଲ ଉପରେ ଫୋକସ କରିବା ସହିତ ଉଭୟ ଚାକିରି ଏବଂ କଂପାନୀମାନଙ୍କର ଏକ ତାଲିକା ପ୍ରସ୍ତୁତ କରିଛୁ । ତେଣୁ ଆମର ଏକମାତ୍ର ଲକ୍ଷ୍ୟ ରହିଛି କି, ଲୋକେ ନିଜ ପ୍ରିୟପରିଜନଙ୍କ ପାଖରେ ରହି ତଥା ନିଜ ଘର ଆଖପାଖ ଅଂଚଳରେ ଚାକିରି ଖୋଜି କରିପାରିବେ । ଏଠାରେ ଆମେ କହି ରଖୁଛୁ କି, ବର୍ତ୍ତମାନ ଏହି ପ୍ଲାଟଫର୍ମ ଦିଲ୍ଲୀ, ମୁମ୍ବାଇ, ବେଙ୍ଗାଲୁରୁ , ଜୟପୁର ଏବଂ ହାଇଦ୍ରବାଦରେ କାମ କରୁଛି ।

Comments are closed.