ଚଳିତ ମାସରୁ ଲାଗୁ ହେଲା ୫ଟି ନୂଆ ନିୟମ ! ଯାହା ଆପଣଙ୍କ ପକେଟ୍ ଉପରେ କରିପାରେ ସିଧା ପ୍ରହାର
ନୂଆ ମାସର ଆରମ୍ଭ ହୋଇସାରିଛି । ଏଥି ସହିତ ହିଁ ଅନେକ ନିୟମ ମଧ୍ୟ ଲାଗୁ ହୋଇସାରିଛି, ଯାହାର ସିଧା ପ୍ରଭାବ ଆପଣଙ୍କ ପଟେକ୍ ଉପରେ ପଡିପାରେ । ଏଥିରେ ଋଣଠାରୁ ଆରମ୍ଭ କରି ଅନଲାଇନ ସପିଂ ପର୍ଯ୍ୟନ୍ତ ନିୟମ ସାମିଲ ରହିଛି । ତେବେ ଆସନ୍ତୁ ଜାଣିବା ଚଳିତମାସରୁ କେଉଁ କେଉଁ ନିୟମ ଲାଗୁ ହୋଇଛି…
Kanak News is now on WhatsApp
Join and get latest news updates delivered to you via WhatsApp
ଦେବାକୁ ପଡିବ ଅଧିକ ସୁଧ
ଅକ୍ଟୋବରରୁ ଡିସେମ୍ବର ତ୍ରିମାସିକ ପାଇଁ ଛୋଟ ତଥା ସ୍ୱଳ୍ପ ସଂଚୟ ଉପରେ ସୁଧ ଦର ବୃଦ୍ଧି ପାଇବ । ଏଣିକି ସୁକନ୍ୟା ସମୃଦ୍ଧି ସ୍କିମ, ନ୍ୟାସନାଲ ସେଭିଂ ସ୍କିମ, ପବ୍ଲିକ୍ ପ୍ରୋଭିଡେଂଟ ଫଣ୍ଡ, କିଷାନ ବିକାଶ ପତ୍ର ଭଳି ଯୋଜନାଗୁଡିକ ଉପରେ ପୂର୍ବପେକ୍ଷା ୦.୪୦ ପ୍ରତିଶତ ଅଧିକ ସୁଧ ମିଳିବ ।
୧୦ ଅକ୍ଟୋବର ସୁଧା ନେଇ ପାରିବେ ଇଲେକ୍ଟ୍ରୋରାଲ ବଣ୍ଡ
ଇଲେକ୍ଟ୍ରୋରାଲ ବଣ୍ଡର ବିକ୍ରି ୧୦ ଅକ୍ଟୋବର ସୁଧା ଜାରି ରହିବ । ଯଦି ଆପଣ କୌଣସି ରାଜନୈତିକ ଦଳକୁ ନିର୍ବାଚନୀ ଚାନ୍ଦା ପାଇଁ ଇଲେକ୍ଟ୍ରୋରାଲ ବଣ୍ଡ ଦେବାକୁ ଚାହୁଁଛନ୍ତି ତେବେ ଏସବିଆଇଠାରୁ ଇଲେକ୍ଟ୍ରୋଲାନ ବଣ୍ଡ କିଣିପାରିବେ ।
ମହଙ୍ଗା ହେବ ଅନଲାଇନ ସପିଂ
ରୋଷେଇ ଗ୍ୟାସ, ସିଏନଜି ଓ ପିଏନଜି ପରେ ଅନଲାଇନ୍ ଇ-କମର୍ସ କମ୍ପାନୀ ତରଫରୁ ମିଳିବ ମହଙ୍ଗା ଝଟକା । ୧ ଅକ୍ଟୋବର ୨୦୧୮ରୁ ସମସ୍ତ ଇ-କମର୍ସ କମ୍ପାନୀକୁ ଟ୍ୟାକ୍ସ କଲେକ୍ଟେଡ୍ ଆଟ୍ ସୋର୍ସ(ଟିସିଏସ୍) ଓ ଟ୍ୟାକ୍ସ ଡିଡକ୍ଟେଡ୍ ଆଟ୍ ସୋର୍ସ(ଟିଡିଏସ୍) ଦେବାକୁ ପଡିବ । କେନ୍ଦ୍ରୀୟ ଜିଏସଟି ଅଧିନିୟମ ମୁତାବକ, ଅଧିସୂଚିତ କମ୍ପାନୀଙ୍କୁ ୨.୫ ଲକ୍ଷ ଟଙ୍କାରୁ ଅଧିକର ବସ୍ତୁ କିମ୍ବା ସେବାର ଯୋଗାଣ ଉପରେ ୧ ପ୍ରତିଶତ ଟିଡିଏଏସ୍ କାଟିବା ଜରୁରୀ ହେବ । ଏହା ସହିତ ରାଜ୍ୟ ଆଇନ୍ ଅଧିନରେ ରାଜ୍ୟ ୧ ପ୍ରତିଶତ ଟିଡିଏସ୍ ସଂଗ୍ରହ କରିବ
କଲ ଡ୍ରପ ହେବା ଉପରେ କଂପାନୀ ଉପରେ ଲାଗିବ ଜରିମାନା
ଏଣିକି କଲ ଡ୍ରପ ପାଇଁ କଟକଣା ଲାଗୁ ହୋଇଯିବ । ଟେଲିକମ ରେଗୁଲେଟର ଟ୍ରାଇର କହିବା ଅନୁସାରେ, ନୂଆ ପାରା ମିଟର ଲାଗୁ ହେବା ପରେ କଲ ଡ୍ରପ ହେବା ଦ୍ୱାରା ମୋବାଇଲ ଅପରେଟର କଂପାନୀଗୁଡିକ ଉପରେ ବି ମୋଟା ଅଙ୍କର ଜରିମାନା ଆଦାୟ କରାଯିବ ।
ମହଙ୍ଗା ହେବା ସୁଧ
ଏସିବିଆଇ , ଆଇସିଆଇସିଆଇ ଏବଂ ପଂଜାବ ନ୍ୟାସନାଲ ଭଳି ବ୍ୟାଙ୍କ ଋଣ ଦର ବୃଦ୍ଧି କରିଛନ୍ତି । ଏହି ଦର ଗତକାଲିଠାରୁ ଲାଗୁ ହୋଇସାରିଛି । ଏସବିଆଇ ପ୍ରତ୍ୟେକ ଟେନ୍ୟୁର ପାଇଁ ଏମସିଏଲଆରରେ ୦.୦୫ ପ୍ରତିଶତ ବଦ୍ଧିତ କରାଯାଇଛି । ସେହିପରି ପିଏନବି ମାସିକ ଏବଂ ୩ ବର୍ଷର ଅବଧି ବିଶିଷ୍ଟ ଋଣ ବା ଲୋନ ପାଇଁ ଏମସିଏଲଆରରେ ୦.୦୫ ପ୍ରତିଶତ ଏବଂ ଓଭରନାଇଟ ଲୋନର ଦର ପାଇଁ ୦.୨ ପ୍ରତିଶତ ବୃ୍ଦ୍ଧି କରିଛି । ଆଇସିଆଇସିଆଇ ମାସିକିଆ ଲୋନ ପାଇଁ ଏମସିଏଲଆରରେ ୦.୧୦ ପ୍ରତିଶତ ବୃଦ୍ଧି କରିଛି ।