ବିବାହ ପୂର୍ବରୁ ହୋଟେଲରେ ରହିବା କୌଣସି ଅପରାଧ ନୁହେଁ ! ଜାଣନ୍ତୁ ଏଭଳି କିଛି ଅଧିକାର ସଂପର୍କରେ……ଆପଣଙ୍କ ଅସୁବିଧାରେ କାମରେ ବି ଆସିପାରେ
ଅଧିକାଂଶ ସମୟରେ ଆପଣ ବିଭିନ୍ନ ଗଣମାଧ୍ୟମରେ ଦେଖିଥିବେ କିମ୍ବା ଶୁଣିଥିବେ କି ହୋଟେଲ ରୁମରୁ ଯୁବକ-ଯୁବତୀଙ୍କୁ ପୁଲିସ୍ ଉଦ୍ଧାର କରିଛି କିମ୍ବା ପୁଲିସ ଚଢଉ କରି ଅନମ୍ୟାରେଡ କପଲ (ଅବିବାହିତ ଯୁବକ-ଯୁବତୀ)ଙ୍କୁ ଅସଙ୍ଗତ ଅବସ୍ଥାରେ ଉଦ୍ଧାର କରିଛି । ଏଭଳି ଘଟଣା ଶୁଣି ମନରେ ସର୍ବ ପ୍ରଥମେ ଏହି ପ୍ରଶ୍ନ ଉଙ୍କିମାରିଥାଏ କି କଣ ବାସ୍ତବରେ ଅନମ୍ୟାରେଡ କପଲ୍ସ ହୋଟେଲ ରୁମରେ ଏକାକୀ ରହିପାରିବେ ନାହିଁ ? ଭାରତରେ ବିବାହ ପୂର୍ବରୁ ହୋଟେଲ ରୁମରେ ଯୁବକ ଯୁବତୀଙ୍କ ରହିବା କଣ ଆଇନଗତ ଭୁଲ୍ ?
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କ ମନରେ ନିଶ୍ଚୟ ଏହି ପ୍ରଶ୍ନ ବାରମ୍ବାର ଉଙ୍କି ମାରୁଥିବ କି, ଦେଶର ଯୁବା କପଲ୍ସଙ୍କୁ ଟିକିଏ ବ୍ୟକ୍ତିଗତ ସମୟ ବିତାଇବାକୁ କିମ୍ବା ତାଙ୍କର ବ୍ୟକ୍ତିଗତ କାର୍ଯ୍ୟକଳାପରେ ହସ୍ତକ୍ଷେପ କରିବାର ଅଧିକାର ପୁଲିସକୁ କିଭଳି ମିଳିଗଲା ବୋଲି । ଆପଣଙ୍କର ଜାଣିବା ପାଇଁ ଏଠାରେ ଆମେ କହିରଖୁଛୁ କି, ଇଣ୍ଡିଆନ କନଷ୍ଟିଚ୍ୟୁସନରେ ଏଭଳି ଅନମ୍ୟାରେଡ କପଲ୍ସଙ୍କୁ ମଧ୍ୟ କିଛି ଅଧିକାର ପ୍ରଦାନ କରାଯାଇଛି । କିନ୍ତୁ ଅଧିକାଂଶ ଲୋକଙ୍କୁ ଏହି ଅଧିକାର ସଂପର୍କରେ ଜଣାନଥାଏ । ଉଦାହରଣ ସ୍ୱରୂପ, ହୋଟେଲରେ ଯଦି କୌଣସି ଅବିବାହିତ ପୁଅ-ଝିଅ ଗୋଟିଏ ରୁମରେ ରହିବାକୁ ଚାହୁଁଛନ୍ତି ତେବେ ପୁଲିସ ଖାଲି ଏଥିପାଇଁ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବ ନାହିଁ । ନିଜର ଏହି ଅଧିକାର ପ୍ରୟୋଗ କରି ପୁଅ-ଝିଅ ପୁଲିସ ସହ ନ୍ୟାୟ ମାଗି ପାରିବେ ।
ଆଜି ଆମେ ଆପଣଙ୍କୁ ଅନମ୍ୟାରେଡ କପଲ୍ସଙ୍କୁ ପ୍ରଦାନ କରାଯାଇଥିବା କିଛି ଏଭଳି ଅଧିକାରୀ ସଂପର୍କରେ ଅବଗତ କରାଇବୁ ଯାହା ଆପଣଙ୍କ କାମରେ ନିଶ୍ଚୟ ଆସିପାରେ …
ଅନମ୍ୟାରେଡ କପଲ୍ସ ନିଜ ଇଚ୍ଛାରେ ହୋଟେଲରେ ଗୋଟିଏ ରୁମରେ ରହିପାରିବେ । ଦେଶ କିମ୍ବା ଦୁନିଆରେ ଏଭଳି କୌଣସି ନିମୟ ହିଁ ନାହିଁ , ଯେଉଁଥିରେ ଅନମ୍ୟାରେଡ କପଲ ହୋଟେଲରେ ଗୋଟିଏ ରୁମରେ ରହିପାରିବେ ନାହିଁ । ଏଭଳି ମାମଲାରେ ପୁଲିସ ଚଢଉ କରିବା ପୁରାପୁରି ଭୁଲ୍ ।
ଆଇନ ଅନୁସାରେ ବିବାହିତ
ଯଦି ଆପଣ ଆପଣଙ୍କ ପାର୍ଟନରଙ୍କ ସହ ଲିଭ୍ ଇ କିମ୍ବା ପତି-ପତ୍ନୀ ଭଳି ରହୁଛନ୍ତି ତେବେ ଆଇନ ଦୃଷ୍ଟିରୁ ଆପଣଙ୍କୁ ବିବାହିତ ବୋଲି ବୁଝାଯିବ । ଯାହାକୁ ସାଧାରଣ ଭାଷାରେ ଲିଭ ଇନ ରିଲେସନସିପ ବୋଲି କୁହାଯାଇଥାଏ । ବର୍ତ୍ତମାନ ସରକାର ଲିଭ ଇନରେ ରହୁଥିବା ଲୋକଙ୍କ ପାଇଁ ଅନେକ ପ୍ରକାରର ଅଧିକାର ପ୍ରସ୍ତୁତ କରିଛନ୍ତି ।
ସଂପତିରେ ମହିଳାଙ୍କୁ ବି ମିଳିବ ଭାଗ
ଲିଭ୍ ଇନରେ ରହିବା ସମୟରେ କପଲ୍ସରେ ପୁରୁଷ ସାଥିଙ୍କର ବିନା କାରଣରେ ମୃତ୍ୟୁ ହୋଇଯାଏ ତେବେ ତାଙ୍କର ଫ୍ୟାମିଲ ପାର୍ଟନରଙ୍କୁ ତାଙ୍କର ସଂପତିର ଉତ୍ତରାଧିକାରୀ ବୁଝାଯିବ । ଯାହାର ଅର୍ଥ ହେଲା ଲିଭ ଇନରେ ମହିଳାଙ୍କୁ ପତ୍ନୀଙ୍କ ଭଳି ଅଧିକାର ମିଳିଥାଏ । ଲିଭ ଇନ ପାର୍ଡନରଙ୍କର ମୃତ୍ୟୁ ହୋଇଯାଏ ତେବେ ତାଙ୍କର ସମସ୍ତ ସଂପତି ଉପରେ ଲିଭ ଇନରେ ରହୁଥିବା ପାର୍ଟନରଙ୍କୁ ମିଳିବ ।
୧୮ ବର୍ଷରୁ ଅଧିକ ବୟସ ଥିଲେ
୧୮ ବର୍ଷ କିମ୍ବା ଏହାଠାରୁ ଅଧିକ ବୟସର ଦୁଇ ବୟସ୍କ ପରମ୍ପର ସହ ନିଜ ଇଚ୍ଛା ରେ ଶାରିରୀକ ସଂପର୍କ ରଖିପାରିବେ । ଏହାଦ୍ୱାରା କୌଣସି ଦୁଷ୍ଟିରୁ ବି ବେଆଇନ ବୋଲି କୁହାଯାଇପାରିବ ନାହିଁ । ଯଦି କେହି ଆପଣଙ୍କର ସ୍ୱାଧିନତା ଉପରେ ବିଧୋର ଜତାନ୍ତି ତେବେ ସେ ଭୁଲ୍ ଅଟନ୍ତି ।