ଚର୍ଚ୍ଚାରେ ଦିଲ୍ଲୀ ନଗରୀର ରହସ୍ୟମୟ ଅଂଚଳ ! ଯାହା ପାଲଟିଛି ଏବେ ଭୂତ,ପ୍ରେତଙ୍କ ଆଶ୍ରୟସ୍ଥଳୀ
ବର୍ତ୍ତମାନ ସମୟରେ ଯଦିଓ କେହି ଭୂତ,ପ୍ରେତ ଆଦିକୁ ବିଶ୍ୱାସ କରି ନଥାନ୍ତି କିନ୍ତୁ ଏହାକୁ ନେଇ ମଧ୍ୟ ମନ ଭିତରେ ଭୟ ସୃଷ୍ଟି ହୋଇଥାଏ । ଯଦି କେହି ଏଥିସହ ଜଡିତ କୌଣସି ବି କାହାଣୀ କିମ୍ବା ଘର ବା ସ୍ଥାନ ସଂପର୍କରେ ଆଲୋଚନା କରନ୍ତି ତେବେ ସେ କଥାକୁ ଶୁଣିବାକୁ ମନ ବ୍ୟଗ୍ର ହୋଇ ଉଠିଥାଏ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ଆମେ ଆପଣଙ୍କୁ ଦିଲ୍ଲୀ ନଗରୀର ଏଭଳି କିଛି ସ୍ଥାନ ସଂପର୍କରେ କହିବୁ ଯାହାକୁ ଶୁଣିଲେ ଆପଣ ହୋଇଯିବେ ଆଶ୍ଚର୍ଯ୍ୟ । କାରଣ ଦିଲ୍ଲୀକୁ ସାଧାରଣତଃ ବିଭିନ୍ନ ସୌନ୍ଦର୍ଯ୍ୟରେ ପରିପୂର୍ଣ୍ଣ ସହର ହିସାବରେ ଜାଣିଥିବେ ମାତ୍ର ଏହି ସୁନ୍ଦରତା ମଧ୍ୟରେ ଲୁଚି ରହିଥିବା ରହସ୍ୟକୁ ଜାଣିଲେ ଆପଣ ହୋଇଯିବେ ଚକିତ ।
ଦିଲ୍ଲୀ କୈଟ୍
ଦିଲ୍ଲୀର ଏହି ଅଂଚଳକୁ ସବୁଠାରୁ ସୁରକ୍ଷିତ ଅଂଚଳ ବୋଲି କୁହାଯାଇଥାଏ । ମାତ୍ର ଅନ୍ଧକାର ରାତିରେ ଏହି ସ୍ଥାନକୁ ଯିବା ପାଇଁ କେହି ବି ସାହସ କରି ନଥାନ୍ତି । ତେବେ କୁହାଯାଏ, ଅନ୍ଧକାର ରାତିରେ ଏହି ସ୍ଥାନରେ ଜଣେ ସବୁଜ ରଙ୍ଗର ଶାଢୀ ପିନ୍ଧା ବୟସ୍କା ମହିଳା ବୁଲୁଥାଏ ଆଉ ଏହି ରାସ୍ତାରେ ଯିଏ ବି ଯାଏ ତାକୁ ବହୁତ ହଇରାଣ ମଧ୍ୟ କରିଥାଏ ।
ଲୋଥିୟନ ସେମେଟ୍ରି
ଲୋଥିୟନ ସେମେଟ୍ରି ସାଧାରଣତଃ ଇସଲାମିକ ସଂପ୍ରଦାୟଙ୍କ କବରସ୍ଥାନ । ଯେଉଁଠାରେ ଭୂତଙ୍କୁ ନେଇ ଅନେକ ସବୁ କାହାଣୀ ସୃଷ୍ଟି ହୋଇଛି । ଏଠାରେ କଟା ମୁଣ୍ଡ ଭୂତ କାହାଣୀ ମଧ୍ୟ ସାମିଲ କରାଯାଇଛି । ଲୋକଙ୍କ କହିବାନୁସାରେ, ଏଠାରେ ଏକ ସିପାହୀର ଭୂତ ବା ଆତ୍ମା ଚଳପ୍ରଚଳ କରୁଛି । କୁହାଯାଏ, ସିପାହୀଟିର ପ୍ରେମିକା ତାକୁ ପ୍ରତାରଣା କରିବାଦ୍ୱାରା ସେ ନିଜ ଗଳା କାଟି ଆତ୍ମହତ୍ୟା କରିଥିଲା । ଆଉ ଏବେ ତାର ଅତୃପ୍ତ ଆତ୍ମା ସେହି ଜାଗାରେ ଘୂରି ବୁଲୁଛି ।
ଖୁନୀ ଦରବାଜା
ଏହାର ନାଁ ଶୁଣିଲେ ଯେତିକି ଭୟ ଲାଗୁଛି ବାସ୍ତବରେ ମଧ୍ୟ ଏହାର ସତ୍ୟତା ଶୁଣିଲେ ମଧ୍ୟ ଆପଣ ଭୟଭୀତ ହୋଇଯିବେ । କାରଣ ଏହା ଇତିହାସରେ ମଧ୍ୟ ସ୍ଥାନ ପାଇଛି । ଶୁଣିବାକୁ ମିଳିଛି, ଏଠାରେ ବହାଦୂର ଶାହ ଜଫରଙ୍କ ତିନି ପୁଅଙ୍କୁ ଇଂରେଜମାନେ ଗୁଳି କରି ହତ୍ୟା କରିଦେଇଥିଲେ । ଆଉ ଆଜି ମଧ୍ୟ ସେମାନଙ୍କ ଅତୃପ୍ତ ଆତ୍ମା ପ୍ରତିଶୋଧ ପାଇଁ ଘୂରି ବୁଲିବା ସହ ଲୋକଙ୍କୁ ହଇରାଣ ମଧ୍ୟ କରୁଛନ୍ତି ।
ହାଉସ୍ ନଂ ଡବ୍ୟୁ-୩
ଲୋକଙ୍କ କହିବା କଥା ହେଲା ଦିଲ୍ଲୀର ଗ୍ରେଟର କୈଳାସ-୧ ସ୍ଥିତ ଏହି ଘରେ ମଧ୍ୟରାତ୍ରରେ କାହାର କାନ୍ଦିବା ଏବଂ ଚିକ୍ରାର ଆଦି ଶଦ୍ଧ ଶୁଣିବାକୁ ମିଳିଥାଏ । ତେବେ କୁହାଯାଏ, ଏହି ଘରେ ବୃଦ୍ଧା ଦଂପତିଙ୍କୁ କେହି ଅତି ଆମାନୁସିକ ଭାବରେ ହତ୍ୟା କରି ଦେଇଥିଲା ଆଉ ଯାହାଙ୍କ ଆତ୍ମା ଏବେ ମଧ୍ୟ ସେହି ଘରେ ଘୂରି ବୁଲୁଛି ।
ଖୁନୀ ନଦୀ
ରୋହିଣୀ ଅଂଚଳରେ ବହି ଯାଇଥିବା ଏହି ନଦୀ ସଂପର୍କରେ ଶୁଣିବାରୁ ମିଳିଛି ଯେ, ଯିଏ ବି ଏହି ନଦୀ ପାର ହେବାକୁ ଚେଷ୍ଟା କରେ ତାର ମୃତ୍ୟୁ ନିଶ୍ଚିତ । ଯଦିଓ ଏଠାରେ ଅଧିକାଂଶ ଲୋକ ଆତ୍ମହତ୍ୟା କରିଥିବାର ଖବର ଶୁଣିବାକୁ ମିଳିଛି ।