ହ୍ୱାଟସଆପରେ ଫଟୋ ସେୟାର କରି ଜେଲ ଗଲେ ଯୁବକ !
ସୋସିଆଲ ମିଡିଆରେ ପ୍ରତିଦିନ ହଜାର ହଜାର ଲୋକ ଅନେକ ଫଟୋ ସେୟାର କରିଥାନ୍ତି ତେବେ ସେ ଫେସବୁକ୍ ହେଉ କିମ୍ବା ହ୍ୱାଟସଆପ୍ । ହେଲେ ଏଥିପାଇଁ କିଏ କେବେ ଜେଲ ଯାଇପାରନ୍ତି ତାହା ଏବେ ଚର୍ଚ୍ଚାର ବିଷୟ ପାଲଟିଛି । ଏଭଳି ଏକ ଖବର ସାମ୍ନାକୁ ଆସିଛି ହରିୟାଣାରୁ । ଯେଉଁଠି ଜଣେ ୧୯ ବର୍ଷୀୟ ଯୁବକ ଭିଆଇଛନ୍ତି ଏଭଳି କାଣ୍ଡ । ଯିଏ କି ୬ ଦିନ କାଳ ଉପାଷଭୋକରେ ରହିଥିଲେ । ସେ ପୁଣି ସାମାନ୍ୟ ଗୋଟିଏ ସ୍ମାର୍ଟଫୋନ ପାଇଁ । ଆଉ ଏହି ସ୍ମାର୍ଟଫୋନଟି ହିଁ ତାଙ୍କ ପାଇଁ ଫାଶ ବନିଯାଇଥିଲା । ଏବେ ସେ ହରିୟାଣାରେ ଥିବା ଏକ ଜେଲର କାରାଗରରେ ବନ୍ଦୀ ଭଳି ଜୀବନ ଅତିବାହିତ କରୁଛନ୍ତି । ତେବେ ଏହି ୧୯ ବର୍ଷୀୟ ଯୁବକ ଜଣକର ଅପରାଧ ଥିଲା ହ୍ୱାଟସଆପରେ ସେୟାର କରିଥିବା ଏକ ଫଟୋ ।
Kanak News is now on WhatsApp
Join and get latest news updates delivered to you via WhatsApp
ତେବେ ଯୁବକ ଜଣକ ସେୟାର କରିଥିବା ଫଟୋଟି କୌଣସି ସାମାନ୍ୟ ଫଟୋ ନଥିଲା ବରଂ ଫଟୋଟି ଥିଲା ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର । ଯାହାକୁ ଯୁବକ ଜଣକ ବିକୃତ କରି ହ୍ୱାଟସଆପରେ ସେୟାର କରିଥିଲେ ଆଉ ଏହାର ଅଭିଯୋଗ ବିଜେପି କାର୍ଯ୍ୟକର୍ତ୍ତା ମୁକେଶ କୁମାର ହରିୟାଣାର ଫତେହାବାଦ ଜେଲରେ କରିଥିଲେ । ମୁକେଶଙ୍କ ଅଭିଯୋଗ ପରେ ପୁଲିସ ୧୮ ନଭେମ୍ବରକୁ ଶାକୀବଙ୍କୁ ଗିରଫ କରିଥିଲା । ଏହି ୧୯ ବର୍ଷୀୟ ଯୁବକଙ୍କର ନାଁ ହେଉଛି ଶାକୀବ । ସେ ନିଜ ପରିବାର ଲୋକଙ୍କ ସହିତ ୟୁପିର ସହରନପୁର ଜିଲ୍ଲାର ଖେରା ମେୱାତଠାରେ ରୁହନ୍ତି । ସେଠାରେ ସେ ଟେଲରିଂ କାମ କରନ୍ତି । ଶାକୀବଙ୍କର ୪୫ ବର୍ଷୀୟ ମାଆ ଜୁଲି ଖାନଙ୍କ କହିବା ଅନୁସାରେ, ଗତ ୪ ମାସ ହେଲା ସେ ସ୍ମାର୍ଟଫୋନ ପାଇଁ ଅଡି ବସିଥିଲା ହେଲେ ବାପାଙ୍କ ରୋଜଗାର କମ ଥିବାରୁ ତାର ଏହି ଜିଦକୁ ପୁରଣ କରିବା ତାଙ୍କ ପକ୍ଷେ ଅସମ୍ଭବ ହୋଇପଡିଥିଲା । କାରଣ ତାଙ୍କର ମାସକୁ ରୋଜଗାର ୬୦୦୦ରୁ ୮୦୦୦ଟଙ୍କା । ହେଲେ ଶାକୀବ କିଛି ନବୁଝି ୬ଦିନ କାଳ ସ୍ମାର୍ଟଫୋନ କିଣିବା ଜିଦରେ ଖାଇବା ପିଇବା ଛାଡି ଦେଇଥିଲା । ଯେଉଁଥି ପାଇଁ ବାଧ୍ୟ ହୋଇ ତାର ବାପା ତା ପାଇଁ ସ୍ମାର୍ଟଫୋନ କିଣିଥିଲେ ଆଉ ସେ ପୁଣି ଲୋନ କରି ।
ଶାକୀବ ତୃତୀୟ ଶ୍ରେଣୀ ଯାଏଁ ପାଠପଢିଛି । ଜେଲରେ ଥିବା ଶାକୀବଙ୍କୁ ଭେଟିବାକୁ ଆସିଥିବା ତାଙ୍କ ବାପାଙ୍କ କହିବା କଥା ହେଲା କି, ‘ଲୋନ ନେଇ ମୁଁ ମୋର ପୁଅ ପାଇଁ ଗୋଟିଏ ସ୍ମାର୍ଟଫୋନ କିଣିଛି । ସେ ପିଲା ଲୋକ, ତାକୁ ଜଣା ନାହିଁ କି ଫୋନରେ କେଉଁଟା କରିବା ଉଚିତ ଆଉ କେଉଁଟା ନୁହେଁ’ ।
ଏଠାରେ ଆମେ କହି ରଖୁଛୁ କି, ଶାକୀବଙ୍କ ଗାଁରେ ପାଖାପାଖି ୮ ହଜାର ଲୋକ ବାସକରନ୍ତି ଏବଂ ଗାଁର ଅଧିକାଂଶ ଲୋକ ଲେଖାପଢା ଜାଣିନାହାଁନ୍ତି । ଏପରିକି ଗାଁର ବହୁତ କମ ଲୋକ ହିଁ ଫୋନ ବ୍ୟବହାର କରନ୍ତି । ଯାହାର ପ୍ରମୁଖ କାରଣ ହେଲା, ଏଠାକାର ଲୋକମାନଙ୍କ ପ୍ରତିଦିନର ରୋଜଗାର ହେଉଛି ୧୦୦ରୁ ୨୦୦ଟଙ୍କା ଆଉ କମ୍ ରୋଜଗାରରେ ଜଣେ କିପରି ସ୍ମାର୍ଟଫୋନ ବ୍ୟବହାର କରିପାରିବେ ।