କନକ ବ୍ୟୁରୋ : ନିଆଳିରେ ଉଡିଲା ଡ୍ରୋନ୍ କ୍ୟାମେରା । କିଛିଦିନ ହେଲା ନିଆଳି ଅଂଚଳରେ ମେଣ୍ଢା ଶିକାର କରୁଥିବା ଅଜଣା ଜନ୍ତୁକୁ ଠାବ କରିବା ଲାଗି ଶିମିଳିପାଳରୁ ପହଂଚିଛନ୍ତି ୧୮ ଜଣିଆ ବିଶେଷଜ୍ଞ ଦଳ । ଏବଂ ଏହି ଦଳ ଡ୍ରୋନ୍ କ୍ୟାମେରା ଜରିଆରେ ପୁରା ଅଂଚଳର ଅନୁଧ୍ୟାନ କରିଛନ୍ତି । ପ୍ରଥମ ଦିନରେ କେଉଁ ଅଂଚଳରେ ଅଧିକ ଜଙ୍ଗଲ ରହିଛି, ସେନେଇ ଡ୍ରୋନ୍ କ୍ୟାମେରା ଜରିଆରେ ତଥ୍ୟ ଏକାଠି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବାରିପଦା ଡିଏଫଓଙ୍କ ନେତୃତ୍ୱରେ ଆସିଥିବା ବିଶେଷଜ୍ଞ ଦଳରେ ୨ଜଣ ରେଞ୍ଜର, ୨ଜଣ ଫେରଷ୍ଟର, ଟ୍ରାଙ୍କୁଲାଇଜର ଏକ୍ସପର୍ଟ, ଡ୍ରୋନ ଉଡାଇପାରୁଥିବା ବିଶେଷଜ୍ଞ ଓ ଜାଲ ପକାଇ ଜନ୍ତୁ ଧରିପାରୁଥିବା ସ୍ୱତନ୍ତ୍ର ଗାର୍ଡ । ଏଥିସହ ସାଙ୍ଗରେ ୫୦ଟି ଅଟୋମେଟିକ କ୍ୟାମେରା ମଧ୍ୟ ଆଣିଛନ୍ତି ଏହି ଦଳ । ଏଗୁଡିକୁ ନିଆଳିର ବିଭିନ୍ନ ସ୍ଥାନରେ ଗଛଗୁଡିକରେ ଖଞ୍ଜା ଯାଉଛି । ରାତିରେ ମଧ୍ୟ ସ୍ପଷ୍ଟ ଚିତ୍ର ଉତୋଳନ କରିପାରୁଥିବା ଏହି କ୍ୟାମେରା ଜରିଆରେ ଜଙ୍ଗଲି ଜନ୍ତୁର ଗତିବିଧି ଲକ୍ଷ୍ୟ କରାଯିବ । ଏବଂ ପରେ ତାକୁ କାବୁ କରିବା ପାଇଁ ସ୍ଥାନୀୟ ବନ କର୍ମଚାରୀଙ୍କ ସହାୟତାରେ ଆରମ୍ଭ ହେବ ଅପରେସନ୍ ।