ଭଗବାନଙ୍କୁ ମଧ୍ୟ ଦେବାକୁ ପଡିବ ଜମି କର ! ଜାରି ହେଲା ନୋଟିସ
ଏଣିକି ଭଗବାନଙ୍କୁ ମଧ୍ୟ ଦେବାକୁ ପଡିବ ଜମି କର । କଥାଟା ଶୁଣିଲେ ଆପଣଙ୍କୁ ଟିକେ ଅଡୁଆ ଲାଗୁଥିବ ନିଶ୍ଚୟ ମାତ୍ର ଏଭଳି ଘଟଣା ବାସ୍ତବରେ ଦେଖିବାକୁ ମିଳିଛି ହରିୟାଣାର ଫତେହାବାଦ ଅଂଚଳରେ । ତେବେ ଆସନ୍ତୁ ଜାଣିବା ଏହାର ପ୍ରକୃତ ଘଟଣା ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, ହରିୟାଣାର ଫତେହାବାଦରେ ଥିବା ବିଭିନ୍ନ ଦେବାଦେବୀଙ୍କ ମନ୍ଦିର ଥିବା ସ୍ଥାନର ଜମି କର ବା ପ୍ରୋପର୍ଟି ଟ୍ୟାକ୍ସ ଦେବାପାଇଁ ନିୟମ ଜାରି କରାଯାଇଛି । ଆଶ୍ଚର୍ଯ୍ୟଜନକ କଥା ହେଲା କି ଏହି ଜମି କର ବା ପ୍ରୋପର୍ଟି ଟ୍ୟାକ୍ସ ଭରଣ ପାଇଁ ଯାହା ସବୁ ନୋଟିସ ତଥା ବିଲ ପଠାଯାଇଛି । ସେ ସମସ୍ତ ନୋଟିସରେ ସହରର ବିଭିନ୍ନ ଦେବୀଦେବତାଙ୍କ ନାଁ ଏବଂ ତାଙ୍କର ମନ୍ଦିର ଥିବା ଜମିର ନାମ ଉଲ୍ଲେଖ କରାଯାଇଛି । ତେବେ ନଗରପରିଷଦର ଏଭଳି କାରନାମାର ଚର୍ଚ୍ଚା ସାରା ସହରରେ ଜୋର ଧରିବା ସହ କିଛି ଲୋକ ଏକଥା ଶୁଣି ବିସ୍ମୟ ମଧ୍ୟ ହୋଇଛନ୍ତି । ସବୁଠାରୁ ବଡ କଥା ହେଲା, ଏହି ଜମି କରର ବିଲ ସର୍ବନିମ୍ନ ୧ ହଜାରରୁ ଆରମ୍ଭ ହୋଇ ଲକ୍ଷେ ଟଙ୍କା ଯାଏଁ ବୃଦ୍ଧି ପାଇଛି ।
ତେବେ ସହରର ବିଭିନ୍ନ ସାଧୁ ସନ୍ଥଙ୍କ ଆଶ୍ରମ ମନ୍ଦିରମାନଙ୍କୁ ୨ ଲକ୍ଷ ୭୭ ହଜାର ଟଙ୍କା ଜମି କର ଦେବାପାଇଁ ବିଲ ପଠାଯାଇଥିବାବେଳେ ଦେବୀ ଦୁର୍ଗାଙ୍କୁ ତାଙ୍କ ମନ୍ଦିର ପାଇଁ ୧ ଲକ୍ଷ ଟଙ୍କା ୧୦ ହଜାର ଟଙ୍କା ଟିକସ ଦେବାକୁ ପଡିବ ବୋଲି ନୋଟିସ ପଠାଯାଇଛି । ଏହାଛଡା, ସହରରେ ଥିବା ବାବା ରାମଦେବଙ୍କୁ ମଧ୍ୟ ତାଙ୍କ ମନ୍ଦିର ହୋଇଥିବା ଜମି ପାଇଁ ପାଖାପାଖି ୧୪ ହଜାର ୪୬୬ଟଙ୍କାର ବିଲ ପଠାଯାଇଛି । କେବଳ ଏତିକି ନୁହେଁ, ନଗର ପରିଷଦ ମଧ୍ୟ ବଳକା ରାମଶାନ ଭୂମିସଭାସ୍ଥଳୀଠାରୁ ମଧ୍ୟ ଏହି କର ଦେବାକୁ ଦାବୀ କରିବା ସହ ବିଲ ମଧ୍ୟ ପଠାଇଛନ୍ତି ।
ଅନ୍ୟପଟେ, ଏହି ନୋଟିସକୁ ବିଭିନ୍ନ ମନ୍ଦିରଗୁଡିକର ରକ୍ଷକ ତଥା ପଦାଧିକାରୀମାନେ ବିରୋଧ କରିଛନ୍ତି । କାରଣ ଏଭଳି ନୋଟିସ ସେ କେବେ କେଉଁଠି ଶୁଣି ନଥିଲେ କି ଜାଣି ମଧ୍ୟ ନଥିଲେ । ଆଉ ଏଥିସହ ସେମାନେ ଏସଂପର୍କରେ ନଗରପାଳଙ୍କ ସହ ଆଲୋଚନା କରିବା ସହିତ ଏହାକୁ ପ୍ରତ୍ୟାଖାନା କରିବାକୁ ପ୍ରାର୍ଥନା କରିଛନ୍ତି । ।