ସାବଧାନ ! ଦୁର୍ଘଟଣାର ଫଟୋ କିମ୍ବା ଭିଡିଓ ଉତ୍ତୋଳନ କଲେ ହୋଇପାରେ ଜେଲ, ଦେବାକୁ ପଡିପାରେ ଜରିମାନା
ଆଜି କାଲି ଦେଖିବାକୁ ମିଳେ କି କୌଣସି ଦୁର୍ଘଟଣାସ୍ଥଳରେ ଲୋକେ ପିଡୀତଙ୍କର ସହାୟତା କରିବା ପରିବର୍ତ୍ତେ ସେମାନଙ୍କର ଫଟୋ ଏବଂ ଭିଡିଓ ସୁଟ୍ କରିବାରେ ଲାଗିପଡିଥାନ୍ତି । ଯେଉଁ କାରଣରୁ ଦୁର୍ଘଟଣାରେ ଆହତ ହୋଇଥିବା ବ୍ୟକ୍ତିକୁ ମେଡିକାଲରେ ଭର୍ତ୍ତି କରିବାରେ ସମସ୍ୟା ହୋଇଥିବା ବେଳେ ଅନେକ ସମୟରେ ଉପଯୁକ୍ତ ଚିକିତ୍ସା ଅଭାବ କାରଣରୁ ଦୁର୍ଘଟଣାର ଶିକାର ହୋଇଥିବା ବ୍ୟକ୍ତିଙ୍କୁ ଜୀବନ ମଧ୍ୟ ହାରିବାକୁ ପଡିଥାଏ । ତେବେ ଏଭଳି ସମସ୍ୟାକୁ ଦୃଷ୍ଟିରେ ରଖି ନୋଏଡା ପୁଲିସ ଏକ ବଡ ନିଷ୍ପତି ନେଇଛି । ଯାହା ଦ୍ୱାରା ଦୁର୍ଘଟଣାସ୍ଥଳରେ ଉଭୟ ଫଟୋଗ୍ରାଫି କିମ୍ବା ଭିଡିଓଗ୍ରାଫି କରୁଥିବା ବ୍ୟକ୍ତି ବିଶେଷଙ୍କୁ ଜେଲର ହାୱା ଖାଇବାକୁ ପଡିପାରେ । ଏଥି ସହିତ ହିଁ ଜରିମାନା ମଧ୍ୟ ଦେବାକୁ ପଡିପାରେ ।
Kanak News is now on WhatsApp
Join and get latest news updates delivered to you via WhatsApp
ସୁପ୍ରିମକୋର୍ଟର ନିର୍ଦ୍ଦେଶ
ସେଲ୍ଫି ନେବା ପଡିପାରେ ମହଙ୍ଗା: ନୋଏଡା ଏସପିଙ୍କ କହିବା ଅନୁସାରେ, ନିକଟ ଅତୀତରେ ଦୁର୍ଘଟଣାର ଏଭଳି ଅନେକ ମାମଲା ସାମ୍ନାକୁ ଆସିଛି । ଯେଉଁଥିରେ ଚିକିତ୍ସାରେ ବିଳମ୍ବ କାରଣରୁ ଆହତ ବ୍ୟକ୍ତିଙ୍କର ମୃତ୍ୟୁ ଘଟୁଛି । ସୁପ୍ରିମକୋର୍ଟ ମଧ୍ୟ ସମସ୍ତ ନାଗରିକମାନଙ୍କୁ ନିର୍ଦ୍ଦେଶ ଦେଇଛନ୍ତି କି, ପ୍ରଥମେ ଦୁର୍ଘଟଣାରେ ଆହତ ହୋଇଥିବା ବ୍ୟକ୍ତିଙ୍କୁ ମେଡିକାଲରେ ଭର୍ତ୍ତି କରାଯାଉ । କିନ୍ତୁ ବର୍ତ୍ତମାନ କୌଣସି ଦୁର୍ଘଟଣା ସ୍ଥାନରେ ଯାତ୍ରୀମାନେ ଗାଡି ଅଟକାଇ ସେଲ୍ଫି ଏବଂ ଭିଡିଓ ନେବାରେ ବ୍ୟସ୍ତ । ଯାହାଦ୍ୱାରା ଦୁର୍ଘଟଣାର ଶିକାର ହୋଇଥିବା ବ୍ୟକ୍ତିର ଚିକିତ୍ସାରେ ବିଳମ୍ବ କାରଣରୁ ମୃତ୍ୟୁ ଘଟୁଛି ।
ରୋଜଗାର ମୁଖ୍ୟ କାରଣ
ଦୁର୍ଘଟଣାର ଭିଡିଓ ବିଭିନ୍ନ ଟିଭି ଚ୍ୟାନେଲମାନେ ମୋଟା ଅଙ୍କର ଟଙ୍କା ଦେଇ କିଣିଥାନ୍ତି । ଯେଉଁ କାରଣରୁ ଲୋକଙ୍କଠାରେ ଦୁର୍ଘଟଣାର ଭିଡିଓ ସୁଟ୍ କରିବାର କ୍ରେଜ୍ ଦେଖିବାକୁ ମିଳିଛି । ଏଥିସହିତ ହିଁ ସୋସିଆଲ ମିଡିଆରେ ଏଭଳି ଭିଡିଓ ଏବଂ ଫଟୋ ପୋଷ୍ଟ କରିବା ଏବେ ଏକ ଫ୍ୟାନସ ହୋଇଗଲାଣି ।
ଗିରଫଦାରୀ ନିୟମ
ଦୁର୍ଘଟଣାର ଭିଡିଓ ସୁଟ୍ କିମ୍ବା ଫଟୋ ଉଠାଇଲେ ମୋଟର ହ୍ୱିଲର ଆକ୍ଟର ଧାରା ୧୨୨ ଏବଂ ୧୭୭ ଅନୁସାରେ ଗିରଫଦାରୀର ନିୟମ ରହିଛି । ଏଥି ସହିତ ବି ଜରିମାନା ଆଦାୟ କରାଯାଇପାରେ । ସେକ୍ସନ ୧୭୭ ଅନୁସାରେ ୧୦୦ ଟଙ୍କାରୁ ଆରମ୍ଭ କରି ୩୦୦ ଟଙ୍କା ପର୍ଯ୍ୟନ୍ତ ଜରିମାନା ଲଗାଯାଇପାରେ । ଏଥି ସହିତ ହିଁ ବ୍ୟକ୍ତିଙ୍କୁ ପୁଲିସ ଗିରଫ ମଧ୍ୟ କରିପାରିବ ।