ଏସବିଆଇ ପଠାଇବ ଗୋଟିଏ SMS…ଭୁଲରେ ବି କରିବେନି ଡିଲିଟ୍, ନଚେତ ବ୍ଲକ୍ ହୋଇଯିବ ଆପଣଙ୍କ ଆକାଉଣ୍ଟ
ଭାରତର ସବୁଠୁ ବଡ ସରକାରୀ ବ୍ୟାଙ୍କ ତଥା ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ତରଫରୁ କିଛିଦିନ ହେଲା ଗ୍ରାହକଙ୍କ ନିକଟକୁ ଏକ ଏସଏମଏସ ପଠାଉଛି । ଯେଉଁଥିରେ ବ୍ୟାଙ୍କ ତରଫରୁ ଏକ ଗୁରୁତ୍ୱପୂର୍ଣ୍ଣ ସୂଚନା ଦିଆଯାଇଛି । ଯଦି ଆପଣଙ୍କ ନିକଟକୁ ବି ବ୍ୟାଙ୍କ ତରଫରୁ ଏଭଳି କିଛି ଏସଏମଏସ ଆସିଛି ଆଉ ଆପଣ ତାକୁ ବିନା ପଢି ଡିଲିଟ୍ କରିଦେଇଛନ୍ତି ତେବେ ଆପଣ ଭବିଷ୍ୟତରେ ବଡ ଅସୁବିଧାରେ ପଡପାରନ୍ତି । ଏପରିକି ଆପଣ ଭବିଷ୍ୟତରେ ନିଜ ଖାତାରୁ ଟଙ୍କା କାରବାର କରିନପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏସବିଆଇ ଏହି ଏସଏମଏସ ଜରିଆରେ ନିଜ ଗ୍ରାହକଙ୍କୁ କେୱାଇସି ପୁରଣ କରିବାକୁ ନିର୍ଦ୍ଦେଶ ଦେଇଛି । ଏସବିଆଇ ଏହି ଏସଏମଏସ ଜରିଆରେ ଆଲର୍ଟ କରି କହିଛି କି, ଯଦି କୌଣସି ଗ୍ରାହକ ବ୍ୟାଙ୍କ ପକ୍ଷରୁ ଦିଆଯାଇଥିବା ଏହି ଏସଏମଏସକୁ ଅଣଦେଖା କରନ୍ତି ତଥା ତେବେ ସେ ନିଜ ଖାତାରୁ ଟଙ୍କା କାରବାର କରିପାରିବେ ନାହିଁ । କାରଣ ଆରବିଆଇ ସମସ୍ତ ବ୍ୟାଙ୍କ ଖାତା ପାଇଁ ବର୍ତ୍ତମାନ କେୱାଇସିକୁ ବାଧ୍ୟତାମୂଳକ ବୋଲି ଘୋଷଣା କରିଛି ।
ଏସବିଆଇ ତରଫରୁ ପଠାଯାଉଥିବା ଏହି ମେସେଜରେ ସ୍ପଷ୍ଟ ଭାବରେ ଲେଖାଯାଇଛି କି, ଭାରତୀୟ ରିଜର୍ଭ ବ୍ୟାଙ୍କର ନିର୍ଦ୍ଦେଶାନୁସାରେ, ଆପଣଙ୍କ ଖାତାରେ କେୱଇସି ଦସ୍ତାବିଜକୁ ଅପଡେଟ କରାଯିବ । ତେଣୁ ଦୟାକରି ନବୀନତମ କେୱାଇସି ଦସ୍ତାବିଜ ସହିତ ନିଜ ଏସବିଆଇ ଶାଖାରୁ ଯାଇ ଯୋଗାଯୋଗ କରନ୍ତୁ । କାରଣ କେୱାଇସି ପୁରଣ ନକିରବା ଦ୍ୱାରା ଭବିଷ୍ୟତରେ ଆପଣ ଆପଣଙ୍କ ବ୍ୟାଙ୍କ ଖାତା ଉପରେ କୌଣସି ବି ଆର୍ଥିକ କାରବାର କରିପାରିବେ ନାହିଁ । କାରଣ ଏହା ଉପରେ ପ୍ରତିବନ୍ଧକ ଲଗାଇପାରେ ବ୍ୟାଙ୍କ ।
ତେବେ କେୱାଇସି ଅର୍ଥ ହେଲା ‘ନୋ ୟୁଆର କଷ୍ଟୋମର’, ଅର୍ଥାତ୍ ଗ୍ରାହକଙ୍କ ସଂପୂର୍ଣ୍ଣ ସୂଚନା । ଯାହାକୁ କରିବା ସମସ୍ତଙ୍କ ପାଇଁ ଏବେ ନିହାତି ଜରୁରୀ । କାରଣ ଏହାଦ୍ୱାରା ଉଭୟ ବ୍ୟାଙ୍କ ଏବଂ ଗ୍ରାହକଙ୍କ ମଧ୍ୟରେ ଥିବା ସଂପର୍କ ଆହୁରୀ ମଜଭୁତ ବନିଥାଏ । ଏହା ବିନା ନା ତ ଆପଣ କୌଣସି ନିବେଶ କରିପାରିବେ ଏବଂ ନା ହିଁ ବ୍ୟାଙ୍କରେ ଆପଣ ଖାତା ଖୋଲି ପାରିବେ ।