‘ମିଲ୍କ ମନ୍ତ୍ର’ରେ ଓଡିଶାର ଶ୍ରୀକୁମାର ! ପତ୍ନୀଙ୍କ ଅଳଙ୍କାର ବନ୍ଧକରେ ବ୍ୟବସାୟ କରି ଏବେ ସେ ୨୦୦ କୋଟିର ମାଲିକ
ଆଜି କାଲି ଯୁବପିଢୀ ନାମୀଦାମୀ ତଥା ଚକାଚକ ଚାକିରୀ ଓ ଉଚ୍ଚ ଦରମା ପଛରେ ଧାଉଁଛନ୍ତି ଏବଂ କୃଷି ଭଳି କାମକୁ ହୀନମନ୍ୟତା ଓ ତୁଚ୍ଛ ବୋଲି ଭାବୁଛନ୍ତି । ତେବେ ଆମ ଓଡିଶାରେ ଏମିତି ଜଣେ ଯୁବକ ଶିଳ୍ପପତି ଅଛନ୍ତି ଯିଏ କି ପ୍ରମାଣିତ କରି ଦେଖାଇ ପାରିଛନ୍ତି ଯେ ବିଶ୍ୱର କୃଷିଠାରୁ କୌଣସି ମହନୀୟ ଚାକିରୀ କିଛି ହୋଇ ନପାରେ । ତେବେ ଆସନ୍ତୁ ଜାଣିବା ।
Kanak News is now on WhatsApp
Join and get latest news updates delivered to you via WhatsApp
କଟକ ଜିଲ୍ଲା ଶ୍ରୀକୁମାର ମିଶ୍ର, ଯେ କି ଟାଟା ଭଳି ନାମୀଦାମୀ କଂପାନୀକୁ ଛାଡି ଓଡିଶାରେ ଦୁଗ୍ଧ ଚାଷ କ୍ଷେତ୍ରରେ ଆଣିଛନ୍ତି ବୈପ୍ଳବିକ ପରିବର୍ତ୍ତନ । ଏକ ମଧ୍ୟବିତ ପରିବାରରୁ ଆସିଥିବା ଶ୍ରୀକୁମାର ଭୁବନେଶ୍ୱର ସ୍ଥିତ ଏକ୍ସଆଇଏମବିରୁ ଏମବିଏ ପାସ କରିବା ପରେ ଲଣ୍ଡନରେ ଟାଟାର ଏକ ବଡ କଂପାନୀରେ ଚାକିରୀ କରିଥିଲେ । କିନ୍ତୁ ନିଜ କାର୍ଯ୍ୟଦ୍ୱାରା ଲୋକଙ୍କ ପାଇଁ ଓ ତାଙ୍କ ଜୀବନରେ ଉନ୍ନତି ଆଣିବା ପାଇଁ ସଦାସର୍ବଦା ଭାବୁଥିବା ଶ୍ରୀକୁମାରଙ୍କ ଚାକିରୀରେ ଆତ୍ମସନ୍ତୋଷ ନମିଳିବାରୁ ସେ ଓଡିଶା ଫେରି ଆସି କିଛି ନୂଆ କରିବା ପାଇଁ ମନସ୍ତ କଲେ ।
ଓଡିଶାରେ ଦୁଗ୍ଧ ଚାଷ କ୍ଷେତ୍ରଟି ସ୍ୱଚ୍ଛଳ ନଥିବା ହୃଦବୋଧ କରିବା ପରେ ସେଥିରେ ସେ ଏହି ବେପାର କରିବା ପାଇଁ ନିଷ୍ପତି ନେଇଥିଲେ । ୨୦୦୯ରେ ଚାକିରୀ ଛାଡି ନିଜର କର୍ପୋରେଟ ଅଭିଜ୍ଞତା ପ୍ରୟୋଗ କରି ରାଜ୍ୟର ଗୋଦୁଗ୍ଧ ଚାଷୀଙ୍କଠାରୁ ସିଧାସଳଖ ଭାବେ କିଣି ‘ମିଲ୍କ ମନ୍ତ୍ର’ ନାମକ ଏକ କଂପାନୀ ପ୍ରତିଷ୍ଠା କରିଥିଲେ । ମାତ୍ର ଅର୍ଥାଭାବ କାରଣରୁ ବାଧ୍ୟ ହୋଇ ସେ ନିଜ ପତ୍ନୀଙ୍କ ଅଳଙ୍କାରକୁ ବନ୍ଧକ ଦେଇ ପୁଣି ଥରେ ନୁତନ ରୂପେ କଂପାନୀଟିକୁ ଗଢିଥିଲେ । ତେବେ ମାତ୍ର ୧୮ ମାସ କାଳ ସେ ବହୁ ବାଧାବିଘ୍ନ ସହି ନିଜ କଂପାନୀକୁ ବଢାଇଥିଲେ । ଆଜି ଏହି କଂପାନୀ ଓଡିଶା ସମେତ ଝାଡଖଣ୍ଡ,ଛତିଶଗଡ, ପଶ୍ଚିମ ବଙ୍ଗ ଭଳି ରାଜ୍ୟମାନଙ୍କରେ ପାଖାପାଖି ୪୦ ହଜାରରୁ ଅଧିକ ଚାଷୀଙ୍କ ସାହାର ପାଲଟିଛନ୍ତି । ତେବେ ଶ୍ରୀକୁମାରଙ୍କ କଂପାନୀ ପ୍ରଥମ ବର୍ଷ ଆଶ୍ଚର୍ଯ୍ୟଜନକ ଭାବେ ୧୮ କୋଟିର ଲାଭ ପାଇ ଆଜି ୨୦୦ କୋଟି ମୂଲ୍ୟର ଏକ ବଡ କଂପାନୀରେ ପରିଣତ ହୋଇଛି ।
ତେବେ ଶ୍ରୀକୁମାରଙ୍କ ଦୃଢ ନିଷ୍ପତି, ଅଦମ୍ୟ ସାହସ ଏବଂ ଲୋକଙ୍କ ପାଇଁ କିଛି କରିବାର ଇଚ୍ଛାଶକ୍ତି ଆଜି ଅନ୍ୟଙେକ ପାଇଁ ପାଲଟି ଯାଇଛି ଉଦାହରଣ । ତାହା ନ ହୋଇଥିଲେ ଆଜି କୋଟି କୋଟି ଭାରତୀୟଙ୍କ ପାଖକୁ ଦୁଗ୍ଧ ଜାତୀୟ ପଦାର୍ଥ ପହଂଚି ପାରି ନଥାନ୍ତା ।