ଏସବିଆଇର ଚେତାବନୀ: ଯଦି ଆପଣଙ୍କ ପାଖକୁ ଆସୁଛି ଏହି SMS ତେବେ ତୁରନ୍ତ କରନ୍ତୁ ବ୍ୟାଙ୍କ ସହ ଯୋଗାଯୋଗ, ନଚେତ୍ ଖାଲି ହୋଇଯିବ ଆକାଉଂଟ

ଦେଶ ବିଦେଶସ୍ପେଶାଲ୍ ରିପୋର୍ଟ
By smruti sangita giri
34

ଦେଶର ସବୁଠାରୁ ବଡ ସରକାରୀ ବ୍ୟାଙ୍କ ତଥା ଷ୍ଟେଟ ବ୍ୟାଙ୍କ ଅପ ଇଣ୍ଡିଆ ନିଜ ଗ୍ରାହକମାନଙ୍କୁ ଚେତାବନୀ ଦେଇ କହିଛି କି, ଇନକମ ଟ୍ୟାକ୍ସ ରିଟର୍ଣ୍ଣ ଫାଇଲକୁ ନେଇ କିଛିଦିନ ହେଲା ଏକ ଏସଏମଏସ ଲୋକମାନଙ୍କ ନିକଟକୁ ପଠାଯାଉଛି , ଯାହାକି ଏକ ମିଥ୍ୟା ଖବର ଅଟେ । ତେଣୁ ଏଭଳି ମେସେଜ ଆସିଲେ ତୁରନ୍ତ ତାକୁ ବ୍ଲକ କରିଦିଅନ୍ତୁ , ନଚେତ ବ୍ୟାଙ୍କ ସହ ତୁରନ୍ତ ଯୋଗାଯୋଗ କରନ୍ତୁ ।

ସୂଚନା ମୁତାବକ, ଇନକମ ଟ୍ୟାକ୍ସ ରିଟର୍ଣ୍ଣ ଫାଇଲ କରିବାର ଶେଷ ତାରିଖ ଯେତିକି ଆଖେଇ ଆସୁଛୁ, ସେତିକି ଏହାକୁ ନେଇ ବିଭିନ୍ନ ପ୍ରକାରର ବିଭ୍ରାନ୍ତିକର ଖବର ସାମ୍ନାକୁ ଆସୁଛି । ଯାହା ଏବେ ବ୍ୟାଙ୍କର ମୁଣ୍ଡବିନ୍ଧାର କାରଣ ପାଲଟିଛି । ତେବେ ଇତି ମଧ୍ୟରେ ଇନକମ ଟାକ୍ସ ଡିପାର୍ଟମେଂଟ ନାଁରେ ଏକ ଏସଏମଏସ ମୋବାଇଲରୁ ମୋବାଇଲକୁ ଘୂରି ବୁଲୁଛି, ଯେଉଁଥିରେ ସ୍ପଷ୍ଟ ଲେଖାଯାଇଛି , ଆପଣ ଆପଣଙ୍କ ଇନକମ ଟାକ୍ସ ରିଟର୍ନ ଫାଇଲ ତୁରନ୍ତ ଭରନ୍ତୁ ନଚେତ ଆପଣ ଅସୁବିଧାରେ ପଡିପାରନ୍ତି । ଖାଲି ଏତିକି ନୁହେଁ , ଏହି ମେସେଜରେ ରିଫଣ୍ଡ ଆମାଉଂଟ ପାଇବା ପାଇଁ ଗ୍ରାହକଙ୍କ ସୂଚନା ମଧ୍ୟ ମଗାଯାଉଛି । ଏଠାରେ ଆମେ କହି ରଖୁଛୁ କି, ଇନକମ ଟାକ୍ସ ଡିପାର୍ଟମେଂଟ କେବେ ବି ଏଭଳି ପ୍ରକାରର କୌଣସି ବି ସୂଚନା ମାଗି ନଥାଏ ।

ସତର୍କ ରୁହନ୍ତୁ । କାରଣ ଆୟକର ରିଫଣ୍ଡ ସମ୍ବନ୍ଧିତ କିଛି ଏସଏମଏସ ଆପଣଙ୍କ ବ୍ୟକ୍ତିଗତ ସୂଚନା ଚୋରାଇ ନେଇପାରେ । ଏଭଳି ପରିସ୍ଥ୍ିତରେ ଗ୍ରାହକଙ୍କୁ ସତର୍କ ରହିବାକୁ ପରାମର୍ଶ ଦିଆଯାଇ କୁହାଯାଇଛି କି, ଏଭଳି ପ୍ରକାରର ଏସଏମଏସକୁ ଅଣଦେଖା କରନ୍ତୁ କିମ୍ବା ତାକୁ ବ୍ଲକ୍ କରିଦିଅନ୍ତୁ । ଯଦି ଆପଣଙ୍କ ବ୍ୟକ୍ତିଗତ ତଥ୍ୟର କୌଣସି ପ୍ରକାରେ ସେମାନଙ୍କ ପାଖରେ ପହଂଚିଯାଏ ତେବେ ଏସବିଆଇ ସହ ତୁରନ୍ତ ଯୋଗାଯୋଗ କରନ୍ତୁ । ବ୍ୟାଙ୍କ ଏହାକୁ ନେଇ ଏକ ଭିଡିଓ ମଧ୍ୟ ଜାରି କରିଛି । ଯେଉଁଥିରେ କୁହାଯାଇଛି କି, ଏହି ଏସଏମଏସ ଉପରେ ଯେମିତି ହିଁ ଆପଣ କ୍ଲିକ୍ କରିବେ ସେମିତି ହିଁ ଆପଣ ଜମା କରିଥିବା ସମସ୍ତ ଟଙ୍କା ହ୍ୟାକର୍ସଙ୍କ ହାତୁ ଚାଲିଯିବ । ତେଣୁ ଏଭଳି ଏସଏମଏସକୁ ସବୁ ବେଳେ ଅଣଦେଖା କରନ୍ତୁ ।

ସମ୍ବନ୍ଧିତ ଖବର More from author