ସତର୍କ କରାଇଲା ପୁଲିସ୍ : ସାର୍ବଜନୀନ ସ୍ଥାନରେ ଧୂମ୍ରପାନ କଲେ ଆଉ ଛାଡିବନି ପୁଲିସ୍ । ଧରାପଡିଲେ ହେବ ଜେଲ୍
ଏଣିକି ସାର୍ବଜନୀନ ସ୍ଥାନରେ ଧୂମ୍ରପାନ କରୁଥିବା ବ୍ୟକ୍ତିବିଶେଷଙ୍କୁ ଛାଡିବ ନାହିଁ ପୁଲିସ । ଯଦି କୌଣସି ବ୍ୟକ୍ତି କୌଣସି ସାର୍ବଜନୀନ ସ୍ଥାନରେ ଧୂମ୍ରପାନ କରୁଥିବାର ନଜର ଆସିବେ ତେବେ ତାଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ନିଆଯିବ ବୋଲି ସତର୍କ କରାଇଛି ପୁଲିସ ବିଭାଗ । ଖାଲି ଏତିକି ନୁହେଁ ଏଥିପାଇଁ ପୁଲିସ ପକ୍ଷରୁ ଏକ ଅଭିଯାନ ମଧ୍ୟ ଆରମ୍ଭ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗତକାଲି ବିଭିନ୍ନ ପାନ ଦୋକାନ ଏବଂ ଅନ୍ୟାନ୍ୟ ଦୋକାନୀମାନଙ୍କୁ ପୁଲିସ ଅଧିକାରୀ ଏବଂ ହେଲ୍ଥ ଫାଉଣ୍ଡେସନ ତଥା ଏସଏଚଏଫର ଏକ ଦଳ ତାମାଖୁ ଏବଂ ଅନ୍ୟାନ୍ୟ ଧୂମ୍ରପାନ ତଥା ନିଶାଜାତ ଦ୍ରବ୍ୟ ସଂପର୍କରେ ସଚେତନ କରିଛନ୍ତି । ଦୋକାନୀଙ୍କୁ ତମାଖୁ ଏବଂ ଅନ୍ୟାନ୍ୟ ଧୂମ୍ରପାନ ସାମଗ୍ରୀକୁ ବିକ୍ରି ନକରିବାକୁ ମଧ୍ୟ ନିବେଦନ କରିଛନ୍ତି ।
ତେବେ ଜିଲ୍ଲା ପୁଲିସ ଅଧିକ୍ଷକଙ୍କ ନିର୍ଦ୍ଦେଶାନୁସାରେ ଆରମ୍ଭ ହୋଇଥିବା ଏହି ଆଭିଯାନରେ ପୁଲିସ ଅଧିକାରୀମାନଙ୍କୁ ଏସଂପର୍କରେ ସୂଚନା ଦିଆଯାଇଥିଲା । ଏହି ଅଭିଯାନର ପ୍ରଥମ ପର୍ଯ୍ୟାୟରେ ଦୋକାନୀମାନଙ୍କୁ ଏସବୁ ସାମଗ୍ରୀଗୁଡିକୁ ନ ବିକ୍ରି କରିବାକୁ ନିବେଦନ କରିବା ସହିତ ସାର୍ବଜନୀନ ସ୍ଥାନମାନଙ୍କରେ ଧୂମ୍ରପାନ ନକରିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି । ଯଦି କୌଣସି ବ୍ୟକ୍ତି ଏହାକୁ ଅବମାନନା କରନ୍ତି ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ଏଠାରେ ଆମେ କହି ରଖୁଛୁ କି, ଏହି ଅଭିଯାନ ବର୍ତ୍ତମାନ ଦିଲ୍ଲୀ ଏନସିଆରରେ ଆରମ୍ଭ ହୋଇଛି । ପରବର୍ତ୍ତୀ ସମୟରେ ବାକି ସମସ୍ତ ଦେଶରେ କାର୍ଯ୍ୟକାରୀ କରାଯିବ ବୋଲି ମିଳିଥିବା ସୂଚନାରୁ ଜଣାପଡିଛି ।