ମୋଦିଙ୍କ ସ୍ୱଚ୍ଛ ଭାରତ ଅଭିଯାନକୁ ଧକ୍କା । ବିଜେପି ନେତା କହିଲେ, ରାସ୍ତା କଡରେ ପରିସ୍ରା କରିବା ଆମର ପୁରୁଣା ପରମ୍ପରା
କେନ୍ଦ୍ର କୃଷିମନ୍ତ୍ରୀ ରାଧାମୋହନ ସିଂହଙ୍କ ପରି ମୋଦି ସରକାରଙ୍କ ଆଉ ଜଣେ ମନ୍ତ୍ରୀଙ୍କ ଫଟୋ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଯେଉଁଥିରେ ରାଧାମୋହାନଙ୍କ ଭଳି ଅନ୍ୟ ଜଣେ ବିଜେପି ନେତା ରାସ୍ତାକଡରେ ଖୋଲାରେ ପରିଶ୍ରା କରୁଥିବାର ଦୃଶ୍ୟ ରହିଛି । ତେବେ ବଡ କଥା ହେଲା ଗୋଟିଏ ପଟରେ ଯେଉଁଠି ଦଳର ସୁପ୍ରିମୋ ତଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ୱଚ୍ଛତାକୁ ନେଇ ବିଭିନ୍ନ କାର୍ଯ୍ୟକ୍ରମରେ ବଡ ବଡ କଥା କହୁଛନ୍ତି , ସେଠି କିନ୍ତୁ ଦଳୀୟ ନେତାଙ୍କ ଏପରି କାଣ୍ଡ ନିହାତି ରୂପେ ନିନ୍ଦନୀୟ ଘଟଣା ବୋଲି କହିପାରିବା ।
Kanak News is now on WhatsApp
Join and get latest news updates delivered to you via WhatsApp
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଫଟୋରେ ଯେଉଁ ବ୍ୟକ୍ତି ଜଣକ ଅଛନ୍ତି, ସେ ହେଉଛନ୍ତି ରାଜସ୍ଥାନର ଜଣେ ବିଜେପି ନେତା । ଯାହାଙ୍କ ନାଁ ହେଲା ଶମ୍ଭୁ ସିଂହ ଖାତେସର । ଏହି ଫଟୋରେ ସେ ଏକ କାନ୍ଥ ପାଖରେ ପରିସ୍ରା କରୁଥିବାର ନଜର ଆସୁଛନ୍ତି । ବଡ କଥା ହେଲା କି, ଶମ୍ଭୁ ସିଂହ ଖାତେସର ଯେଉଁଠି କାନ୍ଥ ପାଖରେ ପରିସ୍ରା କରୁଛନ୍ତି, ସେଠାରେ ରାଜସ୍ଥାନର ମୁଖ୍ୟମନ୍ତ୍ରୀ ତଥା ବସୁନ୍ଧରା ରାଜେଙ୍କର ଏକ ପୋଷ୍ଟର ମଧ୍ୟ ଲଗାଯାଇଛି । ଏହି ଫଟୋଟି ଭାଇରାଲ ହେବା ପରେ ବିବାଦ ସେତେବେଳେ ଆହୁରୀ ବଢିଯାଇଥିଲା , ଯେତେବେଳେ ମନ୍ତ୍ରୀ ଶମ୍ଭୁ ସିଂହଙ୍କୁ ଏସଂପର୍କରେ ପ୍ରଶ୍ନ କରାଯାଇଥିଲେ ।
ଶମ୍ଭୁୁ ସିଂହ ଯେଉଁ ଉତର ଦେଇଥିଲେ , ତାହା ଥିଲା ଏହାଠାରୁ ଆହୁରୀ ଅଧିକ ଆଶ୍ଚର୍ଯ୍ୟଜନକ ଥିଲା । ଶମ୍ଭୁ ସିଂହ କହିଥିଲେ କି, ଖୋଲାରେ ପରିସ୍ରା କରିବା ଏକ ପୁରୁଣା ପରମ୍ପରା । ତେଣୁ ଏପରି କରି ସେ କୌଣସି ପାପ କରିନାହାଁନ୍ତି ବୋଲି । ଏଥିସହିତ ହିଁ ସେ ମୁଖ୍ୟମନ୍ତ୍ରୀଙ୍କ ପୋଷ୍ଟର ନିକଟରେ ପରିସ୍ରା କରିଥିବା ଘଟଣାକୁ ମଧ୍ୟ ପୂରା ପୁରି ମନାକରିଦେଇଥିଲେ ।
ଏଠାରେ ଆମେ କହି ରଖୁଛୁ କି, ଏହି ଘଟଣା କୌଣସି ପ୍ରଥମ ଘଟଣା ନୁହେଁ ଏହା ପୂର୍ବରୁ ବି ବିଜେପିର ଅନେକ ନେତା-ମନ୍ତ୍ରୀଙ୍କୁ ଏଭଳି ଖୋଲାରେ ପରିସ୍ରା କରୁଥିବା ଅବସ୍ଥାରେ କ୍ୟାମେରାରେ ଧରାପଡିଛନ୍ତି । ନିକଟରେ କେନ୍ଦ୍ର କୃଷିମନ୍ତ୍ରୀ ରାଧାମୋହନ ସିଂହଙ୍କ ଏଭଳି ଏକ ଫଟୋକୁ ନେଇ ପ୍ରବଳ ସମାଲୋଚନା ହୋଇଥିଲା । ବିହାରରେ ନିଜ ନିର୍ବାଚନୀ କ୍ଷେତ୍ର ଗସ୍ତ କଲାବେଳେ ରାସ୍ତାକଡରେ ଗାଡି ରଖି ପାଖରେ ପରିଶ୍ରା କରୁଥିଲେ କେନ୍ଦ୍ରମନ୍ତ୍ରୀ । ଆଉ ମନ୍ତ୍ରୀଙ୍କୁ ଜଗି ରହିଥିଲେ ତାଙ୍କ ସୁରକ୍ଷା କର୍ମୀ । ସୋସିଆଲ ମିଡିଆରେ ଏହି ଫଟୋ ଭାଇରାଲ ହେବା ପରେ ପ୍ରଧାନମନ୍ତ୍ରୀଙ୍କ କାର୍ୟ୍ୟାଳୟଠାରୁ ସଫେଇ ଦାବି କରିଥିଲେ ବିରୋଧୀ । ପ୍ରଧାନମନ୍ତ୍ରୀ ସ୍ୱଚ୍ଛ ଭାରତ କଥା କହୁଥିବାବେଳେ ତାଙ୍କ ମନ୍ତ୍ରୀ ଏହାର ଖୋଲାଖୋଲି ଉଲ୍ଲଂଘନ କରୁଥିବା ଅଭିଯୋଗ ବାଢିଥିଲେ ।