ବନ୍ଦ ହେବାକୁ ଯାଉଛି ଏଟିଏମ କାର୍ଡ ! ଏଟିଏମ ମେସିନରେ କାମ କରିବନି ଗ୍ରାହକଙ୍କ କାର୍ଡ, ବ୍ୟାଙ୍କ ତରଫରୁ ଦିଆଗଲା ସୂଚନା, ଅଧିକ ଜାଣିବା ପାଇଁ ପଢନ୍ତୁ ପୂରା ଖବର
ବନ୍ଦ ହେବାକୁ ଯାଉଛି ଏସବିଆଇର କୋଟିକୋଟି ଏଟିଏମ କାର୍ଡ । ଏଟିଏମ ମେସିନରେ ବି ଚାଲିବ ନାହିଁ ଏହି ଏଟିଏମ କାର୍ଡ । ଆଜ୍ଞା ହଁ ! ଆପଣ ଠିକ୍ ପଢୁଛନ୍ତି । ଭାରତୟ ସବୁଠାରୁ ବଡ ସରକାରୀ ବ୍ୟାଙ୍କ ତଥା ଷ୍ଟେଟ ବ୍ୟାଙ୍କ ଅଫ ଇଣ୍ଢିଆ (ଏସବିଆଇ) ଖୁବ ଶୀଘ୍ର ନିଜ ଗ୍ରାହକମାନଙ୍କୁ ପୁରୁଣା ଏଟିଏମ କାର୍ଡ ବଦଳାଇବାକୁ ନିର୍ଦ୍ଦେଶ ଦେଇଛି । ଏସବିଆଇର ଅଫିସିଆଲ ଟୁଇଟର ହ୍ୟ।।ଣ୍ଡେଲରେ ଶୁକ୍ରବାର ସୂଚନା ଦିଆଯାଇଛି କି, ଯେଉଁ ଗ୍ରାହକମାନଙ୍କ ନିକଟରେ ପୁରୁଣା ମ୍ୟାଜିଷ୍ଟ୍ରିପ ତଥା ମ୍ୟାଗ୍ନେଟିକ୍ ଡେବିଟ କାର୍ଡ ରହିଛି ସେମାନେ ନିଜ ନିଜର ଏହି ପୁରୁଣା ଏଟିଏମକାର୍ଡକୁ ତୁରନ୍ତ ବ୍ୟାଙ୍କ ଆସି ବଦଳାଇବା ପଡିବ ।
Kanak News is now on WhatsApp
Join and get latest news updates delivered to you via WhatsApp
Dear Customers, it’s time to make a shift. As per the RBI guidelines, you are required to change your Magstripe Debit Cards to EMV Chip Debit Cards by the end of 2018. The conversion process is absolutely safe and comes with no charges. Know more: https://t.co/hgDrKXlInp pic.twitter.com/QoLZZSQuEj
— State Bank of India (@TheOfficialSBI) August 10, 2018
ଏସବିଆଇର ସୂଚନା ମୁତାବକ, ପୁରୁଣା କାର୍ଡ ବଦଳରେ ଗ୍ରାହକମାନଙ୍କୁ ଇଏମବି ଚିପ ବିଶିଷ୍ଟ ଡେବିଟ କାର୍ଡ ଦିଆଯିବ । ଏଥିପାଇଁ ୨୦୧୮ ଶେଷ ସୁଦ୍ଧା ସମୟସୀମା ଧାର୍ଯ୍ୟ କରାଯାଇଛି । ଯଦି ଗ୍ରାହକମାନେ ବ୍ୟାଙ୍କର ଏହି ଡେଡଲାଇନ ପୂର୍ବରୁ ନିଜ ପୁରୁଣା କାର୍ଡ ନ ଫେରାନ୍ତି ତେବେ ଡେଡଲାଇନ ଶେଷ ହେବା ପରେ ସେମାନେ ଏଟିଏମରୁ ଟ୍ରାଂଜାକସନ କରିପାରିବେ ନାହିଁ । କାହିଁକି ନା ଏଟିଏମ ମେସିନ ଏହିସବୁ ପୁରୁଣା କାର୍ଡଗୁଡିକୁ ସ୍ୱୀକାର କରିବ ନାହିଁ ।
ଏସବିଆଇ ତରଫରୁ ଆହୁରୀ ମଧ୍ୟ କୁହାଯାଇଛି କି, ଏଟିଏମ କାର୍ଡର କନଭର୍ସନ ପ୍ରୋସେସରେ କୌଣସି ପ୍ରକାରର ଶୁଳ୍କ ନିଆଯିବ ନାହିଁ । ଏବଂ ଏହା ସଂପୂର୍ଣ୍ଣ ଭାବରେ ମାଗଣା ହେବ । ନିକଟରେ ଏସବିଆଇ ସହିତ ୬ଟି ଅନ୍ୟ ବ୍ୟାଙ୍କମାନଙ୍କ ସହ ସମ୍ମିଶ୍ରଣ ହୋଇଛି । ଏବଂ ବ୍ୟାଙ୍କର ଗ୍ରାହକମାନଙ୍କର ସଂଖ୍ୟାରେ ବଡ ପରିବର୍ତ୍ତନ ହୋଇଛି । ତେଣୁ ଏଭଳି ପରିସ୍ଥିତିରେ ବ୍ୟାଙ୍କର ଏଭଳି ନିଷ୍ପତିର ପ୍ରଭାବ କୋଟି କୋଟି ଗ୍ରାହକଙ୍କ ଉପରେ ପଡିପାରେ ।