ରେଳ ଟିକେଟ୍ ଉପରେ ଜବରଦସ୍ତ ଅଫର : ଏଠାରୁ ବୁକିଂ କରିବା ଦ୍ୱାରା ମିଳିବ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ବୀମା, ଜାଣନ୍ତୁ ପୂରା ପ୍ରକ୍ରିୟା
ଭାରତର ସବୁଠାରୁ ବଡ ସରକାରୀ ବ୍ୟାଙ୍କ ତଥା ଷ୍ଟେଟବ୍ୟାଙ୍କ ଅଫ ଇଣ୍ଡିଆ କ୍ରେଡିଟ୍ କାର୍ଡ ଉପରେ ବିଭିନ୍ନ ପ୍ରକାରର ଅଫର ସବୁବେଳେ ଦେଇରଖିଥାଏ । ଏହାବ୍ୟତୀତ ଏହି କାର୍ଡରେ ଆଇଆରସିଟିସିର ୟୁଜର୍ସଙ୍କ ପାଇଁ ମଧ୍ୟ ସ୍ୱତନ୍ତ୍ର ଅଫର ମିଳିଥାଏ । ତେବେ ଏସବିଆଇ ଆଇଆରସିଟିସି କ୍ରେଡିଟ କାର୍ଡରୁ ୟୁଜର୍ସଙ୍କୁ ମିଳିବାକୁ ଥିବା ଫାଇଦା ସଂପର୍କରେ ଆଜି ଆମେ ଆପଣଙ୍କୁ ଜଣାଇବୁ ଯାହା ଆପଣ ଜାଣିବା ନିହାତି ଦରକାର ।
Kanak News is now on WhatsApp
Join and get latest news updates delivered to you via WhatsApp
ଯେତେବେଳେ ଆପଣ ନୂଆ କାର୍ଡ ନେବେ ସେତେବେଳେ ଆପଣଙ୍କୁ ୩୫୦ ରିୱାର୍ଡ ପଏଂଟ ମିଳିବ । ଏହି ପଏଂଟଗୁଡିକ ୪୫ ଦିନ ମଧ୍ୟରେ ୫୦୦ ଟଙ୍କା ଖର୍ଚ୍ଚ କରିବା ଉପରେ ମିଳିଥାଏ । ଏହାଛଡା କାର୍ଡ ଜାରି ହେବାର ୩୦ ଦିନ ଭିତରେ କ୍ୟାସ ବାହାର କରିବା ଦ୍ୱାରା ୧୦୦ ଟଙ୍କାର କ୍ୟାସବ୍ୟାକ୍ ମିଳିବ । ଯେତେବେଳେ ଆପଣ ଡବ୍ଲୁଡବ୍ଲୁଡବ୍ଲୁ ଡଟ କୋ ଡଟ୍ ଇନରୁ ଏସି୧,ଏସି୨ ଏବଂ ଏସ ଚେୟାର ଟିକେଟ୍ ବୁକ୍ କରିବେ ତେବେ ଆପଣଙ୍କୁ ମୋଟ ଟିକେଟ ଦାମ ଉପରେ ୧୦ ପ୍ରତିଶତ ପର୍ଯ୍ୟନ୍ତ କ୍ୟାସବ୍ୟାକ୍ ମିଳିବ ।
ତୈଳ ବ୍ୟତୀତ ଯେକୌଣସି ଜିନିଷରେ ୧୨୫ ଟଙ୍କାର ସପିଂ ଏବଂ ଟିକେଟ୍ ବୁକିଂ ଉପରେ ୧ ରିୱାର୍ଡ ପଏଂଟ ମିଳିବ । ଏହି ସମସ୍ତ ରିୱାର୍ଡ ପଏଂଟକୁ ଆଇଆରସିଟିସିରୁ ଟିକେଟ ବୁକ ପାଇଁ ବ୍ୟବହାର କରିପାରିବେ । ଯଦି ଆପଣ ଡବ୍ଲୁଡବ୍ଲୁଡବ୍ଲୁ ଡଟ୍ ଆଇଆରସିଟିସି ଡଟ୍ ଇନରୁ ଟେକେଟ ବୁକ କରିବେ ତେବେ ଆପଣଙ୍କୁ ୧.୮ ପ୍ରତିଶତର ଟ୍ରାନଜାକସନ ଫିସରେ ମଧ୍ୟ ରିହାତି ମିଳିବ ।
ସାରା ଭାରତରେ କୌଣସି ବି ପେଟ୍ରୋଲ ପମ୍ପରୁ ତେଲ ଭରିବା ଉପରେ ୨.୫ ପ୍ରତିଶତ ରିହାତି ମିଳିବ । ତେବେ ଏହି ଲାଭ ୫୦୦ରୁ ୩ ହଜାର ଟଙ୍କ ମଧ୍ୟର ଟ୍ରାନଜାକସନ ଉପରେ ଉଠାଇପାରିବେ । ଗୋଟିଏ ମାସ ଭିତରେ ଗୋଟିଏ କାର୍ଡ ଉପରେ ସର୍ବାଧିକ ୧୦୦ ଟଙ୍କାର ହିଁ ଲାଭ ଉଠାଇପାରିବେ ।