କିଛି ଦିନ ତଳେ ଦିଲ୍ଲୀରେ ଜଣେ କଂଗ୍ରେସ ନେତାଙ୍କ ଘରେ ଏସି ଫାଟିବା କାରଣରୁ ଦୁଇ ନିରୀହ ଶିଶୁଙ୍କର ମୃତ୍ୟୁ ହେବା ଘଟଣା ଯେତିକି ହୃଦୟ ବିଦାରକ ଥିଲା, ସେତିକି ମଧ୍ୟ ଚେତାବନୀମୂଳକ ଥିଲା । ଏହା ସେହି ସମସ୍ତ ଲୋକମାନଙ୍କ ପାଇଁ ଏକ ଚେତାବନୀ ଅଟେ, ଯେଉଁମାନେ କି ଇଲେକ୍ଟ୍ରୋନିକ ଉପକରଣକୁ ଅବାଧ ଭାବରେ ବ୍ୟବହାର କରୁଛନ୍ତି ଏବଂ ସେଗୁଡିକର କେୟାର ନେବାକୁ ପୂରା ଭୁଲି ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଜିକାଲି ଲୋକମାନଙ୍କର ଜୀବନଶୈଳୀରେ ବହୁତ ବଡ ପରିବର୍ତ୍ତନ ଦେଖାଦେଇଛି ଏବଂ ଉପଭୋକ୍ତାବାଦ ଏତେ ମାତ୍ରାରେ ବୃଦ୍ଧି ପାଇଛି କି ନିମ୍ନ ମଧ୍ୟମ ବର୍ଗର ଲୋକଙ୍କମାନଙ୍କ ନିକଟରେ ମଧ୍ୟ ସୁଖ ସୁବିଧାର ଅନେକ ସାମଗ୍ରୀ ଉପଲବ୍ଧ । କାହିଁକି ନା ସବୁକିଛି ସାମଗ୍ରୀ ଏବେ ଅତି ସହଜରେ କିସ୍ତିରେ ମିଳିଯାଉଛି । ତେବେ ବୈଦ୍ୟୁତିକ ଉପରକଣର ଚାହିଦା ବୃଦ୍ଧି ପାଇବା ସହ ଏହାକୁ ନେଇ ପ୍ରତିଦିନ କିଛି ନା କିଛି ଅଘଟଣ ମଧ୍ୟ ଘଟୁଛି । ଏପରିକି ଏହି ଦୁର୍ଘଟଣାରେ କାହାର ଜୀବନ ମଧ୍ୟ ଚାଲିଯାଉଛି । ତେଣୁ ଏହି ସବୁ ସମସ୍ୟାକୁ ଦୃଷ୍ଟିରେ ରଖି ଆଜି ଆମେ ଆପଣଙ୍କୁ ବିଶେଷ କରି ଏସିର ରକ୍ଷଣାବେକ୍ଷଣା ସହ ଜଡିତ କିଛି ଏଭଳି ଜରୁରୀ କଥା ସଂପର୍କରେ ଜଣାଇବୁ ,ଯାହାଦ୍ୱାରା ଆପଣ ଓ ଆପଣଙ୍କର ପରିବାରକୁ ରକ୍ଷା କରିପାରିବେ । ତେବେ ଆସନ୍ତୁ ଜାଣିବା.. .
• ସର୍ବପ୍ରଥମେ ଆପଣ ଜାଣିରଖିବା ଉଚିତ କି , ଆପଣ କେଉଁ ଏସି କିଣୁଛନ୍ତି, ଆପଣଙ୍କ ଘରର ୱାୟରିଂ ଏବଂ ବିଦ୍ୟୁତ ଲୋଡ ତାକୁ ସହି ପାରିବ କି ନାହିଁ ।
• ଘରର ୱାୟରିଂ କରିବା ସମୟରେ ଧ୍ୟାନରେ ରଖିବେ କି ଶସ୍ତା ତାର ବଦଳରେ ସବୁବେଳେ ବ୍ରାଣ୍ଡେଡ ତାର ବ୍ୟବହାର କରିବାକୁ ।
• ଖରା ଦିନେ ଏସିର ସର୍ଭିସିଂ ନିଶ୍ଚୟ କରନ୍ତୁ । ବିନା ସର୍ଭିସିଂ କରି ଏସି ଚଲାନ୍ତୁ ନାହିଁ ।
• ସର୍ଭିସିଂ କରିବା ସମୟରେ ଧ୍ୟାନ ରଖିବେ କି ୱିଣ୍ଡୋ ଏସି ପିଛର ତଳ ଆଡକୁ ଢଳି ରହିବା ଉଚିତ । ଯାହାଦ୍ୱାରା ବର୍ଷା ପାଣି ଏଥିରେ ଜମି ପାରିବ ନାହିଁ ।
• ଏସି ପ୍ଲଗ ସମୟେ ସମୟେ ଯାଂଚ କରନ୍ତୁ ।
• ଏସିର ଗ୍ୟାସ ଆଦି ଭରିବା ସମୟରେ ଶସ୍ତା ୱେଣ୍ଡର ସେବାନିଅନ୍ତୁ ନାହିଁ ।
• ଯଦି ଆପଣ ପୁରୁଣା ଏସି କିଣୁଛନ୍ତି ତେବେ ସାଧାବନ ରୁହନ୍ତୁ ଏବେ କୌଣସି ପରିଚିତ ମେକାନିକଙ୍କଠାରୁ ତାକୁ ଭଲ ଭାବରେ ଯାଂଚ କରିଦିଅନ୍ତୁ ।
• ସେହିପରି ଆପଣ ଏସିର ପ୍ଲଗ ଯେଉଁଠି ଲଗାଉଛନ୍ତି ସେଠାରେ କୌଣସି ପର୍ଦ୍ଦା ଲଗାନ୍ତୁ ନାହିଁ । କାରଣ ସ୍ପାର୍କ ହେବାଦ୍ୱାରା ପର୍ଦ୍ଦରେ ନିଆଁ ଲାଗିବାର ଯଥେଷ୍ଟ ସମ୍ଭାବନା ରହିଛି ।
କିପରି ହେଇଥାଏ ସର୍ଟସର୍କିଟ
• ଏସିର କମ୍ପ୍ରେସରର୍ସରେ ଅନେକ ଥର ବିଦ୍ୟୁତ ତାର ପୁରୁଣା ହୋଇଯିବା କାରଣରୁ ସର୍ଟ ସର୍କିଟ ହୋଇଥାଏ ।
• ଏହାବ୍ୟତୀତ, ଉକ୍ଟକ୍ଟକ୍ଷବଦ୍ଭଗ୍ଧରୁ ତରଳ ପଦାର୍ଥ ଲିକ୍ ହେବା ଦ୍ୱାରା ମଧ୍ୟ ବିଦ୍ୟୁତ୍ ତାରରେ ସର୍ଟ ସର୍ଟିକ ହୋଇଥାଏ ।
• ଅଧିକାଂଶ ସମୟରେ ଅଧିକ ଲୋଡ ହେବା କାରଣରୁ ଏସି ପାଇଁ ବ୍ୟବହୃତ ସୁଇଚ ଓ ତାର କ୍ଷମତାଠାରୁ ଅଧିକ ଗରମ ହୋଇ ତରଳି ଯାଇଥାଏ । ଯାହଦ୍ୱାରା ନିଆଁ ଲାଗିବା ଭଳି ପରିସ୍ଥିତି ସୃଷ୍ଟି ହୋଇଥାଏ ।
• ସେହିପରି ଅଚାନକ୍ ଭୋଲଟେଜ୍ କିମ୍ବା କରେଂଟରେ ବୃଦ୍ଧି ଘଟିବା ମଧ୍ୟ ସମ୍ବେଦନଶୀଳ ବୈଦ୍ୟୁତିକ ଉପରକଣ ପାଇଁ କ୍ଷତିକାରଣ ହୋଇଥାଏ ।