ଭାଇରାଲ ହେଉଛି ଗଣେଶ ଅବତାର : ଚର୍ଚ୍ଚା ଜନ୍ମ ନେଇଛନ୍ତି ଗଜାନନ
ଅନେକ ସମୟରେ ଏ ଯୁଗରେ ଅନେକ ଆଶ୍ଚର୍ଯ୍ୟକର ଘଟଣା ସବୁ ଘଟିଚାଲିଛି। ଯାହାକୁ ନେଇ ଚାରିଆଡେ ଚର୍ଚ୍ଚା ହେଉଛି। ଏବେ ଏମିତି ଏକ ଘଟଣା ଘଟିଛି। ଜନ୍ମ ନେଇଛନ୍ତି ଭଗବାନ ଗଣେଶ। ସୋସିଆଲରେ ଭାଇରାଲ ସାଜିଛି ଏ ଖବର। କର୍ଣ୍ଣାଟକର ତେରଦାର ନାମକ ଗାଁରେ ଜଣେ ପିଲା ଅବିକଳ ଭଗବାନ ଗଣେଶଙ୍କ ରୂପ ନେଇ ଜନ୍ମ ହୋଇଛି । ଯାହାକୁ ଦେଖି ଲୋକମାନେ ସାକ୍ଷାତ ଭଗବାନ ଗଣେଶ ବୋଲି ମାନିନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଫେସବୁକ, ଟ୍ୱୁଟର ଆଦି ସୋସିଆଲ ମିଡିଆରେ ଗଣେଶଙ୍କ ରୂପ ଧାରୀ ଏହି ଅଦ୍ଭୂତ ପିଲାର ଫଟୋ ଖୁବ୍ ଘୂରି ବୁଲୁଛି। ଏହି ପିଲାର ପୂରା ଶରୀର ମଣିଷ ଶରୀର ପରି । ହେଲେ ଭଗବାନ ଗଣେଶଙ୍କ ଭଳି ଏହାର ଶୁଂଢ ଅଛି ଏବଂ କାନ ମଧ୍ୟ ଗଣେଶଙ୍କ କାନ ଭଳି ବଡ। ଗଣେଶ ଭଗବାନ ରୂପି ଏହି ପିଲାକୁ ଦର୍ଶନ କରିବାକୁ ବହୁ ଦୂର ଦୂରାନ୍ତରୁ ଲୋକେ ଛୁଟିଛନ୍ତି ।
ପିଲାଟିକୁ ଦେଖିଲେ ଲାଗୁଛି ଯେମିତି ସେ କିଛି କହିବାକୁ ଚାହୁଁଚି। ପିଲାଟିର ମଥା ଓ ପେଟରେ କଳା ଟିକା ଲାଗିଛି । ହାତରେ ପିନ୍ଧିଛି ମୋତିର ମାଳା । ଫଟୋର ପଛକୁ ଦେଖିଲେ ଲାଗୁଛି ପିଲାଟି ଏକ ଘରେ ବସିଥିବାର ଫଟୋ ।
କର୍ଣ୍ଣାଟକର ଏ ଭାଇରାଲ ଘଟଣାର ସତ୍ୟାସତ୍ୟ ଜାଣିବାକୁ ଏବିପି ନ୍ୟୁଜ୍ ଏକ ଯାଂଚ ଅଭିଯାନ କରିଥିଲା। ଜାଣିବାକୁ ପାଇଥିଲା ଯେ ୨୦୧୪ରେ ବି ଏହି ଫଟୋ ଭାଇରାଲ ହୋଇଥିଲା । ସେତେବେଳେ ଚର୍ଚ୍ଚା ହୋଇଥିଲା ଗଣେଶ ଭଗବାନଙ୍କ ଭଳି ଏକ ପିଲା ଗୁଜୁରାଟର ସୁରଟରେ ଜନ୍ମ ହୋଇଛି । ଏ ବିଷୟରେ ଜାଣିବାକୁ ସୁରତର ନ୍ୟୁ ସିଭିଲ ଡାକ୍ତରଖାନରେ ପ୍ରତିଦିନ ୨୦୦-୩୦୦ ଲୋକଙ୍କ ଭିଡ ଜମୁଥିଲା । ହେଲେ ଏବିପି ନ୍ୟୁଜ ଡାକ୍ତରଖାନର ଜଣେ ନର୍ସକୁ ପଚାରିବୁଝିଥିଲା ଯେ ଏମିତି ପିଲା ଏହି ଡାକ୍ତଖାନରେ ଜନ୍ମ ହୋଇନି ।
ପ୍ରକୃତରେ କହିବାକୁ ଗଲେ ଗଣେଶ ଚତୁର୍ଥୀ ପାଖେଇ ଆସିଲେ ଏମିତି ଫଟୋ ସବୁ ଚର୍ଚ୍ଚାରେ ଆସୁଛି । କିଛି ଲୋକ ବି ଏହାକୁ ସତ ମାନି ନେଉଛନ୍ତି । ହେଲେ ଏହି ଭାଇରାଲ ଫଟୋ ମିଛ ବୋଲି ଏବେ ସାବ୍ୟସ୍ତ ହେଇଛି ।ମଜାର କଥା ଯେ ଗଣେଶ ଚତୁର୍ଥୀ ସମୟରେ ଏହିଭଳି ଗୁଜବ ସବୁ ଲୋକଙ୍କ ମନରେ ଭକ୍ତି ଭାଗ ଜାଗ୍ରତ କରୁଛି ।