ଜିଓ ୟୁଜର୍ସଙ୍କ ପାଇଁ ଜରୁରୀ ସୂଚନା ! ୩୧ ମାର୍ଚ୍ଚରେ ଶେଷ ହେବାକୁ ଯାଉଛି କଂପାନୀର ପ୍ରାଇମ ସର୍ଭିସ, ଜାଣନ୍ତୁ ଏହାପରେ ଆପଣଙ୍କୁ କଣ କରିବାକୁ ହେବ
ଜିଓର ସମସ୍ତ ଗ୍ରାହକଙ୍କ ପାଇଁ ବଡ ଖବର । ରିଲାଏନ୍ସ ଜିଓର ପ୍ରାଇମ ମେମ୍ବରସିପର ବୈଧତା ୩୧ ମାର୍ଚ୍ଚ ୨୦୧୮କୁ ଶେଷ ହେବାକୁ ଯାଉଛି । ତେବେ ଏହି ସେବାକୁ ଜିଓ ଗତ ବର୍ଷ ଫେବୃଆରୀ ମାସରେ ଲଂଚ କରିଥିଲା ଆଉ ଯାହାର ଶେଷ ତାରିଖ ୩୧ ମାର୍ଚ୍ଚ ୨୦୧୭ ଥିଲା । ମାତ୍ର ୯୯ ଟଙ୍କା ଦେଇ କୌଣସି ବି ଜିଓ ୟୁଜର୍ସ ବର୍ଷକ ପାଇଁ ତଥା ୩୧ ମାର୍ଚ୍ଚ ୨୦୧୮ ପର୍ଯ୍ୟନ୍ତ ପ୍ରାଇମ ସର୍ଭିସର ମେମ୍ବରସିପ ନେଇ ପାରୁଥିଲେ । ଏହି ସେବା ନେବା ପରେ ୟୁଜର୍ସଙ୍କୁ ଗୋଟିଏ ବର୍ଷ ପାଇଁ ଅନେକ ସେବା ମାଗଣାରେ ମିଳିବା ସହିତ ସମୟ ସମୟରେ ଅଫର ମଧ୍ୟ ମିଳିସାରିଛି । ହେଲେ ଏବେ ପ୍ରଶ୍ନ ଉଠୁଛି କି, ୩୧ ମାର୍ଚ୍ଚ ୨୦୧୮ରେ ଜିଓର ଏହି ପ୍ରାଇମ ମେମ୍ବରସିପ ସେବାଟି ସରିଗଲା ପରେ କଣ ହେବ ? ତେବେ ଆପଣଙ୍କର ଏହି ପ୍ରଶ୍ନର ଉତ୍ତର ଆମେ ନିମ୍ନରେ ଆଲୋଚନା କରିଛୁ . . .
Kanak News is now on WhatsApp
Join and get latest news updates delivered to you via WhatsApp
ଯଦିଓ କଂପାନୀ ତରଫରୁ ଏନେଇ ସେଭଳି କୌଣସି ସୂଚନା ଆମର ହସ୍ତଗତ ହୋଇପାରିନାହିଁ, ମାତ୍ର ଶୁଣିବାକୁ ମିଳିଛି କି, କଂପାନୀ ପ୍ରାଇମ ମେମ୍ବରସିପକୁ ପୁଣି ଥରେ ଆରମ୍ଭ କରିପାରେ । କିମ୍ବା ଏହାର ବୈଧତାକୁ ପୁଣି ଥରେ ବଢାଇଦେଇପାରେ । ଏହା ମଧ୍ୟ ହୋଇ ପାରେ କି ଜିଓ ତାର ନନ ପ୍ରାଇମ ୟୁଜର୍ସଙ୍କୁ ବି ଏହି ସେବାର ଅନ୍ତର୍ଭୁକ୍ତ କରିପାରେ । ଏହାଛଡା ଯଦି କଂପାନୀର ଗତ କିଛି ଦିନର ରେକର୍ଡକୁ ଦୃଷ୍ଟିରେ ରଖାଯାଏ ତେବେ କଂପାନୀ ଏଥିପାଇଁ ପୁଣି କୌଣସି ଧମାକେଦାର ଅଫର ଲଂଚ କରିପାରେ । ଅର୍ଥାତ୍ ନୂଆ ପ୍ଲାନ ଲଂଚ କରିପାରେ କିମ୍ବା ପୁରୁଣା କିଛି ପ୍ଲାନକୁ ଅପଡେଟ କରିପାରେ ।
ଏଠାରେ ଆମେ କହି ରଖୁଛୁ କି, ଡିସେମ୍ବରରେ ଜାରି ହୋଇଥିବା ଏକ ରିପୋର୍ଟ ଅନୁସାରେ, ଜିଓ ନିକଟରେ ୧୬୦ ମିଲିୟନ ୟୁଜର୍ସ ଅଛନ୍ତି ଆଉ ଏମାନଙ୍କ ମଧ୍ୟରୁ ପାଖାପାଖି ୮୦ ପ୍ରତିଶତ ୟୁଜର୍ସ ହେଉଛନ୍ତି ପ୍ରାଇମ ମେମ୍ବର୍ସ ।