ଦେଶର ଟେଲିକମ ଜଗତରେ ନୂତନ ଅଧ୍ୟାୟ ସୃଷ୍ଟି କରିଥିବାରେ ସଫଳ ହୋଇଛି ରିଲାଏନ୍ସ ଜିଓ । ବିଶ୍ୱ ପ୍ରସିଦ୍ଧ ବିଜନେସମ୍ୟାନ ମୁକେଶ ଅମ୍ବାନୀ ଜିଓ ଜରିଆରେ ସାରା ଭାରତରେ ୪ଜି ନେଟୱାର୍କକୁ ବ୍ୟାପକ ଭାବରେ ବିସ୍ତାର କରିବାରେ ଲାଗିଛନ୍ତି । ଅଳ୍ପ ସମୟରେ ବହୁତ ଲୋକଙ୍କୁ ନିଜ ଆଡକୁ ଆକର୍ଷିତ କରିବାରେ ବେଶ ସଫଳ ହୋଇଛି କଂପାନୀ । ଯାହାଦ୍ୱାରା ଜିଓ ବର୍ତ୍ତମାନ ବାକି ସବୁ ଟେଲିକମ କଂପାନୀମାନଙ୍କର ମୁଣ୍ଡ ବଥାର କାରଣ ପାଲଟିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ଖବର ମୁତାବକ, ଜିଓ କଂପାନୀ ୪ଜି ପରେ ୫ଜି ନେଟୱାର୍କ ଖୁବ୍ ଶୀଘ୍ର ଲଂଚ କରିବାକୁ ଯାଉଛି । ଭାରତୀୟ ୟୁଜର ଆଉ ମାତ୍ର କିଛି ଦିନ ପରେ ୫ଜିର ମଜା ଉଠାଇପାରିବେ । ମିଳିଥିବା ସୂଚନା ମୁତାବକ, ଜିଓ ଏହି ନେଟୱାର୍କକୁ ୨୦୧୯ରେ ସର୍ବ ପ୍ରଥମେ ଚୀନରେ ଟେଷ୍ଟିଂ କରିବ । ଏହାପରେ ୨୦୨୦ରେ ଆଧିକାରୀକ ଭାବରେ ଭାରତରେ ଲଂଚ କରାଯିବ ।
ରିଲାଏନ୍ସ ଜିଓ ତରଫରୁ ମିଳିଥିବା ସୂଚନା ମୁତାବକ, କଂପାନୀ ପ୍ରିଭ୍ୟୁ ଅଫର ଭଳି ଗ୍ରାହକଙ୍କୁ ୫ଜି ଇଂଟରନେଟ ଆଗାମୀ ବର୍ଷ ତଥା ୨୦୨୦ ସୁଦ୍ଧା ଉପଲବ୍ଧ କରାଇବ । ମିଳିଥିବା ସୂଚନା ଅନୁସାରେ, ଜିଓ ୫ଜି ସିମର ଦାମ ରହିବ ମାତ୍ର ୨୦ ଟଙ୍କା । ଯେଉଁଥିରେ ଗ୍ରାହକଙ୍କୁ ୩ ମାସ କାଳ ଇଂଟରନେଟ ଏବଂ ଅନଲିମିଟେଡ କଲିଂର ସୁବିଧା ଦିଆଯିବ ।