ଗୋଟିଏ ପଟେ ବଡ ଭାଇ ମୁକେଶ ଅମ୍ବାନୀ ଶସ୍ତା ଡାଟା ଲଂଚ କରି ଟେଲିକମ ଜଗତରେ ହଇଚଇ ସୃଷ୍ଟି କରିଥିବା ବେଳେ ଅନ୍ୟ ପଟେ ସାନ ଭାଇ ଏବେ ଆରମ୍ଭ କରିବାକୁ ଯାଉଛନ୍ତି ଏକ ଯୁଗାନ୍ତକାରୀ ସେବା । ସୂଚନା ମୁତାବକ, ଅନୀଲ ଅମ୍ବାନୀଙ୍କ କଂପାନୀ ରିଲାଏନ୍ସ ବିଗ ଟିଭି ଡିଟିଏଚ କନେକସନ ବୁକ କରିବା ପାଇଁ ସ୍ୱେଶିଆଲ ଅଫର ଲଂଚ କରିଛି । ରିଲାଏନ୍ସ ସାରା ଦେଶର ୫୦ ହଜାର ପୋଷ୍ଟ ଅଫିସ ସହିତ ପାର୍ଟନରସିପ କରିଛି । ଯାହାଦ୍ୱାରା ଲୋକେ ଏହି ସେବାର ଲାଭ ଉଠାଇବା ପାଇଁ ପୋଷ୍ଟ ଅଫିସ ଜରିଆରେ ବି ବୁକିଂ କରିପାରିବେ ।

ବୁକିଂ କରୁଥିବା ଗ୍ରାହକଙ୍କୁ ଏଚଡି HEVC ସେଟଅପ ବକ୍ସ ଦିଆଯିବ । ଏହି ଲାଟେଷ୍ଟ ଫିଚର୍ସ ଯେପରିକି ରେକଡିଂ, ୟୁଏସବି ପୋର୍ଟ, ଏଚଡିଏମଆଇ ପୋର୍ଟ, ରେକଡିଂ ଆଣ୍ଡ ନ୍ୟୁଇଂ ଲେସ ହେବ । ବର୍ଷକ ପର୍ଯ୍ୟନ୍ତ ଚ୍ୟାନେଲ ସଂପୂର୍ଣ୍ଣ ରୂପେ ମାଗଣା ରହିଛି । ଏଥିରେ ଏଚଡି ଚ୍ୟାନେଲ ମଧ୍ୟ ସାମିଲ ରହିବ । ସେହିପରି ୫୦୦ ଏଫଟିଏ (ଫ୍ରି ଟୁ ଇୟର)ଚ୍ୟାନେଲ୍ସ ୫ ବର୍ଷ ପର୍ଯ୍ୟନ୍ତ ଫ୍ରିରେ ଦେଖିପାରିବେ ।

ୟୁଜର ଏହି ଅଫରକୁ ୫୦୦ ଟଙ୍କା ଜମା କରି ପୋଷ୍ଟ ଅଫିସରୁ ନେଇପାରିବେ । ସେହିପରି ସେଟଅପ ବକ୍ସ ଇନଷ୍ଟୋଲେସନ ବାବଦକୁ ୧୫୦୦ ଟଙ୍କା ପରିଶୋଧ କରିବାକୁ ହେବ । ଲୟାଲ୍ଟି ବୋନସ ନେବା ପାଇଁ ଗ୍ରାହକମାନଙ୍କୁ ପରବର୍ତ୍ତି ବର୍ଷଠାରୁ ୩୦୦ ଟଙ୍କାର ରିଚାର୍ଜ କରିବାକୁ ହେବ । ଏଭଳି ପାଖାପାଖି ୨ ବର୍ଷ ଯାଏ କରିବାକୁ ହେବ । ଏହାପରେ ସବସକ୍ରାଇବରଙ୍କୁ ୨ ହଜାର ଟଙ୍କାର ଲୟାଲ୍ଟି ବୋନସ ପ୍ରଦାନ କରାଯିବ । ଅର୍ଥାତ୍ ଯେଉଁ ଆମାଉଂଟ ଆପଣ ଆରମ୍ଭରୁ ଜମା କରୁଥିଲେ , ସେହି ଟଙ୍କା ଆପଣଙ୍କୁ ସଂପୂର୍ଣ୍ଣ ଭାବରେ ଫେରାଇ ଦିଆଯିବ ।

୨୦ଜୁନରୁ ଆରମ୍ଭ ହେବ ବୁକିଂ

କଂପାନୀ ୨୦ ଜୁନରୁ ଏହି ସର୍ଭିସର ଫ୍ରି-ବୁକିଂ ଆରମ୍ଭ କିରବାକୁ ଯାଉଛି । ତେବେ ରାଜସ୍ଥାନ, ପଂଜାବ, ଉତ୍ତରାଖଣ୍ଡ, ଆନ୍ଧ୍ରପ୍ରଦେଶ, କର୍ଣ୍ଣାଟକ, ଅରୁଣାଚଳ ପ୍ରଦେଶ, ଆସାମ, ମଣିପୁର, ମେଘାଲୟ, ମିଜୋରାମ, ନାଗାଲାଣ୍ଡା ଏବଂ ସିକ୍କିମର ଉପଭୋକ୍ତା ଡିଟିଏଚର ଏହି ଫ୍ରି –ବୁକିଂ କରିପାରିବେ ।