ରେଳ ମନ୍ତ୍ରାଳୟର ନୂଆ କଟକଣା : ଷ୍ଟେସନ ଭିତରକୁ ବାହାର ଲୋକ ମନା, କେବଳ ଯାତ୍ରୀ ହିଁ କରିପାରିବେ ପ୍ରବେଶ । ବନ୍ଦ ହେଲା ପ୍ଲାର୍ଟଫର୍ମ ଟିକେଟ୍ ବିକ୍ରି
ଭିଡକୁ ନଜରରେ ରଖି ରେଳ ମନ୍ତ୍ରାଳୟ ଗୁରୁତ୍ୱରପୂର୍ଣ୍ଣ ନିଷ୍ପତି
ପାର୍ବଣ ଋତୁ ଆସିବା କ୍ଷଣି ହିଁ ବିଭିନ୍ନ ରେଳ ଷ୍ଟେସନ ମାନଙ୍କରେ ଭିଡ ଜମିଯାଇଥାଏ । କିଛି ଲୋକେ ତ ଯାତ୍ରା କରିବା ପାଇଁ ରେଳ ଷ୍ଟେସନ ଆସିଥାନ୍ତି,ଯେବେକି କିଛି ଲୋକ ଏଭଳି ବି ଥାନ୍ତି, ଯେଉଁମାନେ କି ରେଳ ଷ୍ଟେସନ ଆସିଥାନ୍ତି କେବଳ ବୁଲିବାକୁ ତଥା କାହାକୁ ଛାଡିବାକୁ । ଅର୍ଥାତ୍ ଜଣେ ବନ୍ଧୁକୁ ଛାଡିବା ପାଇଁ ପୂରା ପଲଟନ ଚାଲିଆସନ୍ତି । ବଡ କଥା ହେଲା ଯେପର୍ଯ୍ୟନ୍ତ ଟ୍ରେନ୍ ନଆସିଛି ସେମାନେ ସେ ପର୍ଯ୍ୟନ୍ତ ଷ୍ଟେସନରେ ବସି ରହିଥାନ୍ତି । ହେଲେ ଏବେ ଆଉ ଏଭଳି ଚଳିବ ନାହିଁ । କାରଣ ରେଳ ଷ୍ଟେସନରେ ଜମୁଥିବା ଭିଡକୁ ନେଇ ରେଳ ମନ୍ତ୍ରାଳୟ ଗୁରୁତ୍ୱ ପୂର୍ଣ୍ଣ ନିଷ୍ପତି ନେଇଛି ।
Kanak News is now on WhatsApp
Join and get latest news updates delivered to you via WhatsApp
ରେଳ ମନ୍ତ୍ରାଳୟ ତରଫରୁ ପ୍ଲାର୍ଟଫର୍ମରେ ବୃଦ୍ଧି ପାଉଥିବା ଭିଡକୁ ଦୃଷ୍ଟିରେ ରଖି ଦିଲ୍ଲୀର କିଛି ଷ୍ଟେସନରେ ପ୍ଲାର୍ଟଫର୍ମ ଟିକେଟ ବିକ୍ରି ବନ୍ଦ କରିଦେଇଛି । ଏବେ ଆପଣ ଯଦି କାହାକୁ ଛାଡିବାକୁ ରେଳ ଷ୍ଟେସନ ଯାଉଛନ୍ତି , ତେବେ ଆପଣଙ୍କୁ ଷ୍ଟେସନ ବାହାରରୁ ହିଁ ଫେରିବାକୁ ପଡିବ । କାହିଁକି ନା ଏବେ ପ୍ଲାର୍ଟଫର୍ମ ଟିକେଟ ମିଳିବ ନାହିଁ । ଭାରତୀୟ ରେଲେଓ ଭିଡ ଆଶଙ୍କକୁ ନଜରରେ ରଖି ପ୍ଲାର୍ଟଫର୍ମ ଟିକେଟ୍ ବିକ୍ରି ଦିଲ୍ଲୀର କିଛି ଷ୍ଟେସନରେ ବନ୍ଦ କରିଦେଇଛି । ଏହି ଟିକେଟ୍ ୩ ନଭେମ୍ବରରୁ ଅର୍ଥାତ୍ ଗତକାଲିଠୁ ୧୩ ନଭେମ୍ବର ପର୍ଯ୍ୟନ୍ତ କିଛି ଷ୍ଟେସନରେ ମିଳିବ ନାହିଁ । ଖାଲି ଏତିକି ନୁହେଁ ଏଥି ସହିତ ହିଁ ଏହିସବୁ ଷ୍ଟେସନମାନଙ୍କରେ ପାର୍ସଲ ବୁକିଂକୁ ବି ୧୩ ନଭେମ୍ବର ପର୍ଯ୍ୟନ୍ତ ବନ୍ଦ ରଖିଛି ।
ମିଳିଥିବା ସୂଚନା ମୁତାବକ, ଯଦିଓ ରେଳ ମନ୍ତ୍ରାଳୟ କିଛି ବିଶେଷ ପରିସ୍ଥିତିରେ ପ୍ଲାର୍ଟଫର୍ମ ଟିକେଟ ଜାରି କରିବାକୁ ବି ନିଷ୍ପତି ନେଇଛି । ଏହା ଆଧାରରେ ଯଦି ଆପଣ କୌଣସି ବୃଦ୍ଧ ତଥା ବରିଷ୍ଠ କିମ୍ବା ଦିବ୍ୟାଙ୍ଗ ବ୍ୟକ୍ତିଙ୍କୁ ଛାଡିବାକୁ ଯାଉଛନ୍ତି ତେବେ ଆପଣଙ୍କୁ ପ୍ଲାର୍ଟଫର୍ମ ଟିକେଟ ଦିଆଯିବ ।