କଣ୍ଢେଇ ଆଖିରେ ଲୁହ ! ସାମ୍ନାକୁ ଆସିଲା ପେରୁରେ ଥିବା ଏକ ପରିବାରର ଲୋମଟାଙ୍କୁରା କାହାଣୀ
ପେରୁର ଏଲ କାଲାଓ ନାମକ ଅଂଚଳରେ ବାସ କରୁଥିବା ନୁନେଜ ନାମକ ପରିବାର ଦୀର୍ଘଦିନ ହେଲା ଏକ ଭୟାନକ ଶକ୍ତିର ଶିକାର ହୋଇଛନ୍ତି । ପରିବାର ଲୋକମାନେ ବିଳମ୍ବିତ ରାତିରେ ଏକ ଅଜବ ଧରଣର ଶଦ୍ଦ ଓ ଆଲୋକ ଦେଖିବାକୁ ପାଉଛନ୍ତି ବୋଲି ଦାବି କରିଛନ୍ତିା ଖାଲି ସେତିକି ନୁହେଁ ବିନା କୌଣସି କାରଣ ନଥାଇ ଘରର ପିଲାମାନଙ୍କ ଶରୀରରେ ଆକସ୍ମିକ ଧରଣର କ୍ଷତ ଚିହ୍ନମାନ ଦେଖିବାକୁ ମିଳୁଛି ବୋଲି ସେମାନେ ଦାବି କରିଛନ୍ତି । ତେବେ ଏହା ପଛର କାରଣ ସଂପର୍କରେ ଜାଣିଲେ ଆପଣଙ୍କୁ ମଧ୍ୟ ବିଶ୍ୱାସ ହେବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପରିବାର ଲୋକଙ୍କ କହିବା କଥା ହେଲା, ପ୍ରତିଦିନ ବିଳମ୍ବିତ ରାତିରେ ତାଙ୍କ ଘର ଭିତରୁ କୌଣସି ମହିଳାଙ୍କର ଚିତ୍କାର ତଥା କାନ୍ଦିବାର ଶଦ୍ଦ ସେମାନେ ଶୁଣିବାକୁ ପାଉଛନ୍ତି । ଏଥିସହ କେହି ଜଣେ ତାଙ୍କ କବାଟ ବାଡେଇବାର ଶଦ୍ଦ ମଧ୍ୟ ସେ ଅନୁଭବ କରୁଛନ୍ତି । ଖାଲି ସେତିକି ନୁହେଁ ଘରର ଏକ ନିର୍ଦ୍ଦିଷ୍ଟ କୋଣରେ ଏକ ଛାୟା ମଧ୍ୟ ଦେଖିବାକୁ ପାଉଛନ୍ତି ବୋଲି ଦାବି କରିଛନ୍ତି ନୁନେଜ ପରିବାର ।
ତେବେ ପରିବାର ଏକମାତ୍ର ଝିଅ ଆଞ୍ଜି କୁହନ୍ତି କି, ଏହି ଘଟଣାଟି ଆରମ୍ଭ ହୋଇଥିଲା ଯେଉଁଦିନ ତାଙ୍କ ମାଆ ତାଙ୍କ ପାଇଁ ବଜାରରୁ ଏକ କଣ୍ଢେଇ ଆଣି ଦେଇଥିଲେ । ଆଉ ଯେବେଠାରୁ ଏହି କଣ୍ଢେଇଟି ତାଙ୍କ ଘରକୁ ଆସିଛି ସେହିଦିନଠାରୁ ହିଁ ଘରେ ଏଭଳି ପରିସ୍ଥିତି ସୃଷ୍ଟି ହୋଇଛି । ସେମାନେ ଦାବି କରିଛନ୍ତି ସେହି କଣ୍ଢେଇଟି ମଧ୍ୟରେ ଏକ ନକରାତ୍ମକ ଶକ୍ତିର ବାସ ରହିଛି ।
କଣ୍ଢେଇଟିକୁ ସେମାନେ ରାତିରେ ଗୋଟିଏ ନିର୍ଦ୍ଦିଷ୍ଟ ସ୍ଥାନରେ ରଖିଥିବାବେଳେ ପରଦିନ ସକାଳେ ତାକୁ ଅନ୍ୟ ସ୍ଥାନରେ ବସିଥିବାର ଦେଖିବାକୁ ପାଆନ୍ତି ବୋଲି ନୁନେଜ ପରିବାରଲୋକେ ଦାବି କରିଛନ୍ତି । ଏଥିପାଇଁ ସେମାନେ ଜଣେ ତାନ୍ତ୍ରିକଙ୍କୁ ଡାକି ଥିଲେ ଏବଂ ତାନ୍ତ୍ରିକ ଜଣଙ୍କ ତାଙ୍କ ଘର ବୁଲି ଦେଖିବା ପରେ ସ୍ପଷ୍ଟ କରିଥିଲେ କି, ତାଙ୍କ ଘରେ ଜଣେ ଅତୃପ୍ତ ଆତ୍ମାର ପ୍ରେତ ବାସ କରୁଛି । ଯାହା କିଛି ବର୍ଷ ପୂର୍ବେ ଆତ୍ମହତ୍ୟା କରି ମୃତ୍ୟୁବରଣ କରିଥିଲା । ତେବେ ବର୍ତ୍ତମାନ ତାନ୍ତ୍ରିକ ଜଣଙ୍କ ଘରର ସୁଦ୍ଧି କରିଛନ୍ତି ।