ବିଜ୍ଞାନ ଯୁଗରେ ଆଧ୍ୟାତ୍ମିକ ଚେତନା ! ଢେଙ୍କାନାଳରେ ଥିବା ଏକ ମନ୍ଦିରରେ ଗରୁଡ ପକ୍ଷୀ ଦେଖା ଯିବାପରେ ଶ୍ରଦ୍ଧାଳୁଙ୍କ ଭିଡ
କନକ ବ୍ୟୁରୋ: ଆଜିର ବୈଜ୍ଞାନିକ ଯୁଗରେ ବି ସତ୍ତା ହରାଇନି ଆଧ୍ୟାତ୍ମିକ ଚେତନା । ଢେଙ୍କାନାଳ ଜିଲ୍ଲା ଓସ୍ତପାଳ ଗାଁରେ ଭଗବାନ ବିଷ୍ଣୁଙ୍କ ବାହନ ଗରୁଡ ପକ୍ଷୀ ଦେଖା ଦେବା ନେଇ ଚାଲିଛି ଚର୍ଚ୍ଚା । ଗାଁର ମଦନମୋହନ ମନ୍ଦିରରେ ଆଶ୍ରୟ ନେଇଛି ବିଲୁପ୍ତପ୍ରାୟ ଗରୁଡ ପକ୍ଷୀ । ଆଉ ବିଷ୍ଣୁଙ୍କ ମନ୍ଦିରରେ ତାଙ୍କ ବାହନ ଗରୁଡ ପକ୍ଷୀ ପହଂଚିଥିବା ମନେ କରି ଭକ୍ତିର ସହ ପୂଜାର୍ଚ୍ଚନା କରୁଛନ୍ତି ଗ୍ରାମବାସୀ ।
Kanak News is now on WhatsApp
Join and get latest news updates delivered to you via WhatsApp
ମାଘ ସପ୍ତମୀ ତିଥିରେ ନୂତନ ବିଗ୍ରହ ସ୍ଥାପନ ହେବା ପରଦିନ ସକାଳୁ ହିଁ ପକ୍ଷୀଟି ମନ୍ଦିର ପ୍ରାଙ୍ଗଣରେ ପହଂଚିଥିଲା । ଠାକୁରଙ୍କ ସମୁଖରେ ଥିବା ଗରୁଡ ବିଗ୍ରହ ନିକଟରେ ଏହି ପକ୍ଷୀଟି ମଦନମୋହନଙ୍କୁ ଦର୍ଶନ କରୁଥିବା କହିଛନ୍ତି ଗାଁ ଲୋକେ । ମନ୍ଦିର ପୂଜକ ଓ ଗାଁ ଲୋକେ ହରିବୋଲ-ହୁଳହୁଳି ଦେଇ ଗରୁଡ ପକ୍ଷୀକୁ ଆଳତୀ କରିବା ସହ ଭୋଗ ମଧ୍ୟ ଲଗାଉଛନ୍ତି । ଆଉ ଏପରି ଘଟଣା ଦେଖିବାକୁ ପ୍ରତିଦିନ ଶହ ଶହ ସଂଖ୍ୟାରେ ଶ୍ରଦ୍ଧାଳୁଙ୍କ ଭିଡ ଜମିବା ସହ ସ୍ଥାନୀୟ ଅଂଚଳରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି ।
ଏହା ସହ ଦେଖନ୍ତୁ ଏହି ଭିଡିଓ-