ଜିଏସଟି ଲାଗୁ ହେବା ପୂର୍ବରୁ ବଦଳାଇ ଦିଅନ୍ତୁ ଆପଣଙ୍କ ଏହି ଅଭ୍ୟାସ୍ ! ନଚେତ୍ ହୋଇପାରେ ୫ ବର୍ଷ ପାଇଁ ଜେଲ୍
ଜିଏସଟି ଲାଗୁ ହେବା ପରେ କେବଳ ଦେଶର ଟ୍ୟାକ୍ସର ଢାଂଚାରେ ବଡ ଧରଣର ପରିବର୍ତ୍ତନ ଦେଖାଯିବ ତାହାନୁହେଁ ବରଂ ବିଭିନ୍ନ ବ୍ୟବସାୟର ଢାଂଚାରେ ମଧ୍ୟ ବଡ ପରିବର୍ତ୍ତନ ଆସିପାରେ । ଏଭଳି ପରିସ୍ଥିତିରେ ଯଦି ଆପଣ ଜଣେ ବ୍ୟବସାୟୀ ଅଟନ୍ତି । ତେବେ ଏହି ରିପୋର୍ଟକୁ ପଢିବା ପରେ ଆପଣ ହୁଏତ ଆପଣଙ୍କର କିଛି ଖରାପ ଅଭ୍ୟାସକୁ ବଦଳାଇ ଦେଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ଜିଏସଟି ଲାଗୁ ହେବା ପରେ ପ୍ରାୟତଃ ଅନେକ ସାମଗ୍ରୀ ଅନଲାଇନରେ ଜରିଆରେ ମିଳିପାରେ ଯାହାଦ୍ୱାରା କିଛି ଲୋକଙ୍କୁ କ୍ଷତି ସହିବାକୁ ପଡିପାରେ । ତେବେ ଏମାନଙ୍କ ମଧ୍ୟରୁ ସବୁଠାରୁ ଶୀର୍ଷରେ ରହିଛି ସଠିକ୍ ସମୟରେ ଟ୍ୟାକ୍ସ ନ ଭରିବା କିମ୍ବା ଅଧା ରିଟର୍ନ ଭରିବା । ଯଦି ଆପଣ ଏପରି କରୁଛନ୍ତି ତେବେ ଜିଏସଟି ନିୟମ ମୁତାବକ, ଆପଣଙ୍କୁ ୧୦ ହଜାର ଟଙ୍କା ପର୍ଯ୍ୟନ୍ତ ପେନାଲ୍ଟି ଦେବାକୁ ପଡିପାରେ । ଯଦି ଆପଣ ଅଧା ରିଟର୍ନ ଭରୁଛନ୍ତି ତେବେ ମଧ୍ୟ ଆପଣଙ୍କୁ ଏହାର ପେନାଲ୍ଟି ଭରିବାକୁ ପଡିବ ।
ଏହାବ୍ୟତୀତ ଜିଏସଟିରେ ଟିକସ ଚୋରି ବା ଫାଙ୍କିବା ବିରୋଧରେ ମଧ୍ୟ ୫ ବର୍ଷ ପର୍ଯ୍ୟନ୍ତ ଜେଲ୍ ଦଣ୍ଡାଦେଶ ହୋଇପାରେ । ଯଦି ଆପଣ ୨.୫ କୋଟି କିମ୍ବା ତାଠାରୁ ଅଧିକ ଟିକସ ଫୋଙ୍କି ଦେଉଛନ୍ତି ତେବେ ଆପଣଙ୍କୁ ଜେଲ୍ ହେବା ସହ ଜରିମାନା ମଧ୍ୟ ଦେବାକୁ ପଡିପାରେ । ଯଦିଓ ଜେଲ୍ ଦଣ୍ଡ ମକଦ୍ଦମା ଚାଲିବା ପରେ ହୋଇପାରେ ।
ଜିଏସଟି ନିୟମ ମୁତାବକ, ଆପଣଙ୍କୁ ପ୍ରତି ମାସ ରିଟର୍ନ ଟ୍ୟାକ୍ସ ଭରିବାକୁ ପଡିବ ଏବଂ ତାହା ପୁଣି ଏକ ନିର୍ଦ୍ଧାରିତ ତାରିଖରେ । ଏଥିସହିତ ଆପଣ ଗ୍ରାହକଙ୍କଠାରୁ ଯେଉଁ ଜିଏସଟି କଲେକ୍ଟ କରିଥିବେ ତାକୁ ମଧ୍ୟ ଠିକ୍ ସମୟରେ ସରକାରଙ୍କୁ ଦେବାକୁ ପଡିବ । ତେବେ ଏହି ମାମଲାରେ କୌଣସି ପ୍ରକାରର ବାହାନା ଚାଲିବ ନାହିଁ । କାରଣ, ଜିଏସଟି ଆଇନ୍ ଅନୁଯାୟୀ ଏକ ଅପରାଧ ଅଟେ । ଏଥିପାଇଁ ଆପଣଙ୍କ ନିକଟକୁ ଟିକସ ଅଧିକାରୀ ନୋଟିସ୍ ମଧ୍ୟ ପଠାଇ ପାରନ୍ତି ।
ପ୍ରତିଟି ଜିନିଷର କ୍ରିୟ ଓ ବିକ୍ରୟର ରେକର୍ଡ ରଖିବା ଜରୁରୀ ଅଟେ । ଯଦି ହିସାବ କିତାବ ରଖିବାର ଅଭ୍ୟାସ ନାହିଁ ତେବେ ଏବେଠାରୁ ଏହାକୁ ଜାରି କରିଦିଅନ୍ତୁ । କାରଣ, ଏହାଦ୍ୱାରା ଆପଣଙ୍କ ରିଟର୍ନ ଅଧାରେ ରହିଯିବ । ସବୁକିଛି ଅନଲାଇନ୍ ଏବଂ ରେକର୍ଡରେ ରହିବା ଦ୍ୱାରା ଟିକସ ଚୋରି ବା ଫାଙ୍କିବା ଅଭିଯୋଗରେ ଆପଣ କୌଣସି ବି ସମୟରେ ବନ୍ଧା ହୋଇପାରନ୍ତି ।
ଖାଲି ସେତିକି ନୁହେଁ ଯଦି ଆପଣ ୨୫ରୁ ୫୦ ଲକ୍ଷ ପର୍ଯ୍ୟନ୍ତ ଟିକସ୍ ଚୋରି ବା ଫାଙ୍କି ଦେଉଛନ୍ତି ତେବେ ଆପଣଙ୍କୁ ୧ ବର୍ଷ ପାଇଁ ଜେଲ୍ ଦଣ୍ଡ ମିଳିବା ସହ ଜରିମାନା ମଧ୍ୟ ଦେବାକୁ ପଡିପାରେ । ସେହିପରି ୫୦ରୁ ୨.୫ କୋଟି ଟିକସ ଫାଙ୍କିବା ବିରୋଧ ତିନି ବର୍ଷ ଜେଲ୍ ଦଣ୍ଡାଦେଶ ମିଳିବା ସହିତ ଜରିମାନା ମଧ୍ୟ ଦେବାକୁ ପଡିପାରେ ।
ସୌଜନ୍ୟ: ଆଜତକ୍