ଚିକିତ୍ସା ଆଳରେ ରୋଗୀଙ୍କୁ ଶୋଷଣ କରୁଛି କି ଡାକ୍ତରଖାନା ? ଏଠାରେ କରନ୍ତୁ ମାତ୍ର ଗୋଟିଏ ଅଭିଯୋଗ, ତୁରନ୍ତ ମିଳିବ କ୍ଷତିପୂରଣ;ରଦ୍ଦ ହୋଇପାରେ ଲାଇସେନ୍ସ
ଜରୁରୀ କାଳୀନ ପରିସ୍ଥିତିରେ କୌଣସି ବି ମେଡିକାଲ ରୋଗୀକୁ ଚିକିତ୍ସା ଦେବାକୁ ମନା କରିପାରିବେ ନାହିଁ । ତେବେ ସେ ମେଡିକାଲ ଘରୋଇ ହୋଇଥାଉ ନା କାହିଁକି । ସେହିପରି ପ୍ରାଥମିକ ଚିକିତ୍ସା ପରେ ରୋଗୀ ନିଜ ଇଚ୍ଛାରେ ମେଡିକାଲରେ ଯାଇ ପାରିବେ । ଜରୁରୀକାଳୀନ ମାମଲାରେ ପ୍ରାଥମିକ ଚିକିତ୍ସାର ଟଙ୍କା ରୋଗୀଙ୍କଠାରୁ ଜବରଦସ୍ତ ଆଦାୟ କରିପାରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ମେଡିକାଲ କାଉଂସିଲ ଅଫ ଇଣ୍ଡିଆର ପୂର୍ବ ଭାଇସ୍ ପ୍ରେସିଡେଂଟଙ୍କ କହିବା ଅନୁସାରେ, କୌଣସି ବି ରୋଗୀଙ୍କୁ ତାଙ୍କୁ ଦିଆଯାଇଥିବା ଚିକିତ୍ସା ଉପରେ ସନ୍ଦେହ ଆସେ ତେବେ ସେ ଏନେଇ ଡାକ୍ତରଙ୍କ ସହ ସମସ୍ତ ପଚାରି ବୁଝି ପାରିବେ । ଶସ୍ତା ଚିକିତ୍ସା ସଂପର୍କରେ ଜାଣିବାର ଅଧିକାର ବି ରହିଛି । ଯଦି ରୋଗୀଙ୍କୁ ଟ୍ରିଟମେଂଟ ମହଙ୍ଗା ପଡୁଛି , ଯାହାକୁ ସେ ଦେବାରେ ଅସମର୍ଥ ଅଟନ୍ତି । ତେବେ ତାଙ୍କୁ ଅଲଟରନେଟିଭ ଟ୍ରିଟମେଂଟ୍ ସଂପର୍କରେ ଜାଣିବାର ପୂରା ହକ୍ ରହିଛି । ମେଡିକାଲରେ ଶୁଳ୍କ ଦେବା କ୍ଷଣି ହିଁ ରୋଗୀ କନଜ୍ୟୁମର ଶ୍ରେଣୀରେ ଆସିଯାଇଥାନ୍ତି ।
କନଜ୍ୟୁମର କୋର୍ଟରେ କରିପାରିବେ ଅପିଲ୍
ଏହାପରେ ଯଦି ମେଡିକାଲରେ କୌଣସି ପ୍ରକାରର ଗଡବଡି ହୁଏ ତେବେ ମେଡିକାଲ କାଉଂସିଲ ସହିତ ହିଁ କନଜ୍ୟୁମର କୋର୍ଟରେ ବି ଅପିଲ କରିପାରିବେ । କନଜ୍ୟୁମର କୋର୍ଟର ନ୍ୟାସନାଲ କମିଶନରେ ୧ କୋଟି କିମ୍ବା ଏହାଠାରୁ ଅଧିକ ପର୍ଯ୍ୟନ୍ତ କମ୍ପନସେସନ ପାଇଁ ରୋଗୀ କ୍ଲେମ କରିପାରିବେ । ଯଦି କୋର୍ଟ କ୍ଲେମକୁ ସଠିକ୍ ପାଏ ତେବେ ମେଡିକାଲକୁ ଏତିକି ରାଶି ରୋଗୀକୁ ଦେବାକୁ ପଡିବ ।
କେଉଁଠି କରିବେ ଅଭିଯୋଗ
ଯଦି ରୋଗୀର ଟ୍ରିଟମେଂଟ, ଯାଂଚ କିମ୍ବା ଔଷଧକୁ ନେଇ କୌଣସି ବି ଅଭିଯୋଗ ରହିଛି, ତେବେ ସେ ସର୍ବପ୍ରଥମେ ସମ୍ବନ୍ଧିତ ଡାକ୍ତର ଏବଂ ମେଡିକାଲ ଆଡମିନିଷ୍ଟ୍ରେସନରେ ଏହାର ଅଭିଯୋଗ କରିପାରିବେ । ଏହାଛଡା ମେଡିକାଲର ଅଭିଯୋଗ କେନ୍ଦ୍ରରେ ବି ନିଜ ମତ ରଖିପାରିବେ । ସେହିପରି ଯଦି ଡ୍ରଗ୍ସକୁ ନେଇ କୌଣସି ଅଭିଯୋଗ ରହିଛି, ତେବେ ଫୁଡ ଆଣ୍ଡ ଡ୍ରଗ୍ସ ଆଡିମିନିଷ୍ଟ୍ରେସନରେ ଏହାର ଅଭିଯୋଗ କରିପାରିବେ । ଏଠାରେ ବି ସମସ୍ୟାର ସମାଧାନ ହୋଇନପାରୁଛି ତେବେ ମେଡିକାଲ କାଉଂସିଲରେ ଅଭିଯୋଗ କରିପାରିବେ । କାଉଂସିଲ ରୋଗୀକୁ କମ୍ପନସେସନ କିମ୍ବା ଡାକ୍ତରଙ୍କୁ ଦଣ୍ଡ ତ ଦେଇପାରିବେନି ହେଲେ ସମ୍ବନ୍ଧିତ ଡାକ୍ତରଙ୍କର ରେଜିଷ୍ଟ୍ରେସନ ନିଶ୍ଚୟ ରଦ୍ଦ କରିପାରିବେ । କାଉଂସିଲର ରେଜିଷ୍ଟରକୁ ନିର୍ଧାରିତ ଫର୍ମାର୍ଟରେ ଅଭିଯୋଗ ହସ୍ତାନ୍ତର କରିବାକୁ ପଡିଥାଏ ।
ଏହାଛଡା କନଜ୍ୟୁମର କୋର୍ଟ ବି ଅଭିଯୋଗ କରିପାରିବେ । ଏଥିରେ ସାଧା କାଗଜରେ ସମସ୍ତ ଅଭିଯୋଗ ସହିତ ହିଁ କମ୍ପନସେସନର ଦାବି କରିପାରିବେ । ଡିଷ୍ଟ୍ରିକ୍ଟ କନଜ୍ୟୁମର କୋର୍ଟ ୨୦ ଲକ୍ଷ ପର୍ଯ୍ୟନ୍ତ , ଷ୍ଟେଟ କନଜ୍ୟୁମର କୋର୍ଟ ୧ କୋଟି ପର୍ଯ୍ୟନ୍ତ ଏବଂ ନ୍ୟାସନାଲ କମିଶନ ୧କୋଟିରୁ ଅଧିକ ପର୍ଯ୍ୟନ୍ତର ଅନୁକମ୍ପାମୂଳକ ରାଶି ତଥା କ୍ଷତିପୂରଣ ବାବଦକୁ ଦେବାକୁ ଡାକ୍ତରଖାନାକୁ ନିର୍ଦ୍ଦେଶ ଦେଇପାରନ୍ତି ।