ଆସୁଛି ବାବା ରାମଦେବଙ୍କ ୫ଜି ସ୍ମାର୍ଟଫୋନ: ଦାମ୍ ମାତ୍ର ୨୫୦୦ଟଙ୍କା ଏବଂ ଫିଚର୍ସ ଆଇଫୋନଠାରୁ ବି ବଢିଆ
ସାବୁନ, ତେଲ, ପାଉଡର ଏବଂ ସିମ୍ ପରେ ଏବେ ବାବା ରାମଦେବ ଲଂଚ କରିବାକୁ ଯାଉଛନ୍ତି ସ୍ମାର୍ଟଫୋନ । ମିଳିଥିବା ସୂଚନା ଅନୁସାରେ, ବାବା ରାମଦେବ ଓ ତାଙ୍କ ପତଂଜଳୀ କଂପାନୀ ଏବେ ଭାରତରେ ସ୍ୱଦେଶୀ ଭାରତୀୟ ୫ଜି ସ୍ମାର୍ଟଫୋନ ଲଂଚ କରିବାକୁ ଯୋଜନା ଚଳାଇଛନ୍ତି । ପୂର୍ବରୁ ବାବା ରାମଦେବ ବିଏସଏନଏଲ ସହିତ ମିଶି ପତଂଜଳୀ ସିମକାର୍ଡ ମଧ୍ୟ ଲଂଚ କରିସାରିଛନ୍ତି, ଯଦିଓ ଏହି ସିମକାର୍ଡ କେବଳ ପତଂଜଳୀ କଂପାନୀର କର୍ମଚାରୀଙ୍କ ପାଇଁ ଉଦ୍ଦିଷ୍ଟ । ତେବେ ଆସନ୍ତୁ ଜାଣିବା ଲଂଚ ହେବାକୁ ଯାଉଥିବା ପତଂଜଳୀର ଏହି ନୂଆ ସ୍ମାର୍ଟଫୋନରେ କଣ ରହିଛି ବିଶେଷ ଆକର୍ଷଣ…
Kanak News is now on WhatsApp
Join and get latest news updates delivered to you via WhatsApp
• ସୂଚନା ମୁତାବକ, ପତଂଜଳୀର ଏହି ସ୍ମାର୍ଟଫୋନର ନାଁ ରଖାଯିବ P1s । ଯାହାର ଦାମ୍ ୨୫୦୦ଟଙ୍କାରୁ ଆରମ୍ଭ ହୋଇପାରେ ।
• ଏହି ଫୋନରେ ୧୩ ମେଗାପିକ୍ସେଲର ରିୟର କ୍ୟାମେରା ସହିତ ୮ ମେଗାପିକ୍ସଲର ଫ୍ରଂଟ କ୍ୟାମେରା ରଖାଯାଇଥିବା ମିଳିଥିବା ସୂଚନାରୁ ଯାହା ଜଣାପଡିଛି ।
• ସେହିପରି ଏହି ଫୋନରେ ୨ଜିବିର ରାମ ଏବଂ ୧୬ ଜିବିର ଇଂଟରନାଲ ଷ୍ଟୋରେଜ ବି ରଖାଯାଇଛି ।
• ଏଥିସହିତ ହିଁ ଏହି ଫୋନରେ ଉଭୟ ୪ଜି ଏବଂ ୫ଜି ସପୋର୍ଟ କରିବ ଏବଂ ପାୱାର ପାଇଁ ଏହି ଫୋନରେ ୩,୫୦୦ଏମଏଏଚର ବ୍ୟାଟେରୀ ଦିଆଯାଇଛି ।
• ଏହି ଫୋନ ୫ଟି ରୂପରେ ବଜାରରେ ଉପଲବ୍ଧ ହେବ । ତେବେ ଏହି ଫୋନଟି ଦୀପାବଳୀ ଅବସରରେ ଲଂଚ ହେବା ନେଇ ଆଶା କରାଯାଉଛି ।
ପତଂଜଳୀ ସିମକାର୍ଡ
ନିକଟରେ ଲଂଚ ହୋଇଛି ପତଞ୍ଜଳୀ ସିମ । ଯାହାର ନାଁ ସ୍ୱଦେଶୀ ସମୃଦ୍ଧି ସିମ କାର୍ଡ଼ ରଖାଯାଇଛି । ଯାହାକୁ ପତଞ୍ଜଳି କମ୍ପାନି ଓ ବିଏସଏନଏଲ କମ୍ପାନି ମିଳିତ ଭାବେ ବଜାରକୁ ପ୍ରବେଶ କରାଇଛନ୍ତି । ଭାରତୀୟ ବଜାରରେ ଏକ ବୈପ୍ଲବିକ ପରିବର୍ତ୍ତନ ଆଣିଥିବା ବାବା ରାମଦେବଙ୍କ ଏହି ସ୍ୱଦେଶୀ ସିମର ଅନେକ ଗୁଡ଼ିଏ ଫିଚର ରହିଛି । ତେବେ ଏହି ସିମ କେବଳ ପତଞ୍ଜଳି କମ୍ପାନିର କର୍ମଚାରୀଙ୍କ ପାଇଁ ଉପଲବ୍ଧ ।
ରାମଦେବଙ୍କ ଏହି ସ୍ୱଦେଶୀ ସମୃଦ୍ଧି ସିମରେ ୧୪୪ ଟଙ୍କା ରିଚାର୍ଜ କରିବା ଦ୍ୱାରା ୟୁଜର୍ସଙ୍କୁ ୨ ଜିବି ଡାଟା ସହ ଅନଲିମିଟେଡ଼ କଲିଙ୍ଗର ସୁବିଧା ମିଳିବ । ଏବଂ ୧୦୦ ଏସଏମଏସର ଫାଇଦା ମଧ୍ୟ ଉଠାଇ ପାରିବେ ୟୁଜର୍ସ । ଏହାଛଡ଼ା ଏହି ସିମ ଜରିଆରେ ପତଞ୍ଜଳି କମ୍ପାନିର ସାମଗ୍ରୀ ଉପରେ ୧୦ ପ୍ରତିଶତ ରିହାତି ମଧ୍ୟ ମିଳିବ । ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା, ଏହି ସିମ ବ୍ୟବହାର କରୁଥିବା ୟୁଜର୍ସଙ୍କୁ ୨.୫ ଲକ୍ଷ ଟଙ୍କା ପର୍ୟ୍ୟନ୍ତ ମେଡ଼ିକାଲ ଇନସ୍ୟୁରାନ୍ସ ଓ ୫ ଲକ୍ଷ ଟଙ୍କା ପର୍ୟ୍ୟନ୍ତ ଜୀବନ ବୀମା ମଧ୍ୟ ଦିଆଯିବ ।