ଯୋଗଗୁରୁ ବାବା ରାମଦେବଙ୍କ କଂପାନୀ ପତଂଜଳି ସାରା ଦେଶରେ ଯୁବାଙ୍କ ପାଇଁ ୫୦ ହଜାର ଚାକିରି ଯୋଗାଇ ଦେବାକୁ ଯାଉଛି । ବିଭିନ୍ନ କ୍ଷେତ୍ରରେ ନିଜ ବ୍ୟବସାୟକୁ ବଢାଇବା ପାଇଁ ପତଂଜଳି ଦେଶର ସମସ୍ତ ଜିଲ୍ଲାରେ ସେଲ୍ସମ୍ୟାନଙ୍କୁ ହାୟର କରିବାକୁ ଯାଉଛି ।

ସୂଚନା ମୁତାବକ, ପତଂଜଳିକୁ ସାରା ଦେଶରେ ୫୦ ହଜାର ସେଲ୍ସମ୍ୟାନର ତୁରନ୍ତ ଆବଶ୍ୟକତା ରହିଛି । ଏହି ନିଯୁକ୍ତି ପଜଂଜଳିର ଫୁଡ ତଥା ଅଟା, ଚାଉଳ, ତେଲ, ,ବିସ୍କୁଟ, ପର୍ସନାଲ କେୟାର, ହୋମ କେୟାର ଏବଂ ପୂଜା ସାମଗ୍ରୀ ଇତ୍ୟାଦି କ୍ଷେତ୍ରରେ ସାରା ଦେଶର ଜିଲ୍ଲା ମୁଖ୍ୟାଳୟଗୁଡିକରେ ନିଯୁକ୍ତ କରାଯିବ । ତେବେ ଏହି ସୂଚନା ବାବାଙ୍କ କଂପାନୀ ତରଳରୁ ଟୁଇଟ୍ ଯୋଗେ ଦିଆଯଆଇଛି ।

ଯୋଗ୍ୟତା

ଆବେଦକଙ୍କ ଶିକ୍ଷାଗତ ଯୋଗ୍ୟତା ଦ୍ୱାଦଶ ଶ୍ରେଣୀ ପାସ୍ ହୋଇଥିବା ଦରକାର । ଏଥିସହିତ ହିଁ ବିଏ/ ଏମଏ/ଏମବିଏ ପାସ୍ କରିଥିବା ବ୍ୟକ୍ତି ମଧ୍ୟ ଏଥିପାଇଁ ଆବେଦନ କରିପାରିବେ । ସେହିପରି ଆବେଦକଙ୍କୁ କୌଣସି ଏଫଏମସିଜି କଂପାନୀରେ ଅତି କମରେ ୧ରୁ ୨ ବର୍ଷର ଅଭିଜ୍ଞତା ଥିବା ନିହାତି ଜରୁରୀ ।

ପଦବୀ ସଂଖ୍ୟା

ପତଂଜଳି ଦେଶର ପ୍ରତ୍ୟେକ ଜିଲ୍ଲାରେ ୪୦ରୁ ୫୦ ସେଲ୍ସମ୍ୟାନ ନିଯୁକ୍ତ କରାଯିବ ।

ଦରମା

ଅତି କମରେ ୮ହଜାର ଏବଂ ସର୍ବାଧିକ ୧୫ ହଜାର ଟଙ୍କା ମାସିକ ଦରମା ମିଳିବ ।

ଆବେଦନ କରିବାର ଶେଷ ତାରିଖ

ଇଚ୍ଛୁକ ଆଶାୟୀପ୍ରାର୍ଥୀ ପାଇଁ ୨୩ରୁ ୨୭ ଜୁନ ସୁଦ୍ଧା ପ୍ରଶିକ୍ଷଣ ଶିବିରର ଆୟୋଜନ କରାଯିବ । ଏଥିପାଇଁ ଇଚ୍ଛୁକ ଆଶାୟୀପ୍ରାର୍ଥିଙ୍କୁ ସର୍ବପ୍ରଥମେ ପଂଜିକରଣ କରିବାକୁ ହେବ । ଚୟନ କରାଯାଇଥିବା ଇଚ୍ଛୁକ ପ୍ରାର୍ଥୀଙ୍କୁ ସେମାନଙ୍କର ଦରମା, ଚାକିରି କରିବାର ତରକା ସମେତ ଯୋଗର ପ୍ରଶିକ୍ଷଣ ଦିପ୍ରଦାନ କରାଯିବ । ଆବେଦନ ୨୨ ଜୁନ ସୁଦ୍ଧା କରିପାରିବେ ।

ଏଠାରେ ଆମେ କହି ରଖୁଛୁ କି, ଏଫଏମସିଜି ସେକ୍ଟରରେ ହଇଚଇ ସୃଷ୍ଟି କରିବା ପରେ ବାବା ରାମଦେବ ଏବେ ଅନ୍ୟ କ୍ଷେତ୍ରଗୁଡିକରେ ମଧ୍ୟ ନିଜର ଦବଦବା ଜାହିର କରିବାକୁ ଚାହୁଁଛନ୍ତି । ବ୍ୟବସାୟରେ ପତଂଜଳି ପରିଧାନ ଏବଂ ଟେକ୍ନୋଲଜି କ୍ଷେତ୍ରରେ ହ୍ୱାଟସଆପକୁ ଟକ୍କର ଦେବାପାଇଁ କିମ୍ଭୋ ଆପ ଲଂଚ କରିବାକୁ ମଧ୍ୟ ଯୋଜନା ଜାରି ରଖିଛନ୍ତି ।