ବର ଆପଣେଇଲେ ନୂଆ ତରିକା : ବାଇକ୍ ଚଢି ଆସିଲେ କନ୍ୟାଘରକୁ !
ଜୟପୁର: ଅନେକ ଦିନରୁ ବର-କନ୍ୟାଙ୍କ ଏଣ୍ଟ୍ରିର ନୂଆ ନୂଆ ତରିକା ଆପଣେଉଛନ୍ତି ଅନେକ । ଘୋଡା ଚଢି ବର ଶୋଭାଯାତ୍ରା କରି ଆସିବା ଏବଂ ଲାଜେଇ ଲାଜେଇ କନ୍ୟା ବର ବେକରେ ବରଣମାଳା ପିନ୍ଧାଇବା ଏବେ ପୁରୁଣା ଟ୍ରେଣ୍ଡ ପାଲଟିଗଲାଣି । ହେଲେ ବର ଯେମିତି ବି ପ୍ଲାନିଂ କରିଥାନ୍ତୁ କିନ୍ତୁ ଘୋଡା ଗାଡି ବ୍ୟତୀତ ଆଉ କୌଣସି ମାଧ୍ୟମ ନଥାଏ । କିନ୍ତୁ ଏହିଥର ଜୟପୁର ର ଅମିତ୍ ଶର୍ମା ଏକ ନୂଆ ଉପାୟରେ ବିବାହ କରିଛନ୍ତି । ବୁଲେଟ ଚଢି କନ୍ୟା ଘରେ ପହଁଚିଛନ୍ତି । ନବଭାରତରେ ପ୍ରକାଶିତ ଏଇ ଖବରକୁ ନେଇ ସହର ସାରା ଖୁବ୍ ଚର୍ଚ୍ଚା ।
Kanak News is now on WhatsApp
Join and get latest news updates delivered to you via WhatsApp
ସହରର ଏକ ପ୍ରମୁଖ କୋଠି ନିକଟ ଏକ ହୋଟେଲରେ ସୋମବାର ଦିନ ହୋଇଥିବା ବିବାହ ଉତ୍ସବରେ ବର ଅମିତ୍ ଶର୍ମା(୨୮) ବୁଲେଟରେ ବସି କନ୍ୟା ଶିମୋନା ମେହଟ୍ଟାଙ୍କୁ ନେବା ପାଇଁ ପହଁଚିଥିଲେ । ଆଉ ସେଠାରେ ଲୋକେ ବରର ଏପରି ଉପସ୍ଥିତ ହେବାକୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ପ୍ରକୃତରେ ଆଜମେର ରେ ଘୋଡାର ଗ୍ଲାଣ୍ଡର୍ସ ରୋଗ କାରଣରୁ ଏଥିରେ ବିବାହରେ ଘୋଡା ସବାରକୁ ବାରଣ କରାଯାଇଛି । ଏହିଯୋଗୁଁ ଅମିତ ଓ ତାଙ୍କ ଭଳି ଅନ୍ୟ ବର ଏବେ ବିବାହ ଶୋଭାଯାତ୍ରାରେ ନୂଆ ନୂଆ ଉପାୟ ଆପଣେଇଛନ୍ତି ।
ଅମିତ୍ ବିବାହରେ ବୁଲେଟ୍ ଚଢି ଆସିବାର ସମସ୍ତେ ଦେଖି , ତାଙ୍କ ବୁଲେଟର ଚାରିକଡେ ଛିଡା ହୋଇ ସେଲ୍ଫି ନେଇଥିଲେ । ଏହି ସମୟରେ କେହି ଜଣେ କହିିଲେ ଆମର ବର , କନ୍ୟାକୁ ବୁଲେଟରେ ନେଇକି ଯିବେ । ବିଲଡିଂ କନଷ୍ଟ୍ରକସନ ଫାର୍ମରେ କଂପାନୀ ସେକ୍ରେଟାରୀ ଅମିତ୍ କହିଛନ୍ତି , ତାଙ୍କୁ କଲେଜ ସମୟରୁ ବାଇକର ସଉକ ଥିଲା । ଯେତେବେଳେ ବିବାହରେ ଘୋଡା ବ୍ୟାନର ଖବର ମିଳିଲା , ମୁଁ ବାଇକ୍ କୁ ଏହାର ଏକ ମାଧ୍ୟମ ବାଛିଲି । ଆଉ ଏହି ବାଇକରେ ମୁଁ କନ୍ୟାକୁ ନେଇଳି ଘରକୁ ଯିବି ।