ହରିଆଣା : ହରିଆଣାର ସରକାରୀ ସ୍କୁଲରେ ଏବେ ନୂଆ ନିୟମ ପ୍ରଚଳନ କରିଛନ୍ତି ସରକାର । ସ୍କୁଲର ସବୁ ଶିକ୍ଷକ ନିଜର ଫଟୋ ଓ ଏମ୍ପଲାଇ ଆଇଡି ନମ୍ବର ସ୍କୁଲର ମୁଖ୍ୟଙ୍କ ଅଫିସ ବୋର୍ଡରେ ଡିସପ୍ଲେ କରିବେ । ଏହି ନିର୍ଦ୍ଦେଶ ମୁଖ୍ୟମନ୍ତ୍ରୀ ମନୋହରଲାଲ୍ ଦେଇଛନ୍ତି । ସୂଚନା ଯେ , ସରକାରଙ୍କର ଏହି ପଦକ୍ଷେପ ରାୟନ ଇଂଟରନେଶନାଲ ସ୍କୁଲରେ ଏକ କୋମଳମତି ଶିଶୁର ହତ୍ୟା ପରେ ପିଲାଙ୍କ ସୁରକ୍ଷା ପାଇଁ ଲାଗୁ ହୋଇଥିଲା ଗାଉଡଲାଇନ୍ସ ଏକ ଅଂଶ ଅଟେ ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀଙ୍କର ଏହି ଆଦେଶ ବିଷୟରେ ସ୍କୁଲ ଶିକ୍ଷା ବିଭାଗର ଏସିଏସ୍ ଡା. କେକେ ଖଣ୍ଡେଲୱାଲ କହିଛନ୍ତି ବିଭାଗର ଅଧିକାରୀମାନଙ୍କୁ କୁହାଯାଇଛି କି ସେମାନେ ସବୁ ସରକାରୀ ସ୍କୁଲଗୁଡିକରେ ପଢାଉଥିବା ଶିକ୍ଷକ ଓ ଶିକ୍ଷୟତ୍ରୀ ଓ ସେମାନଙ୍କର କର୍ମଚାରୀଙ୍କ ଆଇଡି ନମ୍ବର ସ୍କୁଲ ମୁଖ୍ୟଙ୍କ ଅଫିସ ବୋର୍ଡରେ ଡିସପ୍ଲେ କରିବେ । ଆଉ ଏଥିପାଇଁ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ । ସେ କହିଛନ୍ତି ଏହି ପଦକ୍ଷେପ ଦ୍ୱାରା ଛାତ୍ରଙ୍କ ଅଭିଭାବମାନେ ଓ ଶିକ୍ଷକଙ୍କ ମଧ୍ୟରେ ଭଲ ପରିଚୟ ରହିବ । ଖଣ୍ଡେଲୱାଲ କହିଛନ୍ତି , ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି କି ୮ ଅକ୍ଟୋବର ସୁଦ୍ଧା ଏ ନିର୍ଦ୍ଦେଶ କାର୍ଯ୍ୟକାରୀ ହେବ ।
ଏଖବର ପ୍ରକାଶିତ ହେବା ଅନେକ ଏହାକୁ ସ୍ୱାଗତ ଯୋଗ୍ୟ ପଦକ୍ଷେପ ବୋଲି କହିଛନ୍ତି । କାରଣ ସ୍କୁଲରେ ଯେ ପିଲାଙ୍କର ଜୀବନ ସୁରକ୍ଷିତ ନୁହେଁ , ଏହା ନିକଟରେ ଘଟିଥିବା ଘଟଣାରୁ ଜଣାପଡେ । ଅଭିଭାବକମାନେ ସ୍କୁଲରେ ନିଜର ପିଲାଙ୍କୁ ଛାଡିଦେଲେ ଟିକେ ଶାନ୍ତିରେ ନିଶ୍ୱାସ ମାରୁଥିଲେ । ସେ ସେଠାରେ ପାଠ ପଢି ଭବିଷ୍ୟତ ଗଢିବ । ଆଉ ଭଲ କଥା ସବୁ ଶିଖିବ । କିନ୍ତୁ ତା ବଦଳରେ ପିଲା ସ୍କୁଲରେ ଅତ୍ୟାଚାରର ଶିକାର ହେଉଛି । ଏହା ଏବେ ମୁଣ୍ଡ ବଥାର କାରଣ ସାଜିଛି । ଆଉ ଏଇଥି ପାଇଁ ହରିଆଣା ସରକାର ନିଜ ରାଜ୍ୟର ସ୍କୁଲରେ ଏପରି ପଦକ୍ଷେପ ଉଠେଇଛନ୍ତି ।
(ସୌଜନ୍ୟ- ନବଭାରତ ଟାଇମ୍ସ)