ଖରାପ କିମ୍ବା ହଜିଯାଇଛି କି ସିମକାର୍ଡ ? ତେବେ ମାତ୍ର କିଛି ଘଂଟା ଭିତରେ ପୁଣି ଥରେ ଚାଲୁ କରିପାରିବେ ଆପଣଙ୍କ ନମ୍ବର
ଯଦି କୌଣସି କାରଣରୁ ଆପଣଙ୍କର ସିମକାର୍ଡ ଖରାପ ହୋଇଯାଏ କିମ୍ବା କେଉଁଠି ହଜି ଯାଏ ତେବେ ଏଥିପାଇଁ ଆପଣ ଆଦୌ ଚିନ୍ତିତ ହୁଅନ୍ତୁ ନାହିଁ । ନୂଆ ସିମ କାର୍ଡ ନେଇ ତାକୁ ପୁଣି ଥରେ ଚାଲୁ କରିବାକୁ ଅଧାଘଂଟାରୁ ଆରମ୍ଭ କରି ୪ ଦିନ ପର୍ଯ୍ୟନ୍ତ ସମୟ ଲାଗିପାରେ । ସେହପରି ଅଧିକାଂଶ ୟୁଜର୍ସଙ୍କୁ ତ ଏଥିପାଇଁ ଅନେକ ସମସ୍ୟାର ସାମ୍ନା କରିବାକୁ ପଡିଥାଏ । ତେବେ ଲୋକଙ୍କ ଏହି ସମସ୍ୟାକୁ ଦୃଷ୍ଟିରେ ରଖି ଆଜି ଆମେ ଆପଣ କିଛି ସରଳ ଟିପ୍ସ ଜଣାଇବୁ ଯାହାଦ୍ୱାରା ଆପଣଙ୍କ ହଜି ଯାଇଥିବା ତଥା ଖରାପ ହୋଇଯାଇଥିବା ସିମକାର୍ଡକୁ ମାତ୍ର କେଇ ମୁହୂର୍ତ୍ତରେ ଚାଲୁ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ସିମ ରିପ୍ଲେସମେଂଟ ପ୍ରୋସେସ
ସିମକାର୍ଡ ହଜିଗଲେ କିମ୍ବା ଖରାପ ହୋଇଯିବା ସ୍ଥିତିରେ ୟୁଜର୍ସଙ୍କୁ ସର୍ବପ୍ରଥମେ ଅପରେଟର୍ସଙ୍କ ଅଥରାଇଜଡ ସେଂଟରକୁ ଯିବାକୁ ପଡିବ । ଏହାପରେ ନୂଆ ସିମ ନେବା ପାଇଁ କିଛି ଶୁଳ୍କ ମଧ୍ୟ ଦେବାକୁ ପଡିବ । କିଛି କଂପାନୀମାନେ ସିମ ରିପ୍ଲେସମେଂଟ ପାଇଁ ୨୫ ଟଙ୍କା ପର୍ଯ୍ୟନ୍ତ ଚାର୍ଜ କରିଥାନ୍ତି ତ ଆଉ କିଛି କଂପାନୀ ଟଙ୍କାଟିଏ ବି ନେଇ ନଥାନ୍ତି । ତେବେ ନୂଆ ସିମ ମିଳିଯିବା ପରେ ତାର ଭେରିଫିକେସନଠାରୁ ଆରମ୍ଭ କରି ଆକ୍ଟିଭେସନ ପର୍ଯ୍ୟନ୍ତ ବହୁତ ସମୟ ଲାଗିଥାଏ ।
ସିମକାର୍ଡ ପାଇଁ ବାଧ୍ୟତାମୂଳକ ନୁହେଁ ଆଧାରକାର୍ଡ
ମାନ୍ୟବର ସୁପ୍ରିମକୋର୍ଟଙ୍କ ନିର୍ଦ୍ଦେଶାନୁସାରେ, ମୋବାଇଲ ୟୁଜର୍ସ ନୂଆ ସିମ କିଣିଲେ କିମ୍ବା ସିମ ରିପ୍ଲେସମେଂଟ ପାଇଁ ଆଧାରକାର୍ଡ ଜରୁରୀ ନୁହେଁ । ହେଲେ ଯଦି ମୋବାଇଲ ନମ୍ବରରୁ ଆପଣଙ୍କର ଆଧାରକାର୍ଡ ଲିଙ୍କ ରହିଛି ତେବେ ସିମକାର୍ଡ ହଜିଗଲେ କିମ୍ବା ଖରାପ ହୋଇଗଲେ ଆପଣଙ୍କ ନୂଆ ସିମ ୪ଦିନ ମଧ୍ୟରେ ଆକ୍ଟିଭେଟ ହୋଇପାରେ ।
ବହୁତ ସହଜ ଆଧାର ବେସ୍ଡ ଭେରିଫିକେସନ
ଟେଲିକମ କଂପାନୀଙ୍କ ସୂଚନା ମୁତାବକ, ଆଧାର ବେସ୍ଡ ଅଥୋଟିକେସନ ବହୁତ ହିଁ ସହଜ ପ୍ରକ୍ରିୟା, ଯାହାଦ୍ୱାରା ଡିଜିଟାଲ ଭେରିଫିକେସନ ସହଜରେ ହୋଇପାରିବ । ଏଭଳି ପରିସ୍ଥ୍ିତିରେ ଟେଲିକମ କଂପାନୀମାନେ ୟୁଜର୍ସଙ୍କର ଆଧାର ଡିଟେଲ୍ସ ଭେରିଫାଇ କରିବା ପରେ ନୂଆ ସିମ ଚାଲୁ କରିଦିଅନ୍ତି । ସେହିପରି, ଯଦି ଆପଣଙ୍କର ମୋବାଇଲ ନମ୍ବର ଆଧାରକାର୍ଡ ସହ ଲିଙ୍କ ହୋଇନି ତେବେ ଆପଣଙ୍କୁ ମୋବାଇଲ ନମ୍ବର ନେବା ସମୟରେ ଦିଆଯାଇଥିବା ଡଳ୍ୟୁମେଂଟ୍ସର ହାର୍ଡକପି ଟେଲିକମ ଅପରେଟରର ଅଥୋରାଇଡ ଷ୍ଟୋରରେ ଜମା କରିବାକୁ ପଡିବ । ଏହାପରେ ଭେରିଫିକେସନ ପାଇଁ ୪ଘଂଟାରୁ ୪ ଦିନ ପର୍ଯ୍ୟନ୍ତ ସମୟ ଲାଗିପାରେ । ଯେଉଁ କାରଣରୁ ଆପଣଙ୍କର ନମ୍ବର ଚାଲୁ ହେବା ପାଇଁ ଅଧିକ ସମୟ ଲାଗିଥାଏ ।