କର୍କଟ ରୋଗରେ ଅଭିନେତା ! ଲୀଳାବତୀ ହସ୍ପିଟାଲରେ ମୀନକେତନ
ଓଲିଉଡ୍ ଅଭିନେତା ମୀନକେତନ । ଯିଏକି ଫିଲ୍ମରେ ନିଜର ଖଳନାୟକ ଚରିତ୍ର ପାଇଁ ଖୁବ୍ ଜଣାଶୁଣା । ଏବେ ଏହି ଲୋକପ୍ରିୟ କଳାକାର ମୁମ୍ବାଇର ଲୀଳାବତୀ ହସ୍ପିଟାଲରେ । ପାନିକ୍ରିଆଟ୍ରିକ୍ କର୍କଟ ରୋଗରେ ପୀଡିତ ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ଶରୀରରୁ ସୋଡିୟମ କ୍ଷରଣ ହୋଇଥିବା ବେଳେ ସେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ରିବାର ଲୋକେ ଭୁବନେଶ୍ୱରର ଏକ ଘରୋଇ ହସ୍ପିଟାଲ ନେଇ ଚିକିତ୍ସା କରାଇଥିଲେ । ସେଠାରେ ତାଙ୍କର ଅଲଟ୍ରାସାଉଣ୍ଡ୍ ଓ ଏଣ୍ଡୋସ୍କୋପି ହୋଇଥିଲେ ହେଁ ରୋଗ ଚିହ୍ନଟ ହୋଇପାରିନଥିଲା । ତେଣୁ ମୁମ୍ବାଇରେ ତାଙ୍କର ଚିକିତ୍ସା ଓ ପରୀକ୍ଷାରୁ ମୀନକେତନଙ୍କୁ ପାନିକ୍ରିଆଟ୍ରିକ୍ କର୍କଟ ହୋଇଥିବା ତାଙ୍କୁ ଚିକିତ୍ସା କରୁଥିବା ଡାକ୍ତର ସୁରେଶ ଆଡଭାନି କହିଥିଲେ । ସେ ସେ ଡ. ଆଡଭାନିଙ୍କ ତତ୍ତ୍ୱାବଧାନରେ ଚିକିତ୍ସିତ ହେଉଛନ୍ତି । ଏହି ରୋଗ ଶରୀରରେ ପ୍ରଥମ ପର୍ଯ୍ୟାୟରେ ଥିବାରୁ ଏହାକୁ ଭଲ କରାଯାଇପାରିବ ବୋଲି ଡାକ୍ତର ସୂଚନା ଦେଇଛନ୍ତି ।
ଓଡିଆ ଫିଲ୍ମ ‘ ବାଳୁଙ୍ଗା ଟୋକା’ , ‘ଜିଅନ୍ତା ଭୂତ’ ଓ ‘ମୋଷ୍ଟ ୱାଂଟେଡ’ ଭଳି ଫିଲ୍ମରେ ଦମଦାର ଅଭିନୟ ପାଇଁ ଖୁବ୍ ଜଣାଶୁଣା ମୀନକେତନ । ଓଡିଆ ଫିଲ୍ମରେ ହରପଟ୍ଟନାୟକଙ୍କ ପରେ ମୀନକେତନ ହିଁ ଜଣେ ଲୋକପ୍ରିୟ ଖଳନାୟକ ସାଜିଛନ୍ତି । ମୀନକେତନଙ୍କ ସୁସ୍ଥତା ପାଇଁ ଭଗବାନଙ୍କ ପାଖେ ପ୍ରାର୍ଥନା ଜଣାଇବାକୁ ପରିବାର ଲୋକେ ପ୍ରଶଂସକଙ୍କୁ ନିବେଦନ କରିଛନ୍ତି ।