ନର୍ସ ନୁହେଁ ସେ ରାକ୍ଷସ ! ଖୁସି ପାଇବାକୁ ବିଷ ଇଂଜେକ୍ସନ ଦେଇ ମାରିଛନ୍ତି ୧୦୦ ଜଣ ରୋଗୀଙ୍କୁ
ନୂଆ ଦିଲ୍ଲୀ : କେହି କେବେ ବିଶ୍ୱାସ କରୁନଥିବେ ଯେ , ଜଣେ ନର୍ସ ରୋଗୀଙ୍କୁ ବିଷ ଦେଇ ମାରି ଖୁସି ଅନୁଭବ କରନ୍ତି । ଯିଏ ଡାକ୍ତରଙ୍କ ପରେ ରୋଗୀର ସାହା ଭରସା ଥାନ୍ତି । ରୋଗୀ ବିଶ୍ୱାସର ସହ ନର୍ସଙ୍କୁ ଭରସା କରେ । ତାଙ୍କ କଥାରେ ଠିକ ସମୟରେ ଔଷଧ ଖାଇଥାଏ । ହେଲେ ଯଦି ସେହି ବିଶ୍ୱାସୀ ନର୍ସ ପାଲଟି ଯାଏ ରୋଗୀଙ୍କ ପାଇଁ ରାକ୍ଷସ ? ଏମିତି ଏକ ଘଟଣା ଜର୍ମାନୀରେ ଘଟିଛି । ଜଣେ ନର୍ସ ବିଷ ଇଂଜେକ୍ସନ ଦେଇ ୧୦୦ ଜଣ ରୋଗୀଙ୍କୁ ମାରିଛନ୍ତି । ଆଉ ଏହି ମାମଲାର ଯାଂଚ କାର୍ଯ୍ୟ ପୁରା ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
କୋର୍ଟରେ ଶୁଣାଣି ସମୟରେ ପୁରୁଷ ନର୍ସ ନିଲ୍ସ ହୋଜେଲ ମାନିଛନ୍ତି ଯେ ସେ ଜାଣିସୁଣି ୯୦ ଜଣ ରୋଗୀଙ୍କୁ ହାର୍ଟଆଟାକ୍ ସ୍ଥିତିରେ ପହଁଚାଇଥିଲେ । ସେମାନଙ୍କୁ ଏମିତି କରିବାରେ ଖୁସି ଆସୁଥିଲା ବୋଲି ସେ ନର୍ସ ଜଣକ କହିଛନ୍ତି । ଏହା ଶୁଣି ସମସ୍ତେ ଚକିତ ହୋଇଯାଇଛନ୍ତି । ଜଣେ ନର୍ସ ଯେ ଏମିତି କରିପାରେ କେହି କେବେ ବିଶ୍ୱାସ ବି କରିନଥିଲେ । ନର୍ସ ନିଲ୍ସ ପରେ କହିଛନ୍ତି ସେ ଡେଲମେନହାର୍ଷ୍ଟ ଛଡା ଓଲଡେନବର୍ଗର ଏକ ଡାକ୍ତରଖାନାରେ ମଧ୍ୟ ଏହି ପରି ଘଟଣା ଘଟେଇଛନ୍ତି । ଏହି ବ୍ୟକ୍ତି ଜଣକ ଓଲଡେନବର୍ଗରେ ୧୯୯୯ରୁ ୨୦୦୨ ତଥା ଡେଲମେନହାର୍ଷ୍ଟର ଡାକ୍ତରଖାନାରେ ୨୦୦୩ରୁ ୨୦୦୫ ଯାଏ କାମ କରିଥିଲେ । ନିଲ୍ସ ହୋଜେଲ ଏବେ ଦୁଇ ହତ୍ୟା ଅପରାଧରେ ଆଜୀବନ କାରାଦଣ୍ଡ କାଟୁଛନ୍ତି ।
ପୁଲିସ୍ ଯାଂଚ କରି କବର ସ୍ଥାନରୁ ୧୩୪ଟି ଶବ ବାହାର କରିଛନ୍ତି । ପୁଲିସଙ୍କର ଅନୁମାନ ରେ ଯଦି ଦୁଇ ଜଣ ଡାକ୍ତରଖାନାର କର୍ମଚାରୀ ନିଲ୍ସଙ୍କର ଗତିବିଧିର ସୂଚନା ପୂର୍ବରୁ ଦେଇଥାନ୍ତେ , ଏତେ ଲୋକଙ୍କ ଜୀବନ ଯାଇନଥାନ୍ତା । ଏବେ ସୁଦ୍ଧା ଏମିତି ୧୬ଟି ମାମଲା ମିଳିଛି , ଯେଉଁଥିରେ ନର୍ସଙ୍କର ଭୂମିକା କୁ ସନ୍ଦେହ ଭାବେ ଧରାଯାଇଛି । ପୁଲିସ୍ ଅଗଷ୍ଟରେ କହିଥିଲେ , ନର୍ସ ଅତି କମରେ ଆହୁରି ୮୪ ରୋଗୀଙ୍କ ହତ୍ୟା କରଛନ୍ତି । ପୁଲିସଙ୍କୁ ୪୧ ଟି ଶବର ଟକ୍ସିକୋଲଜି ରିପୋର୍ଟର ଅପେକ୍ଷା । ଅଭିଯୋଗକାରୀ ୨୦୧୮ର ପ୍ରାରମ୍ଭରେ ନିଲ୍ସଙ୍କ ବିରୋଧରେ ଏକ ସପ୍ଲିମେଂଟାରୀ ଚାର୍ଜ ସିଟି ଦେବେ ।
ନର୍ସଙ୍କୁ ସବୁଠୁ ପ୍ରଥମେ ୨୦୧୫ରେ ଦୁଇ ରୋଗୀଙ୍କ ହତ୍ୟା ଓ ଦୁଇଜଣଙ୍କୁ ପ୍ରୟାସ କରିଥିବା ନେଇ ଦୋଷୀ କରାଯାଇଥିଲା । ନିଲ୍ସ ରୋଗୀଙ୍କୁ ଜାଣିଶୁଣି ଡ୍ରଗ୍ସର ଅଧିକ ମାତ୍ରା ଦେଉଥିଲେ । ଏହାଦ୍ୱାରା ରୋଗୀକୁ ହାର୍ଟଆଟାକ ହେଉଥିଲା । ରୋଗୀର ଅନ୍ୟ ଅଙ୍ଗସବୁ କାମ କରିବା ବନ୍ଦ ହେଇଯାଉଥିଲା ।
( ସୌଜନ୍ୟ –ଦୈନିକ ଜାଗରଣ)